15.66C Vancouver 15.66C VancouverJun 30, 2021 4:33 PM -
ਬੀ.ਸੀ. ਵਾਈਲਡਫਾਇਰ ਸਰਵਿਸ ਮੌਜੂਦਾ ਸਮੇਂ ਵਿੱਚ ਇੰਟੀਰੀਅਰ ਇਲਾਕੇ ਵਿੱਚ ਲੱਗੀਆਂ ਦੋ ਜੰਗਲੀ ਅੱਗਾਂ ਨਾਲ ਨਜਿੱਠਣ ਦੇ ਯਤਨ ਕਰ ਰਹੀ ਹੈ।
ਖੁਸ਼ਕ ਅਤੇ ਗਰਮ ਮੌਸਮ ਕਾਰਣ, ਲਿਲੂਏਟ ਦੇ ਉਤਰੀ ਹਿੱਸੇ ਵਿੱਚ ਮੈਕਕੇ ਕ੍ਰੀਕ ਵਿੱਚ ਲੱਗੀ ਅੱਗ ਦਾ ਦਾਇਰਾ 50 ਸਕੁਏਅਰ ਕਿਲੋਮੀਟਰ ਤੱਕ ਫੈਲ ਚੁੱਕਾ ਹੈ।
ਸਕੁਆਮਿਸ਼-ਲਿਲੂਏਟ ਰੀਜਨਲ ਡਿਸਟ੍ਰਿਕਟ ਵਲੋਂ ਵੈਸਟ ਪਵਿਲੀਅਨ ਰੋਡ ਦੇ ਇਲਾਕੇ ਵਿੱਚ ਮੌਜੂਦ ਘਰਾਂ ਨੂੰ ਖਾਲੀ ਕਰਨ ਦੇ ਹੁਕਮ ਜਾਰੀ ਕਰ ਦਿੱਤੇ ਗਏ ਹਨ।
ਇਸ ਤੋਂ ਇਲਾਵਾ ਕੈਮਲੂਪਸ ਲੇਕ ਤੋਂ 15 ਕਿਲੋਮੀਟਰ ਦੀ ਦੂਰੀ ’ਤੇ ਥੌਮਪਸਨ-ਨਿਕੋਲਾ ਰੀਜਨਲ ਡਿਸਟ੍ਰਿਕਟ ਵਿੱਚ ਸਪਾਰਕਸ ਲੇਕ ਅੱਗ 23 ਸਕੁਏਅਰ ਕਿਲੋਮੀਟਰ ਤੱਕ ਫੈਲ ਚੁੱਕੀ ਹੈ।
ਇਲਾਕੇ ਵਿੱਚ ਪੈਂਦੀਆਂ ਤਕਰੀਬਨ 150 ਪਰਾਪਰਟੀਆਂ ਨੂੰ ਖਾਲੀ ਕਰਣ ਦੇ ਹੁਕਮ ਜਾਰੀ ਕੀਤੇ ਗਏ ਹਨ।
ਅਧਿਕਾਰੀਆਂ ਅਨੁਸਾਰ ਦੋਵੇਂ ਅੱਗਾਂ ਕਿਸੇ ਵਿਅਕਤੀ ਵਲੋਂ ਸ਼ੁਰੂ ਕੀਤੀਆਂ ਪ੍ਰਤੀਤ ਹੁੰਦੀਆਂ ਹਨ ਅਤੇ ਇਸ ਸੰਬੰਧ ਵਿੱਚ ਜਾਂਚ ਜਾਰੀ ਹੈ।
