22.2C Vancouver 22.2C VancouverJan 18, 2024 4:28 PM - The Connect News
ਐਡਮੰਟਨ ਵਿਚ 2023 ਵਿਚ ਗੋਲੀਬਾਰੀ ਦੀਆਂ ਵਾਰਦਾਤਾਂ 2022 ਨਾਲੋਂ 34 ਫੀਸਦੀ ਵਧੀਆਂ ਹਨ। ਪੁਲਿਸ ਨੇ ਬੁੱਧਵਾਰ ਮੀਡੀਆ ਰਿਲੀਜ਼ ਵਿਚ ਦੱਸਿਆ ਕਿ 2022 ਵਿਚ ਗੋਲੀਬਾਰੀ ਦੀਆਂ 165 ਵਾਰਦਾਤਾਂ ਵਾਪਰੀਆਂ ਜਦਕਿ ਪਿਛਲੇ ਸਾਲ ਇਹ ਅੰਕੜਾ 221 ਰਿਹਾ।
ਉਨ੍ਹਾਂ ਨੇ ਬੀਤੇ ਸਾਲ 892 ਪਿਸਤੌਲਾਂ ਜ਼ਬਤ ਕੀਤੀਆਂ। ਹਾਲਾਂਕਿ ਜੇਕਰ ਦੋਵੇਂ ਸਾਲਾਂ ਵਿਚ ਸਿਰਫ ਦਸੰਬਰ ਮਹੀਨੇ ਦੀ ਤੁਲਨਾ ਕੀਤੀ ਜਾਵੇ ਤਾਂ 2023 ਵਿਚ ਅਜਿਹੀਆਂ ਵਾਰਦਾਤਾਂ ਘੱਟ ਵਾਪਰੀਆਂ।
ਕਈ ਵਾਰ ਗੋਲੀਬਾਰੀ ਦੌਰਾਨ ਨੇੜੇ ਖੜ੍ਹੇ ਬੇਕਸੂਰ ਲੋਕ ਨਿਸ਼ਾਨਾ ਬਣ ਜਾਂਦੇ ਹਨ। ਪੁਲਿਸ ਮੁਤਾਬਕ ਦਸੰਬਰ 2023 ਵਿਚ ਗੋਲੀਬਾਰੀ ਦੀਆਂ 17 ਵਾਰਦਾਤਾਂ ਵਾਪਰੀਆਂ ਭਾਵ ਇਕ ਦਿਨ ਛੱਡ ਕੇ ਅਗਲੇ ਦਿਨ ਗੋਲੀਬਾਰੀ ਹੋਈ।
ਇਸ ਦੌਰਾਨ 13 ਵਾਰਦਾਤਾਂ ਦੌਰਾਨ ਨੇੜੇ ਖੜ੍ਹੇ ਲੋਕਾਂ ਨੂੰ ਨੁਕਸਾਨ ਪੁੱਜਾ। 12 ਵਾਰਦਾਤਾਂ ਨਿਸ਼ਾਨੇ ਤੇ ਸਨ ਅਤੇ 10 ਲੋਕ ਜ਼ਖਮੀ ਹੋ ਗਏ। ਬੀਤੇ ਸਾਲ ਗੋਲੀਬਾਰੀ ਵਿਚ .22 ਕੈਲੀਬਰ ਰਾਈਫਲਾਂ ਅਤੇ 9 ਮਿਲੀਮੀਟਰ ਹੈਂਡਗਨ ਦੀ ਵਧੇਰੇ ਵਰਤੋਂ ਹੋਈ।
ਇਸ ਦੇ ਇਲਾਵਾ ਕਈ ਸ਼ੂਟਰਜ਼ ਕੋਲ ਇਨ੍ਹਾਂ ਲਈ ਲਾਈਸੈਂਸ ਵੀ ਨਹੀਂ ਸੀ। ਸਟਾਫ਼ ਸਰਾਜੈੱਟ ਨੇ ਕਿਹਾ ਕਿ ਉਹ ਪੂਰੀ ਕੋਸ਼ਿਸ਼ ਕਰ ਰਹੇ ਹਨ ਕਿ 2024 ਵਿਚ ਅਜਿਹੀਆਂ ਵਾਰਦਾਤਾਂ ਨੂੰ ਰੋਕਿਆ ਜਾ ਸਕੇ।
