13.48C Vancouver 13.48C VancouverOct 7, 2026 6:14 PM - Connect Newsroom - Ramandeep Kaur with files from The Canadian Press
ਬੀ.ਸੀ. ਐਨ.ਡੀ.ਪੀ. ਲੀਡਰ ਡੇਵਿਡ ਈਬੀ ਨੇ ਟਰੇਡ ਵਾਰ ਤੋਂ ਪ੍ਰਭਾਵਿਤ ਛੋਟੇ ਕਾਰੋਬਾਰੀਆਂ ਨੂੰ ਵਿਆਜ-ਮੁਕਤ ਕਰਜ਼ਾ ਦੇਣ ਦਾ ਐਲਾਨ ਕੀਤਾ ਹੈ। ਇਸ ਦੇ ਨਾਲ ਹੀ ਉਨ੍ਹਾਂ ਨੌਜਵਾਨਾਂ ਨੂੰ ਪਹਿਲੀ ਨੌਕਰੀ ਦੇਣ ਵਾਲੇ ਕਾਰੋਬਾਰਾਂ ਲਈ ਨਵੇਂ ਟੈਕਸ ਕ੍ਰੈਡਿਟ ਦੀ ਸ਼ੁਰੂਆਤ ਕਰਨ ਤੇ ਅਮਰੀਕਾ ਤੋਂ ਇਲਾਵਾ ਹੋਰ ਬਾਜ਼ਾਰਾਂ ਵਿਚ ਐਕਸਪੋਰਟ ਕਰਨ ਵਾਲੀਆਂ ਕੰਪਨੀਆਂ ਲਈ ਸਹਾਇਤਾ ਵਧਾਉਣ ਦਾ ਵੀ ਵਾਅਦਾ ਕੀਤਾ।
ਸਰੀ ਦੇ ਨਿਊਟਨ ਵਿਖੇ ਚੋਣ ਕੰਪੇਨ ਦੌਰਾਨ ਈਬੀ ਨੇ ਕਿਹਾ ਕਿ ਉਹ ਟੈਰਿਫ ਦੀ ਮਾਰ ਝੱਲ ਰਹੇ ਛੋਟੇ ਕਾਰੋਬਾਰਾਂ ਨੂੰ 72 ਮਹੀਨਿਆਂ ਲਈ $1 ਮਿਲੀਅਨ ਤੱਕ ਦਾ ਲੋਨ ਦੇਣਗੇ, ਨਾਲ ਹੀ ਜੋ ਕਾਰੋਬਾਰ ਨੌਜਵਾਨਾਂ ਨੂੰ ਉਨ੍ਹਾਂ ਦੀ ਪਹਿਲੀ ਨੌਕਰੀ 'ਤੇ ਰੱਖਣਗੇ ਉਹਨਾਂ ਨੂੰ $5,000 ਤੱਕ ਦਾ refundable tax credit ਮਿਲੇਗਾ।
ਇਸ ਦੌਰਾਨ ਉਹਨਾਂ ਬੀ.ਸੀ. ਕੰਜ਼ਰਵੇਟਿਵ ਦੇ ਲੀਡਰ ਲੋਰਨ ਡੋਰਕਸਨ 'ਤੇ ਪ੍ਰਾਈਵੇਟ ਕਾਰ ਇੰਸ਼ੋਰੈਸ ਕੰਪਨੀਆਂ ਨਾਲ ਗੁਪਤ ਡੀਲ ਕਰਨ ਦਾ ਦੋਸ਼ ਲਗਾਇਆ ਅਤੇ ਕਿਹਾ ਕੀਤਾ ਕਿ ਜੇ ਡੋਰਕਸਨ ਸੱਤਾ ਵਿਚ ਆਉਂਦੇ ਹਨ ਤਾਂ ਉਹ ਨੋ-ਫਾਲਟ ਆਟੋ ਇੰਸ਼ੋਰੈਸ ਸਿਸਟਮ ਨੂੰ ਖ਼ਤਮ ਕਰ ਦੇਣਗੇ, ਜਿਸ ਨਾਲ ਸੂਬੇ ਦੇ ਕਾਰ ਡਰਾਈਵਰਾਂ ਲਈ ਇੰਸ਼ੋਰੈਸ ਰੇਟ ਦੁੱਗਣੇ ਹੋ ਸਕਦੇ ਹਨ।
