20.1C Vancouver 20.1C VancouverJul 7, 2025 2:00 PM - The Canadian Press
ਕੈਨੇਡਾ ਦੇ ਇੱਕ ਵਾਤਾਵਰਣ ਥਿੰਕ ਟੈਂਕ ਨੇ ਫੈਡਰਲ ਸਰਕਾਰ ਨੂੰ ਇਲੈਕਟ੍ਰਿਕ ਵਾਹਨ ਦਾ ਆਦੇਸ਼ ਰੱਦ ਕਰਨ ਦੀ ਕਿਸੇ ਵੀ ਸੰਭਾਵਨਾ ਵਿਰੁੱਧ ਚਿਤਾਵਨੀ ਦਿੱਤੀ ਹੈ ਅਤੇ ਕਿਹਾ ਹੈ ਕਿ ਇਸ ਦੀ ਬਜਾਏ ਸਰਕਾਰ ਨੂੰ ਸੜਕਾਂ 'ਤੇ ਹੋਰ ਇਲੈਕਟ੍ਰਿਕ ਗੱਡੀਆਂ ਲਿਆਉਣ ਵਿਚ ਮਦਦ ਕਰਨੀ ਚਾਹੀਦੀ ਹੈ।
ਬੀਸੀ ਦੀ ਸਾਈਮਨ ਫਰੇਜ਼ਰ ਯੂਨੀਵਰਸਿਟੀ ਬੇਸਡ ਕਲੀਨ ਐਨਰਜੀ ਕੈਨੇਡਾ ਗਰੁੱਪ ਦੀ ਇਹ ਅਪੀਲ ਉਦੋਂ ਆਈ ਹੈ ਜਦੋਂ ਹਾਲ ਹੀ ਵਿਚ ਕਾਰ ਕੰਪਨੀਆਂ ਦੇ ਸੀ.ਈ.ਓਜ਼. ਨੇ ਪ੍ਰਧਾਨ ਮੰਤਰੀ ਮਾਰਕ ਕਾਰਨੀ ਨਾਲ ਮੁਲਾਕਾਤ ਦੌਰਾਨ ਇਸ ਆਦੇਸ਼ ਨੂੰ ਰੱਦ ਕਰਨ ਦੀ ਮੰਗ ਕੀਤੀ ਸੀ।
ਕਲੀਨ ਐਨਰਜੀ ਗਰੁੱਪ ਨੇ ਇੱਕ ਬਿਆਨ ਵਿਚ ਫੈਡਰਲ ਸਰਕਾਰ ਨੂੰ ਤਿੰਨ ਸਿਫ਼ਾਰਸ਼ਾਂ ਦਿੱਤੀਆਂ ਹਨ, ਜਿਸ ਨਾਲ ਕੈਨੇਡੀਅਨ ਨੂੰ $40,000 ਤੋਂ ਘੱਟ ਵਿਚ ਸਸਤੀ ਇਲੈਕਟ੍ਰਿਕ ਗੱਡੀ ਪ੍ਰਦਾਨ ਕਰਨ ਵਿਚ ਮਦਦ ਕੀਤੀ ਜਾ ਸਕਦੀ ਹੈ।
ਗੌਰਤਲਬ ਹੈ ਕਿ ਅਗਲੇ ਸਾਲ ਤੋਂ ਕੈਨੇਡਾ ਵਿਚ ਵੇਚੀਆਂ ਜਾਣ ਵਾਲੀਆਂ ਨਵੀਂਆਂ ਕਾਰਾਂ ਵਿਚੋਂ 20 ਫੀਸਦੀ ਦਾ ਇਲੈਕਟ੍ਰਿਕ ਜਾਂ ਪਲੱਗ-ਇਨ ਹਾਈਬ੍ਰਿਡ ਇਲੈਕਟ੍ਰਿਕ ਵਾਹਨ ਹੋਣਾ ਲਾਜ਼ਮੀ ਹੈ ਅਤੇ 2035 ਤੱਕ 100 ਫੀਸਦੀ ਜ਼ੀਰੋ-ਨਿਕਾਸ ਵਾਹਨ ਪ੍ਰਾਪਤ ਕਰਨ ਦਾ ਟੀਚਾ ਹੈ।
