16.21C Vancouver 16.21C VancouverJul 7, 2021 10:37 PM -
ਫੁੱਟਬਾਲ ਦੇ ਯੂਰੋ ਕੱਪ ਦੇ ਦੂਜੇ ਸੈਮੀਫਾਈਨਲ ਮੁਕਾਬਲੇ ਵਿੱਚ ਇੰਗਲੈਂਡ ਨੇ ਬਾਜ਼ੀ ਮਾਰੀ ਹੈ।
ਇੰਗਲੈਂਡ ਤੇ ਡੈਨਮਾਰਕ ਵਿਚਾਲੇ ਖੇਡੇ ਗਏ ਦਿਲਚਸਪ ਮੁਕਾਬਲੇ 'ਚ ਇੰਗਲੈਂਡ ਨੂੰ 2-1 ਦੇ ਫਰਕ ਨਾਲ ਜਿੱਤ ਹਾਸਿਲ ਹੋਈ।
ਇਹ ਮੁਕਾਬਲਾ ਰੈਗੂਲਰ ਟਾਈਮ 'ਚ 1-1 ਦੀ ਬਰਾਬਰੀ 'ਤੇ ਰਹਿਣ ਤੋਂ ਬਾਅਦ ਐਕਸਟਰਾ ਟਾਈਮ 'ਚ ਪਹੁੰਚਿਆ ਸੀ ਜਿੱਥੇ ਇੰਗਲੈਂਡ ਨੂੰ ਜਿੱਤ ਹਾਸਿਲ ਹੋਈ।
ਡੈਨਮਾਰਕ ਲਈ ਮੁਕਾਬਲੇ ਦੇ 30ਵੇਂ ਮਿੰਟ 'ਚ ਮਿਕੇਲ ਡੈਮਸਗਾਰਡ ਨੇ ਗੋਲ ਕੀਤਾ।
ਹਾਲਾਂਕਿ 1-0 ਦੀ ਲੀਡ ਹਾਸਿਲ ਕਰ ਚੁੱਕੇ ਡੈਨਮਾਰਕ ਨੂੰ ਉਸ ਵੇਲੇ ਝਟਕਾ ਲੱਗਿਆ ਜਦ 39ਵੇਂ ਮਿੰਟ 'ਚ ਸਾਈਮਨ ਕਾਜਰ ਤੋਂ ਓਨ ਗੋਲ ਹੋ ਗਿਆ ਅਤੇ ਇੰਗਲੈਂਡ ਨੂੰ ਬਰਾਬਰੀ ਹਾਸਿਲ ਹੋ ਗਿਆ।
ਰੈਗੂਲਰ ਟਾਈਮ ਦੇ ਅੰਤ ਤਕ ਦੋਵੇਂ ਟੀਮਾਂ ਹੋਰ ਗੋਲ ਕਰਨ 'ਚ ਨਾਕਾਮ ਰਹੀਆਂ।
ਐਕਸਟਰਾ ਟਾਈਮ ਦੌਰਾਨ 104ਵੇਂ ਮਿੰਟ 'ਚ ਹੈਰੀ ਕੇਨ ਨੇ ਇੰਗਲੈਂਡ ਲਈ ਗੋਲ ਕਰ ਆਪਣੀ ਟੀਮ ਦੀ ਜਿੱਤ ਪੱਕੀ ਕਰ ਦਿੱਤੀ।
ਹੁਣ ਫਾਈਨਲ 'ਚ ਇੰਗਲੈਂਡ ਅਤੇ ਇਟਲੀ ਦੀ ਟੱਕਰ ਹੋਵੇਗੀ।
ਇਹ 1966 ਦੇ ਵਰਲਡ ਕੱਪ ਤੋਂ ਬਾਅਦ ਇੰਗਲੈਂਡ ਦੇ ਲਈ ਕਿਸੇ ਵੱਡੇ ਫੁੱਟਬਾਲ ਟੂਰਨਾਮੈਂਟ ਦਾ ਪਹਿਲਾ ਫਾਈਨਲ ਮੁਕਾਬਲਾ ਹੋਣ ਜਾ ਰਿਹਾ ਹੈ।
