14.21C Vancouver 14.21C VancouverJun 3, 2022 4:37 PM - ANI
ਯੂਕਰੇਨ 'ਤੇ ਰੂਸ ਦੇ ਹਮਲੇ ਦੇ ਜਵਾਬ ਵਿਚ ਯੂਰਪੀਅਨ ਕੌਂਸਲ ਨੇ ਸ਼ੁੱਕਰਵਾਰ ਨੂੰ ਰੂਸ ਦੇ 65 ਹੋਰ ਵਿਅਕਤੀਆਂ ਅਤੇ 18 ਸੰਸਥਾਵਾਂ ਨੂੰ ਨਿਸ਼ਾਨਾ ਬਣਾਉਂਦੇ ਹੋਏ ਇਨ੍ਹਾਂ ਨੂੰ ਪਾਬੰਦੀਆਂ ਵਾਲੀ ਸੂਚੀ ਵਿਚ ਪਾ ਦਿੱਤਾ ਹੈ।
ਵਿਦੇਸ਼ੀ ਮਾਮਲਿਆਂ ਤੇ ਸਕਿਓਰਿਟੀ ਪਾਲਿਸੀ ਲਈ ਉੱਚ ਪ੍ਰਤੀਨਿਧੀ ਜੋਸੇਪ ਬੋਰੇਲ ਨੇ ਇੱਕ ਬਿਆਨ ਵਿਚ ਇਹ ਜਾਣਕਾਰੀ ਦਿੱਤੀ।
ਉਨ੍ਹਾਂ ਕਿਹਾ ਕਿ ਇਸ ਗੈਰ-ਵਾਜਬ ਜੰਗ ਲਈ ਜ਼ਿੰਮੇਵਾਰ ਤੇ ਪੁਤਿਨ ਅਤੇ ਬੁਚਾ ਤੇ ਮਾਰੀਉਪੋਲ ਵਿਚ ਜੰਗੀ ਅਪਰਾਧ ਕਰਨ ਵਾਲਿਆਂ ਨਾਲ ਨੇੜਲੇ ਸਬੰਧ ਰੱਖਣ ਵਾਲੇ ਮਿਲਟਰੀ ਤੇ ਇਕਨੋਮਿਕ ਈਲੀਟ ਦੇ ਹੋਰ ਲੋਕਾਂ ਨੂੰ ਅਸੀਂ ਪਾਬੰਦੀਸ਼ੁੱਦਾ ਸੂਚੀ ਵਿਚ ਪਾ ਰਹੇ ਹਾਂ।
ਇਨ੍ਹਾਂ 65 ਵਿਅਕਤੀਆਂ ਵਿਚ ਉਹ ਫੌਜੀ ਸਟਾਫ ਸ਼ਾਮਲ ਹੈ ਜਿਸ ਨੇ ਕਰਨਲ ਅਜ਼ਾਤਬੇਕ ਓਮੂਰਬੇਕੋਵ ਸਮੇਤ ਰੂਸੀ ਫੌਜ ਦੀਆਂ ਉਨ੍ਹਾਂ ਯੂਨਿਟਾਂ ਦੀਆਂ ਕਾਰਵਾਈਆਂ ਦੀ ਅਗਵਾਈ ਕੀਤੀ, ਜਿਸ ਨੂੰ "ਬੁਚਾ ਦਾ ਕਸਾਈ" ਕਿਹਾ ਜਾਂਦਾ ਹੈ। ਸਾਬਕਾ ਜਿਮਨਾਸਟ ਤੇ ਸਟੇਟ ਡੂਮਾ ਮੈਂਬਰ ਅਲੀਨਾ ਕਾਬਾਏਵਾ ਨੂੰ ਵੀ ਪੁਤਿਨ ਦੀ ਨਜ਼ਦੀਕੀ ਹੋਣ ਕਾਰਨ ਸੂਚੀ ਵਿਚ ਸ਼ਾਮਲ ਕੀਤਾ ਗਿਆ ਹੈ।
ਉੱਥੇ ਹੀ, 18 ਸੰਸਥਾਵਾਂ ਵਿਚ ਰੂਸ ਦੀ ਸਭ ਤੋਂ ਵੱਡੀ ਸਕਿਓਰਿਟੀਜ਼ ਡਿਪਾਜ਼ਟਰੀ- 'ਨੈਸ਼ਨਲ ਸੈਟਲਮੈਂਟ ਡਿਪਾਜ਼ਟਰੀ' ਸਮੇਤ ਰੂਸੀ ਫੈਡਰੇਸ਼ਨ ਦੀਆਂ ਆਰਮਡ ਫੋਰਸਿਜ਼ ਤੇ ਰਸ਼ੀਅਨ ਫੈਡਰੇਸ਼ਨ ਦੀ ਸਰਕਾਰ ਨੂੰ ਸਿੱਧੇ ਜਾਂ ਅਸਿੱਧੇ ਤੌਰ 'ਤੇ ਸਮਰਥਨ ਕਰਨ ਵਾਲੀਆਂ ਕੰਪਨੀਆਂ ਸ਼ਾਮਲ ਹਨ।
ਇਸੇ ਤਰ੍ਹਾਂ ਕੁੱਲ ਮਿਲਾ ਕੇ ਈ. ਯੂ. ਵੱਲੋਂ ਹੁਣ ਤੱਕ 1,158 ਵਿਅਕਤੀਆਂ ਅਤੇ 98 ਸੰਸਥਾਵਾਂ 'ਤੇ ਕਾਰਵਾਈ ਕੀਤੀ ਜਾ ਚੁੱਕੀ ਹੈ।
