7.3C Vancouver 7.3C VancouverDec 31, 2025 7:52 PM - Connect Newsroom - Jasmine Singh with files from The Canadian Press
ਪ੍ਰੀਮੀਅਰ ਡੇਵਿਡ ਈਬੀ ਨੇ ਨਵੇਂ ਸਾਲ ਦੇ ਆਗਮਨ 'ਤੇ ਸੂਬਾ ਨਿਵਾਸੀਆਂ ਨੂੰ ਵਧਾਈ ਦਿੰਦੇ ਹੋਏ ਵਿਸ਼ੇਸ਼ ਬਿਆਨ ਜਾਰੀ ਕੀਤਾ ਹੈ। ਉਨ੍ਹਾਂ ਬੀਤੇ ਸਾਲ ਦੀਆਂ ਚੁਣੌਤੀਆਂ ਦਾ ਜ਼ਿਕਰ ਕਰਦਿਆਂ ਆਉਣ ਵਾਲੇ ਸਾਲ ਲਈ ਉਮੀਦ ਅਤੇ ਭਰੋਸੇ ਦਾ ਪ੍ਰਗਟਾਵਾ ਕੀਤਾ।ਈਬੀ ਨੇ ਕਿਹਾ ਕਿ ਸਾਲ 2025 ਇਤਿਹਾਸ ਵਿਚ ਸਭ ਤੋਂ ਵੱਖਰਾ ਰਿਹਾ, ਜਿਸ ਦੀ ਸ਼ੁਰੂਆਤ ਸਾਡੇ ਸਭ ਤੋਂ ਵੱਡੇ ਵਪਾਰਕ ਭਾਈਵਾਲ ਵਲੋਂ ਸਾਡੀ ਆਰਥਿਕਤਾ ਤੇ sovereignty ਨੂੰ ਧਮਕੀਆਂ ਦੇਣ ਨਾਲ ਹੋਈ ਪਰ ਬੀ. ਸੀ. ਦੇ ਲੋਕਾਂ ਨੇ ਇਕਜੁੱਟ ਹੋ ਕੇ ਇਸ ਸਥਿਤੀ ਦਾ ਮੁਕਾਬਲਾ ਕੀਤਾ।
ਪ੍ਰੀਮੀਅਰ ਨੇ ਕਿਹਾ ਕਿ ਪੂਰੇ ਸਾਲ ਸਾਡੀ ਸਰਕਾਰ ਦਾ ਫੋਕਸ ਆਰਥਿਕਤਾ ਨੂੰ ਮਜਬੂਤ ਬਣਾਉਣ ਅਤੇ ਅਮਰੀਕਾ 'ਤੇ ਨਿਰਭਰਤਾ ਘਟਾਉਣ 'ਤੇ ਰਿਹਾ ਹੈ ਅਤੇ ਅਸੀਂ ਆਪਣੇ ਚਾਰੇ ਪਾਸੇ ਚੰਗੇ ਸੰਕੇਤ ਦੇਖ ਰਹੇ ਹਾਂ, ਜਿਸ ਵਿਚ ਨਵੀਆਂ ਨੌਕਰੀਆਂ ਪੈਦਾ ਕਰਨ ਵਾਲੇ ਪ੍ਰੋਜੈਕਟਸ ਵਿਚ ਫਾਈਨਲ ਇਨਵੈਸਟਮੈਂਟ ਦੇ ਫੈਸਲੇ ਹੋ ਰਹੇ ਹਨ। ਉਹਨਾਂ ਕਿਹਾ ਕਿ ਬੀ. ਸੁਤੰਤਰ ਕੈਨੇਡੀਅਨ ਅਰਥਵਿਵਸਥਾ ਦਾ ਇੰਜਣ ਹੋਵੇਗਾ।
ਈਬੀ ਨੇ ਸੰਦੇਸ਼ ਦੀ ਸਮਾਪਤੀ ਕਰਦੇ ਕਿਹਾ ਕਿ ਆਓ ਅਸੀਂ ਪਿਛਲੇ ਸਾਲ ਨੂੰ ਅਲਵਿਦਾ ਕਹੀਏ ਤੇ ਨਵੇਂ ਸਾਲ ਦਾ ਭਰੋਸੇ ਅਤੇ ਉਮੀਦ ਨਾਲ ਸਵਾਗਤ ਕਰੀਏ, ਮਿਲ ਕੇ ਅਸੀਂ ਬ੍ਰਿਟਿਸ਼ ਕੋਲੰਬੀਆ ਲਈ ਇੱਕ ਮਜ਼ਬੂਤ ਅਤੇ ਉੱਜਵਲ ਭਵਿੱਖ ਦਾ ਨਿਰਮਾਣ ਕਰ ਸਕਦੇ ਹਾਂ।
