13.92C Vancouver 13.92C VancouverApr 7, 2020 10:42 PM -
ਕੋਵਿਡ-19 ਦੇ ਫੈਲਾਅਨੂੰ ਰੋਕਣ ਲਈ 'ਸਿਟੀ ਆਫ ਸਰੀ'ਅਤੇ 'ਫਰੇਜ਼ਰ ਹੈਲਥ' ਨੇਆਰਜ਼ੀ ਐਮਰਜੈਂਸੀ ਰਿਸਪਾਂਸ ਸੈਂਟਰ ਸਥਾਪਤ ਕਰ ਦਿੱਤਾ ਹੈ, ਜੋ ਕੋਵਿਡ-19 ਦੇ ਲੱਛਣ ਵਾਲੇ ਬੇਘਰਾਂ, ਸ਼ੈਲਟਰ ਘਰਾਂ ਵਿੱਚ ਰਹਿਣ ਵਾਲਿਆਂ ਅਤੇ ਗੰਭੀਰ ਦੇਖਭਾਲ ਤੋਂ ਬਾਹਰ ਆਉਣ ਵਾਲੇ ਲੋਕਾਂ ਨੂੰ ਇਕੱਲੇ ਵਿੱਚ ਰਹਿਣ ਲਈ ਥਾਵਾਂ ਪ੍ਰਦਾਨ ਕਰੇਗਾ।
ਇਹ ਐਮਰਜੈਂਸੀ ਰਿਸਪੋਂਸ ਸੈਂਟਰ, ਪੁਰਾਣੇ ਨੌਰਥ ਸਰੀ ਰਿਕਰੀਏਸ਼ਨ ਸੈਂਟਰ (North surrey recreation centre) ਵਿਖੇ ਸਥਾਪਤ ਕੀਤਾ ਗਿਆ ਹੈ ਅਤੇ ਇਸ ਵਿੱਚ 110 ਲੋਕਾਂ ਲਈ ਥਾਵਾਂ ਹਨ ਜੋ ਕਿਸੇ ਹਵਾਲੇ ਦੇ ਆਧਾਰ ਤੇ ਉਪਲੱਬਧ ਹੋਣਗੀਆਂ।
ਇਨ੍ਹਾਂ ਹਵਾਲਿਆਂ ਦਾ ਪ੍ਰਬੰਧਨ ਫਰੇਜ਼ਰ ਹੈਲਥ ਵੱਲੋਂ ਕੀਤਾ ਜਾਵੇਗਾ ਤਾਂ ਜੋ ਉਨ੍ਹਾਂ ਲੋਕਾਂ ਨੂੰ ਤਰਜੀਹ ਦਿੱਤੀ ਜਾ ਸਕੇ ਜਿਨ੍ਹਾਂ ਨੂੰ ਦੇਖਭਾਲ ਦੀ ਸਭ ਤੋਂ ਵੱਧ ਲੋੜ ਹੈ।
ਸਰੀ ਦੇ ਮੇਯਰ ਡੱਗ ਮੈਕੁਲਮ ਨੇ ਇਸ ਸਬੰਧੀ ਕਿਹਾ ਹੈ ਕਿ ਇਸ ਉਪਰਾਲੇ ਆਸਰੇ ਸਮਾਜ ਦੇ ਸਭ ਤੋਂ ਕਮਜ਼ੋਰ ਵਰਗ ਨੂੰ ਕੋਵਿਡ-19 ਖਿਲਾਫ ਸਭ ਤੋਂ ਜ਼ਰੂਰੀ ਸੁਰੱਖਿਆ ਉਪਾਅ, ਯਾਨੀ ਫਿਜੀਕਲ ਡਿਸਟੈਨਸਿੰਗ ਦੀ ਯੋਗਤਾ ਪ੍ਰਦਾਨ ਕੀਤੀ ਜਾ ਰਹੀ ਹੈ।
