25.11C Vancouver 25.11C VancouverJun 1, 2021 7:27 PM -
ਨੈਸ਼ਨਲ ਐਡਵਾਇਜ਼ਰੀ ਕਮੇਟੀ ਔਨ ਇਮਿਊਨਾਈਜ਼ੇਸ਼ਨ ਦਾ ਕਹਿਣਾ ਹੈ ਕਿ ਔਕਸਫਰਡ-ਐਸਟ੍ਰਾਜ਼ੈਨਕਾ ਵੈਕਸੀਨ ਦੀ ਪਹਿਲੀ ਖੁਰਾਕ ਹਾਸਿਲ ਕਰਨ ਵਾਲੇ ਲੋਕ ਦੂਜੀ ਡੋਜ਼ ਵਜੋਂ ਫਾਈਜ਼ਰ-ਬਾਇਓਐਨਟੈਕ ਜਾਂ ਮੌਡਰਨਾ ਦੀ ਖੁਰਾਕ ਹਾਸਿਲ ਕਰ ਸਕਦੇ ਹਨ।
ਇਸ 'ਤੇ ਚੀਫ਼ ਪਬਲਿਕ ਹੈਲਥ ਅਫ਼ਸਰ, ਡਾ. ਥਰੈਸਾ ਟੈਮ ਨੇ ਮੰਨਿਆ ਹੈ ਕਿ ਵੈਕਸੀਨੇਸ਼ਨਸ ਨਾਲ ਸੰਬੰਧਤ ਲਗਾਤਾਰ ਬਦਲਦੀਆਂ ਸਲਾਹਾਂ ਕਨੇਡੀਅਨ ਲੋਕਾਂ ਲਈ ਉਲਝਣ ਬਣਾ ਸਕਦੀਆਂ ਹਨ।
ਪਰ ਉਨ੍ਹਾਂ ਕਿਹਾ ਕਿ ਇਹਨਾਂ ਸਲਾਹਾਂ 'ਚ ਬਦਲਾਅ ਜ਼ਰੂਰੀ ਹਨ ਅਤੇ ਇਹ ਸਾਇੰਟਿਫਿਕ ਰਿਸਰਚ 'ਤੇ ਅਧਾਰਿਤ ਹਨ।
ਉਨ੍ਹਾਂ ਇਹ ਵੀ ਕਿਹਾ ਕਿ ਨਵੀਆਂ ਸਲਾਹਾਂ ਦਾ ਇਹ ਮਤਲਬ ਨਹੀਂ ਹੈ ਕਿ ਜਿਹੜੇ ਲੋਕਾਂ ਨੇ ਐਸਟ੍ਰਾਜ਼ੈਨਕਾ ਦਾ ਪਹਿਲਾ ਸ਼ੌਟ ਹਾਸਿਲ ਕੀਤਾ ਉਹ ਦੂਜਾ ਸ਼ੌਟ ਇਸ ਵੈਕਸੀਨ ਦਾ ਹਾਸਿਲ ਨਹੀਂ ਕਰ ਸਕਦੇ।
ਉਨ੍ਹਾਂ ਸਮਝਾਇਆ ਕਿ ਇਸ ਦਾ ਅਰਥ ਹੈ ਕਿ ਜੇਕਰ ਇਸ ਵੈਕਸੀਨ ਦੀ ਜਗ੍ਹਾ ਫਾਈਜ਼ਰ ਜਾਂ ਮੌਡਰਨਾ ਵੈਕਸੀਨ ਹਾਸਿਲ ਕਰਨੀ ਹੋਵੇ ਤਾਂ ਉਹ ਵੀ ਅਸਰਦਾਰ ਹੋਵੇਗਾ।
ਯਾਦ ਰਹੇ ਕੈਨੇਡਾ 'ਚ ਐਸਟ੍ਰਾਜ਼ੈਨਕਾ ਵੈਕਸੀਨ ਨਾਲ ਸੰਬੰਧਤ ਬਲੱਡ ਕਲੌਟਸ ਸੰਬੰਧੀ 5 ਲੋਕਾਂ ਦੀ ਮੌਤ ਹੋ ਚੁੱਕੀ ਹੈ।
ਇਸ ਦੌਰਾਨ ਨਿਊ ਬਰੰਸਵਿਕ ਦੇ 2 ਲੋਕਾਂ ਅਤੇ ਕਿਊਬੈਕ, ਐਲਬਰਟਾ ਅਤੇ ਔਂਟੈਰੀਓ ਦੇ ਇੱਕ-ਇੱਕ ਵਿਅਕਤੀ ਦੀ ਮੌਤ ਹੋ ਗਈ ਹੈ।
