14.86C Vancouver 14.86C VancouverAug 29, 2024 6:53 PM - The Canadian Press
ਬੀ.ਸੀ. ਵਿਚ ਭੂਚਾਲ ਬਾਰੇ ਪਹਿਲਾਂ ਚਿਤਾਵਨੀ ਦੇਣ ਲਈ ਭੂਚਾਲ ਦੀ ਸ਼ੁਰੂਆਤੀ ਖੋਜ ਪ੍ਰਣਾਲੀ ਨੂੰ ਸ਼ੁਰੂ ਕੀਤਾ ਗਿਆ ਹੈ। ਇਸ ਸਿਸਟਮ ਨਾਲ ਲੋਕਾਂ ਅਤੇ ਬੁਨਿਆਦੀ ਢਾਂਚੇ ਦੇ ਪ੍ਰਬੰਧਕਾਂ ਨੂੰ ਸੰਭਾਵਿਤ ਤੌਰ ’ਤੇ ਨੁਕਸਾਨਦੇਹ ਭੂਚਾਲ ਤੋਂ ਪਹਿਲਾਂ 10 ਸਕਿੰਟਾਂ ਤੱਕ ਦੀ ਚੇਤਾਵਨੀ ਦਿੱਤੀ ਜਾ ਸਕਦੀ ਹੈ।
ਫੈਡਰਲ ਊਰਜਾ ਅਤੇ ਕੁਦਰਤੀ ਸਰੋਤ ਮੰਤਰੀ ਜੋਨਾਥਨ ਵਿਲਕਿਨਸਨ ਦਾ ਕਹਿਣਾ ਹੈ ਕਿ ਇਸ ਨਾਲ ਕਿਸੇ ਤੇਜ਼ ਭੂਚਾਲ ਦਾ ਪਤਾ ਲੱਗਣ ’ਤੇ ਸੈੱਲਫੋਨ, ਰੇਡੀਓ ਅਤੇ ਟੈਲੀਵਿਜ਼ਨ ਰਾਹੀਂ ਬ੍ਰਿਟਿਸ਼ ਕੋਲੰਬੀਆ ਵਾਸੀਆਂ ਨੂੰ ਅਲਰਟ ਆਪਣੇ ਆਪ ਚਲੇ ਜਾਣਗੇ। ਵਿਲਕਿਨਸਨ ਅਨੁਸਾਰ ਫੈਡਰਲ ਅਤੇ ਬੀ.ਸੀ. ਸਰਕਾਰ ਵਲੋਂ ਸਾਂਝੇ ਤੌਰ ’ਤੇ ਐਲਾਨੀ ਗਈ ਇਸ ਪ੍ਰਣਾਲੀ ਨਾਲ ਪੁਲਾਂ ਜਾਂ ਸੁਰੰਗਾਂ ’ਤੇ ਆਵਾਜਾਈ ਨੂੰ ਤੁਰੰਤ ਰੋਕਣ ਵਰਗੀ ਕਾਰਵਾਈ ਕੀਤੀ ਜਾ ਸਕਦੀ ਹੈ।
ਜ਼ਿਕਰਯੋਗ ਹੈ ਕਿ ਨਵੀਂ ਪ੍ਰਣਾਲੀ ਭੂਚਾਲ ਦੇ ਸੰਵੇਦਨਸ਼ੀਲ ਖੇਤਰਾਂ ਦੀ ਰੱਖਿਆ ਲਈ ਚੇਤਾਵਨੀ ਪ੍ਰਣਾਲੀ ਵਿਕਸਤ ਕਰਨ ਲਈ ਫੈਡਰਲ ਸਰਕਾਰ ਦੀ 36 ਮਿਲੀਅਨ ਡਾਲਰ ਦੀ ਯੋਜਨਾ ਦਾ ਹਿੱਸਾ ਹੈ। ਵਿਲਕਿਨਸਨ ਮੁਤਾਬਿਕ ਇਸ ਪ੍ਰਣਾਲੀ ਦਾ ਵਿਸਥਾਰ ਇਸ ਸਾਲ ਦੇ ਅਖੀਰ ਵਿੱਚ ਦੱਖਣੀ ਕਿਊਬੈਕ ਅਤੇ ਪੂਰਬੀ ਓਨਟਾਰੀਓ ਵਿੱਚ ਕੀਤਾ ਜਾਵੇਗਾ।
