13.3C Vancouver 13.3C VancouverJun 30, 2021 8:57 PM -
ਬੀ.ਸੀ. 'ਚ ਇੱਕ ਹੋਰ ਵਾਈਲਡਫਾਇਰ ਦੇ ਕਾਰਨ ਇਵੈਕੂਏਸ਼ਨ ਆਰਡਰ ਅਤੇ ਐਲਰਟ ਜਾਰੀ ਕੀਤੇ ਗਏ ਹਨ।
ਫੋਰਟ ਸੇਂਟ ਜੌਨ ਦੇ ਇਲਾਕੇ 'ਚ ਬਲਦੀ ਅੱਗ ਕਾਰਨ ਅਜਿਹਾ ਕੀਤਾ ਗਿਆ ਹੈ।
ਇਸ ਤੋਂ ਪਹਿਲਾਂ ਬੀਤੀ ਰਾਤ ਲੀਲੋਏਟ ਦੇ ਉੱਤਰ 'ਚ ਇੱਕ ਵਾਈਲਡਫਾਇਰ ਦੇ ਕਾਰਨ ਕੁਝ ਅਜਿਹੇ ਹੀ ਆਰਡਰ ਅਤੇ ਐਲਰਟ ਜਾਰੀ ਕੀਤੇ ਗਏ ਸਨ।
ਇਹ ਅੱਗ ਕਰੀਬ 50 ਸਕਵੇਅਰ ਕਿਲੋਮੀਟਰ ਦੇ ਦਾਇਰੇ 'ਚ ਫੈਲ ਚੁੱਕੀ ਹੈ।
ਇਸ ਦੇ ਚਲਦਿਆਂ ਸਪਾਰਕਸ ਲੇਕ ਦੇ ਇਲਾਕੇ 'ਚ 18 ਪ੍ਰਾਪਰਟੀਆਂ ਨੂੰ ਖਾਲੀ ਕਰਨ ਦੇ ਨਿਰਦੇਸ਼ ਜਾਰੀ ਕੀਤੇ ਗਏ ਹਨ।
ਇਸੇ ਇਲਾਕੇ ਦੇ ਨੇੜੇ ਬਲਦੀ ਇੱਕ 23 ਸਕਵੇਅਰ ਕਿਲੋਮੀਟਰ ਦੇ ਇਲਾਕੇ 'ਚ ਬਲਦੀ ਅੱਗ ਕਾਰਨ 100 ਪ੍ਰਾਪਰਟੀਆਂ ਨੂੰ ਖਾਲੀ ਕਰਨ ਸੰਬੰਧੀ ਐਲਰਟ ਜਾਰੀ ਕੀਤਾ ਗਿਆ ਹੈ।
ਇਹ ਦੋਵੇਂ ਅੱਗਾਂ ਮਨੁੱਖੀ ਗਤੀਵਿਧੀਆਂ ਕਾਰਨ ਸ਼ੁਰੂ ਹੋਈਆਂ ਮੰਨੀਆਂ ਜਾ ਰਹੀਆਂ ਹਨ।
ਹਾਲਾਂਕਿ ਫੋਰਟ ਸੇਂਟ ਜੌਨ ਦੇ ਇਲਾਕੇ 'ਚ ਜਾਰੀ ਅੱਗ ਨੂੰ ਬਿਜਲੀ ਡਿੱਗਣ ਕਾਰਨ ਸ਼ੁਰੂ ਹੋਈ ਮੰਨਿਆ ਜਾ ਰਿਹਾ ਹੈ।
ਇਹ ਅੱਗ ਕਰੀਬ 30 ਸਕਵੇਅਰ ਕਿਲੋਮੀਟਰ ਦੇ ਇਲਾਕੇ 'ਚ ਫੈਲ ਚੁੱਕੀ ਹੈ।
ਬੀ.ਸੀ. ਵਾਈਲਡਫਾਇਰ ਸਰਵਿਸ ਦਾ ਕਹਿਣਾ ਹੈ ਕਿ ਬੀਤੇ 2 ਦਿਨ 'ਚ 20 ਅੱਗਾਂ ਰਿਪੋਰਟ ਹੋਈਆਂ ਹਨ।
