ਕੈਲਗਰੀ ਵਿੱਚ ਕਾਰ ਦੀ ਟੱਕਰ ਨਾਲ ਪੈਦਲ ਜਾ ਰਹੀ ਬਜ਼ੁਰਗ ਔਰਤ ਦੀ ਹੋਈ ਮੌਤ

ਕੈਲਗਰੀ ਦੀ ਸਾਊਥ ਬਾਊਂਡ ਫਰਸਟ ਸਟ੍ਰੀਟ ਵਿਚ ਸ਼ਨੀਵਾਰ ਦੁਪਹਿਰ ਵਾਪਰੇ ਹਾਦਸੇ ਦੌਰਾਨ ਇਕ ਪੈਦਲ ਜਾ ਰਹੀ ਬਜ਼ੁਰਗ ਔਰਤ ਦੀ ਮੌਤ ਹੋ ਗਈ। ਪੁਲਿਸ ਮੁਤਾਬਕ ਦੁਪਹਿਰ ਕਰੀਬ 2.30 ਵਜੇ 87 ਸਾਲਾ ਔਰਤ ਨਾਈਨਥ ਐਵੇਨਿਊ ਸਾਊਥ ਈਸਟ ਤੋਂ ਲੰਘ ਰਹੀ ਸੀ ਅਤੇ ਫਰਸਟ ਸਟ੍ਰੀਟ ਸਾਊਥ ਈਸਟ ਵਲੋਂ ਆਈ ਸ਼ੇਵਰਲੇਟ ਐਕਵਨੋਕਸ ਨਾਲ ਉਸ ਦੀ ਟੱਕਰ ਹੋ ਗਈ। ਇਸ ਨੂੰ 60 ਸਾਲਾ ਵਿਅਕਤੀ ਚਲਾ ਰਿਹਾ ਸੀ।

ਔਰਤ ਨੂੰ ਹਸਪਤਾਲ ਲਿਜਾਇਆ ਗਿਆ ਪਰ ਜ਼ਖਮਾਂ ਦੀ ਤਾਬ ਨਾ ਝੱਲਦਿਆਂ ਉਸ ਨੇ ਦਮ ਤੋੜ ਦਿੱਤਾ। ਮੰਨਿਆ ਜਾਂਦਾ ਹੈ ਕਿ ਟੱਕਰ ਦਾ ਕਾਰਨ ਸਪੀਡ ਜਾਂ ਇੰਪੇਅਰਮੈਂਟ ਨਹੀਂ ਸਨ। ਪੁਲਿਸ ਵਲੋਂ ਹਾਦਸੇ ਦੇ ਕਾਰਨਾਂ ਦੀ ਜਾਂਚ ਕੀਤੀ ਜਾ ਰਹੀ ਹੈ।