13.83C Vancouver 13.83C VancouverJan 9, 2024 4:08 PM - The Associated Press
ਸਾਲ 2023 ਦੁਨੀਆ ਦਾ ਰਿਕਾਰਡ ਪੱਧਰ ’ਤੇ ਸਭ ਤੋਂ ਗਰਮ ਸਾਲ ਸਾਬਤ ਹੋਇਆ ਹੈ।
ਯੂਰਪੀਅਨ ਯੂਨੀਅਨ ਕਲਾਈਮੇਟ ਸਰਵਿਸ ਏਜੰਸੀ ਮੁਤਾਬਕ ਪਿਛਲਾ ਸਾਲ ਲਗਭਗ ਉਸ ਸਮੇਂ ਤੋਂ ਲਗਭਗ 1.48 ਡਿਗਰੀ ਸੈਲਸੀਅਸ ਗਰਮ ਰਿਹਾ, ਜਦੋਂ ਇਨਸਾਨਾਂ ਨੇ ਅਜੇ ਵੱਡੀ ਮਾਤਰਾ ਵਿਚ ਜੈਵਿਕ ਬਾਲਣ ਦੀ ਵਰਤੋਂ ਸ਼ੁਰੂ ਨਹੀਂ ਕੀਤੀ ਸੀ।
ਕੋਪਰਨਿਕਸ ਕਲਾਈਮੇਟ ਤਬਦੀਲੀ ਸੇਵਾ ਮੁਤਾਬਕ, 2023 ਵਿਚ ਮਨੁੱਖੀ ਜਲਵਾਯੂ ਤਬਦੀਲੀ ਤੋਂ ਇਲਾਵਾ ਕੁਦਰਤੀ ਐਲ ਨੀਨੋ ਮੌਸਮ ਕਾਰਨ ਗਰਮੀ ਵਿਚ ਵਾਧਾ ਦਰਜ ਕੀਤਾ ਗਿਆ।
ਜੁਲਾਈ ਤੋਂ ਲਗਭਗ ਵਿਸ਼ਵ ਤਾਪਮਾਨ ਵਿਚ ਨਵਾਂ ਵਾਧਾ ਦੇਖਿਆ ਗਿਆ। ਸਮੁੰਦਰ ਦੀ ਸਤਹ ਦਾ ਤਾਪਮਾਨ ਵੀ ਪਿਛਲੀਆਂ ਉੱਚਾਈਆਂ ਨੂੰ ਤੋੜ ਚੁੱਕਾ ਹੈ। ਇਹ ਰਿਕਾਰਡ ਅੰਤਰਰਾਸ਼ਟਰੀ ਜਲਵਾਯੂ ਟੀਚੇ ਨੂੰ ਪ੍ਰਭਾਵਿਤ ਕਰਨ ਵਾਲੇ ਹਨ।
ਰਿਪੋਰਟ ਦਾ ਕਹਿਣਾ ਹੈ ਕਿ 2023 ਵਿਚ ਵਿਸ਼ਵ ਦੇ ਵੱਡੇ ਹਿੱਸੇ ਨੇ ਆਮ ਤੋਂ ਵੱਧ ਤਾਪਮਾਨ ਦਰਜ ਕੀਤਾ, ਇਸ ਰਿਕਾਰਡ ਗਲੋਬਲ ਤਪਸ਼ ਨੇ 2023 ਵਿਚ ਦੁਨੀਆ ਦੇ ਵੱਡੇ ਹਿੱਸਿਆਂ ਵਿਚ ਬਹੁਤ ਸਾਰੀਆਂ ਮੌਸਮੀ ਘਟਨਾਵਾਂ ਨੂੰ ਹੋਰ ਖਰਾਬ ਕਰਨ ਵਿਚ ਮਦਦ ਕੀਤੀ।
ਕੈਲੀਫੋਰਨੀਆ ਸਥਿਤ ਬਰਕੀਲੇ ਅਰਥ ਦੇ ਜਲਵਾਯੂ ਵਿਗਿਆਨੀ ਜ਼ੇਕੇ ਹਾਸਫਾਦਰ ਨੇ ਖਦਸ਼ਾ ਜਤਾਇਆ ਕਿ ਸਾਲ 2024- 2023 ਨਾਲੋਂ ਵੀ ਗਰਮ ਹੋ ਸਕਦਾ ਹੈ।
