11.2C Vancouver 11.2C VancouverAug 6, 2022 12:34 AM - The Canadian Press
ਬੀ.ਸੀ. ਵਾਈਲਡਫਾਇਰ ਸਰਵਿਸ ਦਾ ਕਹਿਣਾ ਹੈ ਕਿ ਕਰੀਬ 400 ਫਾਇਰਫਾਈਟਰਸ ਹੁਣ ਦੱਖਣੀ ਓਕਾਨਾਗਨ 'ਚ ਬਲਦੀ ਵਾਈਲਡਫਾਇਰ 'ਤੇ ਕਾਬੂ ਪਾਉਣ ਲਈ ਜਿੰਮੇਵਾਰੀ ਨਿਭਾ ਰਹੇ ਹਨ।
ਪੈਂਟੀਕਟਨ ਦੇ ਦੱਖਣਪੱਛਮੀ ਇਲਾਕੇ 'ਚ ਬਲਦੀ ਇਸ ਅੱਗ 'ਚ ਹੋਏ ਵਾਧੇ ਕਾਰਨ ਰੀਜਨਲ ਡਿਸਟ੍ਰਿਕਟ ਆਫ ਓਕਾਨਾਗਨ-ਸਿਮਿਲਕਮੀਨ ਨੂੰ ਓਲਾਲੁਹ ਦੀ ਪੂਰੀ ਕਮਿਊਨਿਟੀ ਨੂੰ ਖਾਲੀ ਕਰਵਾਉਣਾ ਪਿਆ ਹੈ।
ਇਸ ਨਾਲ ਕਰੀਬ 400 ਲੋਕ ਪ੍ਰਭਾਵਿਤ ਹੋਏ ਹਨ। ਕੇਰੇਮਿਓਸ ਅਤੇ ਹੋਰ ਨੇੜ ਦੇ ਇਲਾਕਿਆਂ ਨੂੰ ਇਵੈਕੂਏਸ਼ਨ ਐਲਰਟ 'ਤੇ ਰੱਖਿਆ ਗਿਆ ਹੈ।
ਅੱਗੇ ਦੇ ਨੋਟਿਸ ਤਕ ਕੇਰੇਮਿਓਸ ਅਤੇ ਕਾਲੀਡੇਨ ਦੇ ਇਲਾਕੇ ਨੂੰ ਜੋੜਨ ਵਾਲੇ ਹਾਈਵੇਅ 3A ਨੂੰ ਵੀ ਬੰਦ ਕਰ ਦਿੱਤਾ ਗਿਆ ਹੈ।
ਇਸ ਅੱਗ ਦੀ ਸ਼ੁਰੂਆਤ ਬੀਤੇ ਹਫ਼ਤੇ ਸ਼ੁੱਕਰਵਾਰ ਨੂੰ ਹੋਈ ਸੀ ਅਤੇ ਇਹ ਅੱਗ 5,900 ਹੈਕਟੇਅਰ ਇਲਾਕੇ 'ਚ ਫੈਲ ਚੁੱਕੀ ਹੈ।
ਇਸ ਦੇ ਕਾਰਨ 1,000 ਦੇ ਕਰੀਬ ਘਰਾਂ ਲਈ ਇਵੈਕੂਏਸ਼ਨ ਐਲਰਟ ਵੀ ਜਾਰੀ ਹਨ।
ਬੀ.ਸੀ. ਵਾਈਲਡਫਾਇਰ ਸਰਵਿਸ ਦਾ ਕਹਿਣਾ ਹੈ ਕਿ ਸੂਬੇ 'ਚ ਕੁੱਲ 6 ਵਾਈਲਡਫਾਇਰਸ ਨੂੰ ਵਾਈਲਡਫਾਇਰਸ ਆਫ ਨੋਟ ਦਾ ਦਰਜਾ ਦਿੱਤਾ ਗਿਆ ਹੈ।
