14.09C Vancouver 14.09C VancouverApr 15, 2021 9:29 PM -
ਅਮਰੀਕਾ 'ਚ ਮੀਨੇਸੋਟਾ ਦੀ ਇੱਕ ਸਾਬਕਾ ਪੁਲਿਆ ਅਫ਼ਸਰ ਨੇ ਅੱਜ ਸੈਕਿੰਡ ਡਿਗਰੀ ਮੈਨਸਲੌਟਰ ਦੇ ਦੋਸ਼ਾਂ 'ਚ ਕੋਰਟ 'ਚ ਪਹਿਲੀ ਪੇਸ਼ੀ 'ਚ ਹਾਜ਼ਰੀ ਭਰੀ।
ਮਾਮਲਾ ਸਿਆਹ ਰੰਗ ਦੇ ਵਿਅਕਤੀ 20 ਸਾਲਾ ਡੌਂਟੇ ਰਾਈਟ ਦੀ ਪੁਲਿਸ ਦੀ ਗੋਲੀ ਨਾਲ ਹੋਈ ਮੌਤ ਦਾ ਹੈ।
ਸਾਬਕਾ ਪੁਲਿਸ ਅਫ਼ਸਰ ਕਿਮ ਪੌਟਰ ਜ਼ੂਮ ਜ਼ਰੀਏ ਕੋਰਟ 'ਚ ਪੇਸ਼ ਹੋਈ।
ਕਿਮ ਪੌਟਰ ਨਾਲ ਉਸ ਦੇ ਅਟੌਰਨੀ ਵੀ ਸਨ।
ਉਸ ਦੀ ਅਗਲੀ ਪੇਸ਼ੀ 17 ਮਈ ਨੂੰ ਰੱਖੀ ਗਈ ਹੈ।
ਉਸ ਨੇ $100,000 ਦਾ ਬੌਂਡ ਭਰ ਦਿੱਤਾ ਸੀ ਪਰ ਜੱਜ ਨੇ ਯਾਦ ਦਵਾਇਆ ਕਿ ਬੌਂਡ 'ਤੇ ਰਹਿੰਦਿਆਂ ਉਸ ਨੂੰ ਕਨੂੰਨ ਦੀ ਪਾਲਣਾ ਕਰਨੀ ਹੋਵੇਗੀ ਅਤੇ ਹਰ ਪੇਸ਼ੀ 'ਚ ਹਾਜ਼ਿਰ ਹੋਣਾ ਹੋਵੇਗਾ।
ਯਾਦ ਰਹੇ ਇਸ ਘਟਨਾ ਤੋਂ ਬਾਅਦ ਮੀਨੀਆਪੌਲਿਸ 'ਚ ਪੁਲਿਸ ਚੀਫ਼ ਦਾ ਕਹਿਣਾ ਸੀ ਕਿ ਪੁਲਿਸ ਅਫ਼ਸਰ ਟੇਜ਼ਰ ਦਾ ਇਸਤੇਮਾਲ ਕਰਨਾ ਚਾਹੁੰਦੀ ਸੀ।
ਪੁਲਿਸ ਚੀਫ਼ ਟਿਮ ਗੈਨਨ (Police Chief Tim Gannon) ਨੇ ਇਸ ਘਟਨਾ ਨੂੰ ਇੱਕ ਹਾਦਸਾ ਦੱਸਿਆ ਸੀ।
ਹਾਲਾਂਕਿ ਬਾਅਦ 'ਚ ਪੁਲਿਸ ਚੀਫ਼ ਨੇ ਵੀ ਅਸਤੀਫ਼ਾ ਦੇ ਦਿੱਤਾ ਸੀ।
ਇਸ ਵਿਅਕਤੀ ਦੀ ਐਤਵਾਰ ਨੂੰ ਬਰੂਕਲਿਨ ਸੈਂਟਰ 'ਚ ਮੌਤ ਹੋ ਗਈ ਸੀ।
ਅੱਜ ਡੌਂਟੇ ਰਾਈਟ ਦੇ ਪਰਿਵਾਰਿਕ ਮੈਂਬਰਾਂ ਨੇ ਮੀਡੀਆ ਨਾਲ ਗੱਲਬਾਤ ਕੀਤੀ।
ਇਸ ਦੌਰਾਨ ਉਨ੍ਹਾਂ ਇਨਸਾਫ ਦੀ ਮੰਗ ਕੀਤੀ ਅਤੇ ਦੱਸਿਆ ਕਿ ਡੌਂਟੇ ਰਾਈਟ ਇੱਕ ਖੁਸ਼ ਰਹਿਣ ਵਾਲਾ ਯੁਵਕ ਸੀ ਅਤੇ ਆਪਣੇ ਪਿਤਾ ਹੋਣ ਦੀ ਜ਼ਿੰਮੇਵਾਰੀ ਬੇਹੱਦ ਚੰਗੇ ਤਰੀਕੇ ਨਾਲ ਨਿਭਾ ਰਿਹਾ ਸੀ।
