12.02C Vancouver 12.02C VancouverFeb 1, 2024 2:52 PM - The Associated Press
ਯੂਰਪੀ ਸੰਘ ਨੇ ਯੂਕਰੇਨ ਲਈ 50 ਬਿਲੀਅਨ ਯੂਰੋ ਸਹਾਇਤਾ ਪੈਕੇਜ ਨੂੰ ਹਰੀ ਝੰਡੀ ਦੇ ਦਿੱਤੀ ਹੈ, ਜਿਸ ਨੂੰ ਪਿਛਲੀ ਵਾਰ ਹੰਗਰੀ ਨੇ ਵੀਟੋ ਨਾਲ ਰੋਕ ਦਿੱਤਾ ਸੀ।
ਵੀਰਵਾਰ ਨੂੰ ਬ੍ਰੇਸਲਜ਼ ਵਿਚ ਇਕੱਠੇ ਹੋਏ ਯੂਰਪੀ ਸੰਘ ਦੇ ਸਾਰੇ 27 ਮੈਂਬਰਾਂ ਨੇ ਸਰਬਸੰਮਤੀ ਨਾਲ ਇਸ ਨੂੰ ਮਨਜ਼ੂਰੀ ਦਿੱਤੀ। ਰੂਸ ਦੇ ਨਜ਼ਦੀਕੀ ਮੰਨੇ ਜਾਂਦੇ ਹੰਗਰੀ ਦੇ ਪ੍ਰਧਾਨ ਮੰਤਰੀ ਵਿਕਟਰ ਓਰਬਨ ਨੇ ਦਸੰਬਰ ਵਿਚ ਯੂਕਰੇਨ ਲਈ ਇਸ ਫੰਡ ਨੂੰ ਰੋਕ ਦਿੱਤਾ ਸੀ।
ਇਸ ਵਾਰ ਵੀ ਡਰ ਸੀ ਕਿ ਉਹ ਪੈਕੇਜ ਨੂੰ ਦੁਬਾਰਾ ਰੋਕ ਦੇਣਗੇ ਪਰ ਉਨ੍ਹਾਂ ਬਾਕੀ ਮੈਂਬਰਸ ਨਾਲ ਇਸ ਨੂੰ ਸਹਿਮਤੀ ਦੇ ਦਿੱਤੀ। ਇਹ ਪੈਕੇਜ ਅਗਲੇ ਚਾਰ ਸਾਲਾਂ ਵਿਚ ਯੂਕਰੇਨ ਨੂੰ ਪੈਨਸ਼ਨ, ਤਨਖ਼ਾਹ ਅਤੇ ਹੋਰ ਖਰਚਿਆਂ ਦਾਭੁਗਤਾਨ ਕਰਨ ਵਿਚ ਮਦਦ ਕਰੇਗਾ।
ਯੂਕਰੇਨ ਦੇ ਰਾਸ਼ਟਰਪਤੀ ਵੋਲੋਡੀਮੀਰ ਜ਼ੇਲੇਨਸਕੀ ਨੇ ਇਸ ਨੂੰ ਯੂਰਪੀ ਸੰਘ ਨਾਲ ਰਿਸ਼ਤਿਆਂ ਨੂੰ ਮਜਬੂਤ ਕਰਨ ਵਾਲਾ ਕਦਮ ਕਰਾਰ ਦਿੱਤਾ, ਜ਼ੇਲੇਨਸਕੀ ਨੇ ਕਿਹਾ ਕਿ ਇਸ ਪੈਕੇਜ ਨਾਲ ਨਾ ਸਿਰਫ ਸਕੂਲਾਂ ਅਤੇ ਸਿਵਲ ਸੇਵਕ ਦੀਆਂ ਤਨਖਾਹਾਂ-ਪੈਨਸ਼ਨਾਂ ਦਾ ਖ਼ਰਚ ਨਿਕਲੇਗਾ ਸਗੋਂ ਯੂਕਰੇਨ ਦੀ ਆਰਥਿਕਤਾ ਵੀ ਸਪੋਰਟ ਮਿਲੇਗੀ।
