18.92C Vancouver 18.92C VancouverApr 30, 2026 5:46 PM - Pervez Sandhu - with files from The Canadian Press
ਵੈਨਕੂਵਰ ਵਿਚ ਵ੍ਹਾਈਟਕੈਪਸ ਨੂੰ ਲੈ ਕੇ ਇਸ ਵੇਲੇ ਮਾਹੌਲ ਕਾਫੀ ਗਰਮਾਇਆ ਹੋਇਆ ਹੈ।
ਚਰਚਾ ਹੈ ਕਿ ਲੀਗ ਦੇ ਮਾਲਕ ਕਲੱਬ ਨੂੰ ਵੈਨਕੂਵਰ ਤੋਂ ਹਟਾ ਕੇ ਕਿਸੇ ਹੋਰ ਜਗ੍ਹਾ ਲਿਜਾਣ ਦੀ ਤਿਆਰੀ ਕਰ ਰਹੇ ਹਨ।
ਅਸਲ ਵਿਚ ਸਾਰੀ ਗੱਲ ਖਰਚਿਆਂ 'ਤੇ ਅੜੀ ਹੋਈ ਹੈ।
ਇਸ ਮਸਲੇ ਨੂੰ ਹੱਲ ਕਰਨ ਲਈ ਪ੍ਰੀਮਿਅਰ ਡੇਵਿਡ ਇਬੀ ਨੇ ਬੁੱਧਵਾਰ ਨੂੰ ਐਮ.ਐਲ.ਐਸ. ਦੇ ਕਮਿਸ਼ਨਰ ਡੌਨ ਗਾਰਬਰ ਨਾਲ ਮੁਲਾਕਾਤ ਕੀਤੀ।
ਇਬੀ ਨੇ ਕਿਹਾ ਕਿ ਅਸੀਂ ਚਾਹੁੰਦੇ ਹਾਂ ਕਿ ਟੀਮ ਇੱਥੇ ਹੀ ਰਹੇ ਪਰ ਸਾਨੂੰ ਇਹ ਦੇਖਣਾ ਪਵੇਗਾ ਕਿ ਲੀਗ ਦੀਆਂ ਮੰਗਾਂ ਦਾ ਕੀ ਹੋ ਸਕਦਾ ਹੈ।
ਪ੍ਰੀਮਿਅਰ ਡੇਵਿਡ ਇਬੀ ਦੀ ਐਕਸ 'ਤੇ ਸਾਂਝੀ ਕੀਤੀ ਪੋਸਟ:
ਸਰਕਾਰ ਅਤੇ ਲੀਗ ਵਿਚਾਲੇ ਮੁੱਖ ਮੁੱਦਾ BC Place Stadium ਅਤੇ ਟੀਮ ਦੀ ਮਾਲੀ ਹਾਲਤ ਨੂੰ ਲੈ ਕੇ ਹੈ।
ਹਾਲਾਂਕਿ, ਬੀਸੀ ਪਲੇਸ ਸਟੇਡੀਅਮ ਨਾਲ ਜੁੜੇ ਖ਼ਰਚਿਆਂ ਵਿਚ ਕੰਸੈਸ਼ਨ ਦੀ ਪੇਸ਼ਕਸ਼ ਕੀਤੀ ਗਈ ਹੈ ਪਰ ਇਬੀ ਨੇ ਸਾਫ਼ ਕੀਤਾ ਹੈ ਕਿ ਸਰਕਾਰ ਦੀ ਟੀਮ ਨੂੰ ਖਰੀਦਣ ਦੀ ਕੋਈ ਯੋਜਨਾ ਨਹੀਂ ਹੈ।
Premier ਨੇ ਬੀਤੀ ਰਾਤ ਇੱਕ ਵੀਡੀਓ ਜਾਰੀ ਕਰ ਇਹ ਭਰੋਸਾ ਵੀ ਦਿੱਤਾ ਕਿ ਉਹ ਮਸਲੇ ਦੇ ਹੱਲ ਲਈ ਇੱਕ ਵਾਰ ਫਿਰ ਐਮ.ਐਲ.ਐਸ. ਕਮਿਸ਼ਨਰ ਨਾਲ ਮੁਲਾਕਾਤ ਕਰਨਗੇ।
