14.96C Vancouver 14.96C VancouverDec 17, 2024 6:47 PM - The Canadian Press
ਐਡਮਿੰਟਨ ਦੇ ਪੁਲਿਸ ਕਮਿਸ਼ਨਰ ਜੌਨ ਮੈਕਡੌਗਲ ਨੇ ਆਲੋਚਨਾ ਹੋਣ ਮਗਰੋਂ ਆਪਣੇ ਅਹੁਦੇ ਤੋਂ ਅਸਤੀਫ਼ਾ ਦੇ ਦਿੱਤਾ ਹੈ। ਉਨ੍ਹਾਂ ਨੇ ਪੁਰਤਗਾਲ ਜਾਣ ਦਾ ਫੈਸਲਾ ਲਿਆ ਹੈ ਪਰ ਉਨ੍ਹਾਂ ਦੀ ਨੌਕਰੀ ਦਾ ਕੁਝ ਸਮਾਂ ਅਜੇ ਰਹਿੰਦਾ ਹੈ। ਸੂਬਾ ਸਰਕਾਰ ਨੇ ਉਨ੍ਹਾਂ ਨੂੰ ਉੱਥੋਂ ਹੀ ਪ੍ਰਬੰਧ ਦੇਖਣ ਦੀ ਗੱਲ ਆਖੀ ਸੀ ਪਰ ਇਸ ਗੱਲ ਨੂੰ ਲੈ ਕੇ ਉਨ੍ਹਾਂ ਦਾ ਵਿਰੋਧ ਹੋ ਰਿਹਾ ਸੀ।
ਉਨ੍ਹਾਂ ਕਿਹਾ ਕਿ ਪਿਛਲੇ ਕੁਝ ਦਿਨਾਂ ਦੌਰਾਨ ਕਾਫੀ ਵਿਚਾਰ-ਚਰਚਾ ਕਰਨ ਮਗਰੋਂ ਉਨ੍ਹਾਂ ਨੇ ਵਿਭਾਗ ਦੇ ਮੈਂਬਰ ਵਜੋਂ ਅਸਤੀਫਾ ਦੇਣ ਦਾ ਫੈਸਲਾ ਕੀਤਾ ਹੈ। ਗੌਰਤਲਬ ਹੈ ਕਿ ਉਨ੍ਹਾਂ ਦੀ ਨੌਕਰੀ ਦਸੰਬਰ 2026 ਤੱਕ ਦੀ ਹੈ।
ਐੱਨ.ਡੀ.ਪੀ. ਦੇ ਜਨਤਕ ਸੁਰੱਖਿਆ ਸ਼ੈਡੋ ਮੰਤਰੀ ਸਣੇ ਕੁਝ ਸਿਆਸਤਦਾਨਾਂ ਨੇ ਵਿਰੋਧ ਕਰਦਿਆਂ ਕਿਹਾ ਸੀ ਕਿ ਸਿਟੀ ਦਾ ਕੰਮ ਦੇਖਣ ਲਈ ਕਿਸੇ ਲੋਕਲ ਔਫੀਸਰ ਦੀ ਹੀ ਜ਼ਰੂਰਤ ਹੈ।
