14.95C Vancouver 14.95C VancouverJun 17, 2021 8:38 PM -
ਇਲੈਕਸ਼ਨਸ ਬੀ.ਸੀ. ਵੱਲੋਂ ਸਰੀ ਪੁਲਿਸ ਸਰਵਿਸ ਦੇ ਆਲੋਚਕਾਂ ਨੂੰ ਇੱਕ ਮੌਕਾ ਦਿੱਤਾ ਜਾ ਰਿਹਾ ਹੈ ਜਿਸ ਤਹਿਤ ਇਸ ਪੁਲਿਸ ਫੋਰਸ 'ਤੇ ਰੈਫਰੈਂਡਮ ਲਿਆਂਦਾ ਜਾ ਸਕਦਾ ਹੈ।
ਸਰੀ ਪੁਲਿਸ ਵੋਟ ਇਨੀਸ਼ੀਏਟਿਵ ਜੋ ਕਿ ਇਸ ਰੈਫਰੈਂਡਮ ਨੂੰ ਲਿਆਉਣ 'ਚ ਅਹਿਮ ਭੂਮਿਕਾ ਵਿੱਚ ਹੈ ਉਨ੍ਹਾਂ ਕੋਲ 60 ਦਿਨ ਦਾ ਸਮਾਂ ਹੈ ਜਿਸ ਦੌਰਾਨ ਇਸ ਬਾਰੇ ਜਾਣਕਾਰੀ ਦਿੱਤੀ ਜਾ ਸਕੇਗੀ।
ਇਸ ਤੋਂ ਬਾਅਦ ਅਗਲੇ 90 ਦਿਨਾਂ ਦੌਰਾਨ ਜੇਕਰ ਬੀ.ਸੀ. ਦੀ ਹਰ ਇਲੈਕਟੋਰਲ ਡਿਸਟ੍ਰਿਕਟ ਤੋਂ 10% ਰਿਜਿਸਟਰਡ ਵੋਟਰ ਇਸ ਦੇ ਲਈ ਵੋਟ ਕਰਦੇ ਹਨ ਤਾਂ ਰੈਫਰੈਂਡਮ ਹੋ ਸਕੇਗਾ।
ਇਸ ਇਨੀਸ਼ੀਏਟਿਵ ਦੀ ਅਗਵਾਈ ਡਾਰਲੀਨ ਬੈਨੇਟ ਵੱਲੋਂ ਕੀਤੀ ਜਾ ਰਹੀ ਹੈ।
ਜੂਨ 2018 'ਚ ਉਨ੍ਹਾਂ ਦੇ ਪਤੀ ਦੀ ਮੌਤ ਇੱਕ 'ਮਿਸਟੇਕਨ ਆਈਡੈਂਟਟੀ' ਦੇ ਮਾਮਲੇ 'ਚ ਹੋ ਗਈ ਸੀ।
ਆਰ.ਸੀ.ਐਮ.ਪੀ. ਦੀ ਜਗ੍ਹਾ 'ਤੇ ਸਥਾਪਿਤ ਹੋਣ ਵਾਲੀ ਨਵੀਂ ਪੁਲਿਸ ਫੋਰਸ ਦੇ ਵਧਦੇ ਖਰਚਿਆਂ ਨੂੰ ਕਾਰਨ ਦਸਦੇ ਹੋਏ ਡਾਰਲੀਨ ਬੈਨੇਟ ਨੇ ਇਸ ਮੁਹਿੰਮ ਦੀ ਸ਼ੁਰੂਆਤ ਕੀਤੀ ਹੈ।
ਉਨ੍ਹਾਂ ਗਰੁੱਪ ਦੀ ਵੈਬਸਾਈਟ 'ਤੇ ਲਿਖਿਆ ਕਿ ਉਨ੍ਹਾਂ ਦਾ ਮੰਨਣਾ ਹੈ ਕਿ ਸਰੀ ਦੇ ਲੋਕਲ ਪੁਲਿਸ ਫੋਰਸ ਨੂੰ ਸਥਾਪਿਤ ਕਰਨ ਦੇ ਮਾਮਲੇ 'ਚ ਵਧੇਰੇ ਪਾਰਦਰਸ਼ਿਤਾ ਦੀ ਲੋੜ ਹੈ।
ਸਰੀ ਦੇ ਬਜਟ 2021 'ਚ ਦਰਸ਼ਾਇਆ ਗਿਆ ਹੈ ਕਿ ਲੋਕਲ ਪੁਲਿਸ ਫੋਰਸ ਲਈ ਟ੍ਰਾਂਜ਼ਿਸ਼ਨ 'ਚ ਪਹਿਲਾਂ ਦੱਸੇ ਗਏ $45 ਮਿਲੀਅਨ ਤੋਂ $18.5 ਮਿਲੀਅਨ ਵਧੇਰੇ ਖਰਚ ਹੋਣਗੇ।
