30.29C Vancouver 30.29C VancouverJun 5, 2025 6:59 PM - Connect Newsroom
ਬੀ.ਸੀ. ਸਰਕਾਰ ਦਾ ਇੱਕ ਵਫ਼ਦ -ਯੂਰਪ ਵਪਾਰ ਮਿਸ਼ਨ ਸ਼ੁਰੂ ਕਰ ਰਿਹਾ ਹੈ। ਇਸ ਦਾ ਉਦੇਸ਼ ਸੂਬੇ ਵਿਚ ਨਿਵੇਸ਼ ਨੂੰ ਆਕਰਸ਼ਿਤ ਕਰਨਾ ਅਤੇ ਯੂਰਪ ਨਾਲ ਵਪਾਰ ਨੂੰ ਬੜ੍ਹਾਵਾ ਦੇਣਾ ਹੈ। 9 ਜੂਨ ਤੋਂ 14 ਜੂਨ ਤੱਕ ਲਈ ਯੂਰਪ ਵਪਾਰ ਮਿਸ਼ਨ 'ਤੇ ਜਾ ਰਹੇ ਵਫ਼ਦ ਵਿਚ ਬੀਸੀ ਦੀ ਜੌਬਸ ਮੰਤਰੀ ਡਾਇਨਾ ਗਿਬਸਨ ਅਤੇ ਵਪਾਰ ਲਈ ਰਾਜ ਮੰਤਰੀ ਰਿਕ ਗਲੂਮੈਕ ਸ਼ਾਮਲ ਹਨ।
ਉਹ ਵਿਸ਼ਵ ਮੰਚ 'ਤੇ ਤਿੰਨ ਪ੍ਰਮੁੱਖ ਤਕਨੀਕੀ ਕਾਨਫਰੰਸ ਵਿਚ ਹਿੱਸਾ ਲੈਣਗੇ, ਜਿੱਥੇ ਬੀ.ਸੀ. ਵਿੱਚ ਬਣੀਆਂ ਤਕਨਾਲੋਜੀਆਂ ਅਤੇ ਖੇਤੀਬਾੜੀ ਤਕਨਾਲੋਜੀ ਨੂੰ ਪ੍ਰਮੋਟ ਕੀਤਾ ਜਾਵੇਗਾ। ਇਨ੍ਹਾਂ ਵਿਚ ਲੰਡਨ ਟੈਕ ਵੀਕ, ਐਮਸਟਰਡਮ ਵਿਚ ਗ੍ਰੀਨਟੈਕ ਅਤੇ ਪੈਰਿਸ ਵਿਚ ਵੀਵਾਟੈਕ ਕਾਨਫਰੰਸਾਂ ਸ਼ਾਮਲ ਹਨ।
ਯੂਰਪ ਦਾ ਇਹ ਮਿਸ਼ਨ ਉਦੋਂ ਹੋ ਰਿਹਾ ਹੈ ਜਦੋਂ ਅਮਰੀਕਾ 'ਤੇ ਨਿਰਭਰਤਾ ਘੱਟ ਕਰਨ ਲਈ ਪ੍ਰੀਮੀਅਰ ਡੇਵਿਡ ਈਬੀ -ਵਪਾਰ ਮਿਸ਼ਨ ਤਹਿਤ ਏਸ਼ੀਆ ਵਿਚ ਬੀਸੀ ਲਈ ਭਾਈਵਾਲ ਤਲਾਸ਼ਣ ਲਈ ਕੰਮ ਕਰ ਰਹੇ ਹਨ।
