ਰਾਸ਼ਟਰਪਤੀ ਟਰੰਪ ਦੇ ਸਲਾਹਕਾਰ ਦੇ ਅਹੁਦੇ ਨੂੰ ਛੱਡ ਰਹੇ ਮਸਕ

ਟੇਸਲਾ ਦੇ ਸੀਈਓ ਈਲੋਨ ਮਸਕ ਟਰੰਪ ਸਰਕਾਰ ਤੋਂ ਵੱਖ ਹੋ ਗਏ ਹਨ। ਉਨ੍ਹਾਂ ਸੋਸ਼ਲ ਮੀਡੀਆ ਪਲੇਟਫਾਰਮ ਐਕਸ 'ਤੇ ਇੱਕ ਪੋਸਟ ਵਿਚ ਇਹ ਜਾਣਕਾਰੀ ਦਿੱਤੀ। ਮਸਕ ਦਾ ਸਰਕਾਰ ਤੋਂ ਬਾਹਰ ਹੋਣਾ ਉਨ੍ਹਾਂ ਵਲੋਂ ਟਰੰਪ ਦੇ ਬਜਟ ਪ੍ਰਤੀ ਨਿਰਾਸ਼ਾ ਜ਼ਾਹਰ ਕਰਨ ਤੋਂ ਬਾਅਦ ਆਇਆ ਹੈ, ਜਿਸ ਵਿਚ ਮਲਟੀ-ਬਿਲੀਅਨ ਡਾਲਰ ਦੀ ਟੈਕਸ ਛੋਟ ਦੇਣ ਅਤੇ ਰੱਖਿਆ ਖਰਚ ਨੂੰ ਵਧਾਉਣ ਦੇ ਪ੍ਰਸਤਾਵ ਸ਼ਾਮਲ ਹਨ। ਟਰੰਪ ਨੇ ਆਪਣੇ ਬਜਟ ਬਿੱਲ ਨੂੰ ਵੱਡਾ ਅਤੇ ਬਿਹਤਰ ਦੱਸਿਆ ਸੀ ਅਤੇ ਮਸਕ ਨੇ ਇਸ ਬਿੱਲ ਦੀ ਆਲੋਚਨਾ ਕੀਤੀ ਸੀ।

ਈਲੋਨ ਮਸਕ ਨੂੰ ਟਰੰਪ ਸਰਕਾਰ ਵਲੋਂ 'ਵਿਸ਼ੇਸ਼ ਸਰਕਾਰੀ ਕਰਮਚਾਰੀ' ਦਾ ਦਰਜਾ ਦਿੱਤਾ ਗਿਆ ਸੀ। ਉਹਨਾਂ ਦਾ ਬਾਹਰ ਹੋਣਾ ਸਿਰਫ ਟਰੰਪ ਸਰਕਾਰ ਵਿਚ ਇੱਕ ਵੱਡਾ ਉਲਟਫੇਰ ਨਹੀਂ ਹੈ, ਉਹ ਰਿਪਬਲਿਕਨ ਪਾਰਟੀ ਦੇ ਸਭ ਤੋਂ ਵੱਡੇ ਡੋਨਰ ਵੀ ਰਹੇ ਹਨ।

ਮਸਕ ਸਰਕਾਰੀ ਕੁਸ਼ਲਤਾ ਵਿਭਾਗ ਦੀ ਜ਼ਿੰਮੇਵਾਰੀ ਦੇਖ ਰਹੇ ਸਨ ਪਰ ਇਸ ਦੌਰਾਨ ਉਨਾਂ ਦੀ ਟੇਸਲਾ ਦੇ ਮੁਨਾਫੇ ਵਿਚ ਭਾਰੀ ਗਿਰਾਵਟ ਦੇਖੀ ਗਈ। ਉਨ੍ਹਾਂ ਪਿਛਲੇ ਮਹੀਨੇ ਨਿਵੇਸ਼ਕਾਂ ਨੂੰ ਕਿਹਾ ਸੀ ਕਿ ਉਹ DOGE ਵਿਚ ਆਪਣਾ ਵਰਕਲੋਡ ਘਟਾ ਰਹੇ ਹਨ ਅਤੇ ਟੇਸਲਾ ਨੂੰ ਵਧੇਰੇ ਸਮਾਂ ਦੇ ਸਕਣਗੇ।