16.79C Vancouver 16.79C VancouverFeb 5, 2021 4:31 PM -
ਸਟੈਟਿਸਟਿਕਸ ਕੈਨੇਡਾ ਦਾ ਕਹਿਣਾ ਹੈ ਕਿ ਰੁਜ਼ਗਾਰ ਪਿਛਲੇ ਸਾਲ ਅਗਸਤ ਤੋਂ ਸਭ ਤੋਂ ਹੇਠਲੇ ਪੱਧਰ ਤੇ ਆ ਗਿਆ ਹੈ ਅਤੇ ਜਨਵਰੀ ਵਿਚ ਆਰਥਿਕਤਾ ਨੇ ਲਗਭਗ 213,000 ਨੌਕਰੀਆਂ ਗੁਆ ਦਿੱਤੀਆਂ ਹਨ, ਜਿਸ ਨਾਲ ਪੱਤਝੱੜ ਵਿੱਚ ਹੋਇਆ ਵਾਧਾ ਵੀ ਖਤਮ ਹੋ ਗਿਆ ਹੈ।
ਬੇਰੁਜ਼ਗਾਰੀ ਦਰ 0.6 ਫ਼ੀਸਦੀ ਤੋਂ ਵੱਧ ਕੇ 9.4 ਫ਼ੀਸਦੀ ਹੋ ਗਈ, ਜੋ ਅਗਸਤ ਤੋਂ ਬਾਅਦ ਸਭ ਤੋਂ ਉੱਚੀ ਦਰ ਹੈ।
ਫਾਈਨੈਂਸ਼ਲ ਡਾਟਾ ਫਰਮ ‘ਰਿਫੀਨਟਿਵ’ ਦਾ ਕਹਿਣਾ ਹੈ ਕਿ ਜ਼ਿਆਦਾਤਰ ਅਰਥਸ਼ਾਸਤਰੀਆਂ ਦਾ ਅਨੁਮਾਨ ਸੀ ਕਿ ਜਨਵਰੀ ਵਿੱਚ 47,500 ਨੌਕਰੀਆਂ ਦਾ ਘਾਟਾ ਦੇਖਣ ਨੂੰ ਮਿਲੇਗਾ ਅਤੇ ਬੇਰੁਜ਼ਗਾਰੀ ਦੀ ਦਰ 8.9 ਫ਼ੀਸਦੀ ਹੋਵੇਗੀ।
ਸਭ ਤੋਂ ਵੱਧ ਨੁਕਸਾਨ ਲਗਭਗ ਪੂਰੀ ਤਰ੍ਹਾਂ ਓਨਟਾਰੀਓ ਅਤੇ ਕਿਊਬੈਕ ਵਿੱਚ ਕੇਂਦ੍ਰਿਤ ਸੀ ਅਤੇ ਜ਼ਿਆਦਾਤਰ ਰਿਟੇਲ ਖੇਤਰ ਵਿੱਚ ਸਨ ਕਿਉਂਕਿ ਲੌਕਡਾਊਨ ਅਤੇ ਪਾਬੰਦੀਆਂ ਕਾਰਨ ਬਹੁਤ ਸਾਰੇ ਕਾਰੋਬਾਰਾਂ ਨੂੰ ਆਪਣੇ ਦਰਵਾਜ਼ੇ ਬੰਦ ਕਰਨੇ ਪਏ ਸਨ।
ਸਰਵਿਸ ਸੈਕਟਰ ਅਤੇ ਪਾਰਟ-ਟਾਈਮ ਨੌਕਰੀਆਂ ਵਿੱਚ ਸਭ ਤੋਂ ਵੱਧ ਗਿਰਾਵਟ ਦੇਖਣ ਨੂੰ ਮਿਲੀ।
ਅਪ੍ਰੈਲ ਤੋਂ ਬਾਅਦ ਇਹ ਸਭ ਤੋਂ ਵੱਡੀ ਮਹੀਨਾਵਾਰ ਗਿਰਾਵਟ ਸੀ ਜਦੋਂ ਤਕਰੀਬਨ 20 ਲੱਖ ਨੌਕਰੀਆਂ ਗਈਆਂ ਸਨ।
