9.98C Vancouver 9.98C VancouverJun 28, 2021 10:23 PM -
ਸਪੇਨ ਅਤੇ ਕ੍ਰੋਏਸ਼ਿਆ ਵਿਚਾਲੇ ਖੇਡੇ ਗਏ ਯੂਰੋ ਕੱਪ ਦੇ ਰੋਮਾਂਚਕ ਮੁਕਾਬਲੇ 'ਚ ਸਪੇਨ ਨੇ 5-3 ਦੇ ਫਰਕ ਨਾਲ ਬਾਜ਼ੀ ਮਾਰੀ ਹੈ।
ਇਸ ਦੇ ਨਾਲ ਹੀ ਸਪੇਨ ਨੇ ਕੁਆਟਰਫਾਈਨਲ 'ਚ ਜਗ੍ਹਾ ਪੱਕੀ ਕਰ ਲਈ ਹੈ।
ਇਸ ਮੁਕਾਬਲੇ ਵਿੱਚ ਜਿੱਤ-ਹਾਰ ਦਾ ਫੈਸਲਾ ਐਕਸਟ੍ਰਾ ਟਾਈਮ ਦੇ ਵਿੱਚ ਹੋਇਆ।
ਅਲਵਾਰੋ ਮੁਰਾਟਾ ਨੇ 100ਵੇਂ ਮਿੰਟ 'ਚ ਗੋਲ ਕਰ ਸਪੇਨ ਨੂੰ 4-3 ਦੀ ਲੀਡ ਹਾਸਿਲ ਕਰਵਾਈ।
ਇਸ ਤੋਂ ਬਾਅਦ ਮਿਕੇਲ ਓਯਾਰਜ਼ਾਬੁਲ ਨੇ 103ਵੇਂ ਮਿੰਟ 'ਚ ਗੋਲ ਕਰ ਸਪੇਨ ਨੂੰ 5-3 ਦੇ ਸਕੋਰ ਤਕ ਪਹੁੰਚਾ ਦਿੱਤਾ।
ਸਪੇਨ ਦੇ ਲਈ ਰੈਗੂਲਰ ਸਮੇਂ ਦੌਰਾਨ ਪਾਬਲੋ ਸੇਰੇਬੀਆ ਨੇ 38ਵੇਂ ਮਿੰਟ 'ਚ, ਫੇਰ ਸੀਜ਼ਰ ਐਜ਼ਪਲਿਕੁਇਤਾ ਨੇ 57ਵੇਂ ਮਿੰਟ ਅਤੇ ਫੇਰਾਨ ਟੋਰੇਸ ਨੇ 76ਵੇਂ ਮਿੰਟ 'ਚ ਗੋਲ ਕੀਤੇ ਸਨ।
ਰੋਮਾਂਚ ਨਾਲ ਭਰਪੂਰ ਇਸ ਮੈਚ 'ਚ ਪਹਿਲਾਂ ਕ੍ਰੋਏਸ਼ਿਆ ਨੇ 1-0 ਦੀ ਲੀਡ ਹਾਸਿਲ ਕੀਤੀ ਫਿਰ ਸਪੇਨ ਨੇ 3-1 ਦੀ ਲੀਡ ਬਣਾਈ ਪਰ ਰੈਗੂਲਰ ਸਮੇਂ ਦੇ ਅੰਤ ਤਕ ਦੋਵੇਂ ਟੀਮਾਂ 3-3 ਦੀ ਬਰਾਬਰੀ 'ਤੇ ਰਹੀਆਂ ਸਨ।
