ਐ਼ਡਮਿੰਟਨ ਦਾ ਵਿਅਕਤੀ ਆਪਣੀ ਪਾਰਟਨਰ ਦੇ ਸੈਕੰਡ ਡਿਗਰੀ ਮਰਡਰ ਦੇ ਦੋਸ਼ ਵਿਚ ਚਾਰਜ

ਐਡਮਿੰਟਨ ਦਾ ਇਕ ਵਿਅਕਤੀ ਔਰਤ ਦੇ ਕਤਲ ਮਾਮਲੇ ਵਿਚ ਸੈਕੰਡ ਡਿਗਰੀ ਮਰਡਰ ਦੇ ਚਾਰਜਿਜ਼ ਦਾ ਸਾਹਮਣਾ ਕਰ ਰਿਹਾ ਹੈ।

ਪੁਲਿਸ ਦੇ ਕਤਲ ਕੇਸ ਸੁਲਝਾਉਣ ਵਾਲੇ ਵਿਭਾਗ ਵਲੋਂ ਜਾਣਕਾਰੀ ਦਿੱਤੀ ਗਈ ਕਿ 31 ਸਾਲਾ ਡੈਨੀਅਲ ਬੂਥਮੈਨ ਨੇ 43 ਸਾਲਾ ਐਸ਼ਲੇ ਬੁਰਕੇ ਦਾ 30 ਦਸੰਬਰ, 2024 ਨੂੰ ਕਤਲ ਕੀਤਾ ਸੀ, ਜਿਸ ਦੀ ਲਾਸ਼ ਪਿਛਲੇ ਹਫਤੇ ਉੱਤਰੀ ਸਸਕੈਚਵਨ ਨਦੀ ਨੇੜਿਓਂ ਮਿਲੀ ਹੈ। ਰਿਪੋਰਟ ਮੁਤਾਬਕ ਉਸ ਸ਼ਾਮ ਕਰੀਬ 4.45 ਵਜੇ ਪੁਲਿਸ ਨੂੰ ਵ੍ਹਾਈਟਮਡ ਪਾਰਕ ਨੇੜਲੇ ਕੁਏਸਨੇਲ ਬ੍ਰਿਜ ਦੇ ਈਸਟ ਪਾਸੇ ਨਦੀ ਕੋਲ ਔਰਤ ਦੀ ਲਾਸ਼ ਹੋਣ ਦੀ ਜਾਣਕਾਰੀ ਮਿਲੀ ਸੀ। ਪੋਸਟਮਾਰਟਮ ਵਿਚ ਪਤਾ ਲੱਗਾ ਕਿ ਉਸ ਦਾ ਕਤਲ ਹੋਇਆ ਸੀ। ਸ਼ੁੱਕਰਵਾਰ ਪੁਲਿਸ ਨੇ ਬੂਥਮੈਨ ਨੂੰ ਚਾਰਜ ਕੀਤਾ।

ਪੁਲਿਸ ਨੇ ਪੁਸ਼ਟੀ ਕੀਤੀ ਕਿ ਦੋਵੇਂ ਇਕ-ਦੂਜੇ ਨੂੰ ਜਾਣਦੇ ਸਨ ਅਤੇ ਇਸ ਨੂੰ ਪਾਰਟਨਰ ਵਲੋਂ ਕਤਲ ਕਰਨ ਦੇ ਮਾਮਲੇ ਵਜੋਂ ਦੇਖਿਆ ਜਾ ਰਿਹਾ ਹੈ।