17.78C Vancouver 17.78C VancouverJul 13, 2021 8:52 PM -
ਬੀ.ਸੀ. 'ਚ ਬਲ ਰਹੀ ਸਭ ਤੋਂ ਵੱਡੀ ਵਾਈਲਡਫਾਇਰ ਦੇ ਕਾਰਨ ਵਧੇਰੇ ਲੋਕਾਂ ਨੂੰ ਘਰ ਖਾਲੀ ਕਰਨ ਦੇ ਨਿਰਦੇਸ਼ ਜਾਰੀ ਕੀਤੇ ਗਏ ਹਨ।
ਇਹ ਅੱਗ ਕੈਮਲੂਪਸ ਦੇ ਉੱਤਰ ਵਾਲੇ ਪਾਸੇ ਬਲ ਰਹੀ ਹੈ।
ਸਪਾਰਕਸ ਲੇਕ ਦੇ ਕੋਲ ਬਲ ਰਹੀ ਅੱਗ ਕਾਰਨ ਪਹਿਲਾਂ ਹੀ ਕਈ ਘਰਾਂ ਅਤੇ ਪ੍ਰਾਪਰਟੀਆਂ ਨੂੰ ਖਾਲੀ ਕਰਵਾਇਆ ਜਾ ਚੁੱਕਿਆ ਹੈ ਅਤੇ ਹੁਣ 100 ਤੋਂ ਵਧੇਰੇ ਹੋਰ ਘਰਾਂ ਅਤੇ ਪ੍ਰਾਪਰਟੀਆਂ ਨੂੰ ਖਾਲੀ ਕਰਨ ਨੂੰ ਕਿਹਾ ਗਿਆ ਹੈ।
ਇਹ ਅੱਗ 402 ਸਕਵੇਅਰ ਕਿਲੋਮੀਟਰ ਦੇ ਦਾਇਰੇ 'ਚ ਨੁਕਸਾਨ ਪਹੁੰਚਾ ਚੁੱਕੀ ਹੈ।
ਹਾਲਾਂਕਿ ਫਾਇਰ ਅਧਿਕਾਰੀਆਂ ਦਾ ਕਹਿਣਾ ਹੈ ਕਿ ਸੰਨ ਪੀਕਸ ਦੇ ਇਲਾਕੇ 'ਚ ਬਲ ਰਹੀ ਅੱਗ ਕਾਰਨ ਜਾਰੀ ਕੀਤੇ ਗਏ ਐਲਰਟ ਫਿਲਹਾਲ ਰੱਦ ਕਰ ਦਿੱਤੇ ਗਏ ਹਨ।
ਇਸ ਇਲਾਕੇ 'ਚ ਬਲ ਰਹੀ ਅੱਗ ਰਿਹਾਇਸ਼ੀ ਇਲਾਕੇ ਤੋਂ ਪਾਸੇ ਜਾਂਦੀ ਦੱਸੀ ਗਈ ਹੈ।
ਦੱਖਣੀ ਓਕਾਨਾਗਨ ਕੋਲ ਸਕਾਹਾ ਲੇਕ ਦੇ ਇਲਾਕੇ 'ਚ ਵੀ 77 ਪ੍ਰਾਪਰਟੀਆਂ ਲਈ ਜਾਰੀ ਇਵੈਕੂਏਅਸ਼ਨ ਨਿਰਦੇਸ਼ ਰੱਦ ਕਰ ਦਿੱਤੇ ਗਏ ਹਨ।
ਹਾਲਾਂਕਿ ਇਸ ਇਲਾਕੇ 'ਚ ਕਰੀਬ 700 ਘਰਾਂ ਅਤੇ ਪ੍ਰਾਪਰਟੀਆਂ ਲਈ ਇਵੈਕੂਏਸ਼ਨ ਐਲਰਟ ਜਾਰੀ ਹਨ।
