ਪ੍ਰਧਾਨ ਮੰਤਰੀ ਮਾਰਕ ਕਾਰਨੀ ਨੇ ਸਰੀ ਵਿੱਚ ਐਕਸਟੌਰਸ਼ਨ ਨੈੱਟਵਰਕ ਤੋੜਨ ਲਈ ਫੈਡਰਲ ਯੋਜਨਾ ਬਾਰੇ ਦੱਸਿਆ

ਪ੍ਰਧਾਨ ਮੰਤਰੀ ਮਾਰਕ ਕਾਰਨੀ ਨੇ ਕਿਹਾ ਹੈ ਕਿ ਐਕਸਟੌਰਸ਼ਨ ਨਾਲ ਜੁੜੀਆਂ ਧਮਕੀਆਂ ਅਤੇ ਹਿੰਸਕ ਘਟਨਾਵਾਂ ਨੂੰ ਰੋਕਣ ਲਈ ਫੈਡਰਲ ਸਰਕਾਰ ਕਾਨੂੰਨੀ ਤਬਦੀਲੀਆਂ ਅਤੇ ਹੋਰ ਸਰੋਤਾਂ ‘ਤੇ ਕੰਮ ਕਰ ਰਹੀ ਹੈ - ਜੋ ਕਿ ਲੋਅਰ ਮੈਨਲੈਂਡ ਸਮੇਤ ਕੈਨੇਡਾ ਦੇ ਹੋਰ ਹਿੱਸਿਆਂ ਨੂੰ ਪ੍ਰਭਾਵਿਤ ਕਰ ਰਹੀਆਂ ਹਨ।

Connect Newsroom ਦੇ ਹੋਸਟ ਵਿਜੇ ਸੈਨੀ ਨਾਲ 19 ਫ਼ਰਵਰੀ 2026 ਨੂੰ ਸਰੀ ਵਿੱਚ ਬ੍ਰਿਟਿਸ਼ ਕੋਲੰਬੀਆ RCMP ਹੈੱਡਕੁਆਰਟਰ (E Division) ‘ਚ ਹੋਈ ਮੁਲਾਕਾਤ ਦੌਰਾਨ ਕਾਰਨੀ ਨੇ ਕਿਹਾ ਕਿ ਉਨ੍ਹਾਂ ਦੀ ਸਰਕਾਰ “ਜ਼ਮਾਨਤ ਕੜੀ” ਕਰਨ ਅਤੇ “ਸਜ਼ਾਵਾਂ ਸਖ਼ਤ” ਕਰਨ ਲਈ ਕਦਮ ਚੁੱਕ ਰਹੀ ਹੈ, ਅਤੇ ਐਕਸਟੌਰਸ਼ਨ ਨਾਲ ਜੁੜੀ ਗਤੀਵਿਧੀਆਂ ਨੂੰ ਟ੍ਰੈਕ ਕਰਨ ਲਈ ਜਾਂਚ ਸੰਦ (investigative tools) ਵਧਾਏ ਜਾ ਰਹੇ ਹਨ - ਜਿਨ੍ਹਾਂ ਵਿੱਚ ਆਨਲਾਈਨ ਸੰਚਾਰ ਅਤੇ ਪੈਸੇ ਦੇ ਲੇਣ-ਦੇਣ ਦੀ ਟ੍ਰੈਕਿੰਗ ਵੀ ਸ਼ਾਮਲ ਹੈ।

ਕਾਰਨੀ ਨੇ ਕਿਹਾ ਕਿ ਪੁਲਿਸ ਲੀਡਰਸ਼ਿਪ ਨੇ ਉਨ੍ਹਾਂ ਨਾਲ ਗੱਲਬਾਤ ਵਿੱਚ ਇਸ ਦਿਸ਼ਾ ਦਾ ਸਮਰਥਨ ਕੀਤਾ ਅਤੇ ਉਨ੍ਹਾਂ ਨੇ ਸੰਸਦ ਅਤੇ ਸੀਨੇਟ ਨੂੰ ਇਹ ਤਬਦੀਲੀਆਂ ਪਾਸ ਕਰਨ ਦੀ ਅਪੀਲ ਕੀਤੀ। ਉਨ੍ਹਾਂ ਨੇ ਇੱਕ ਬਿੱਲ ਦਾ ਹਵਾਲਾ ਦਿੱਤਾ ਜਿਸਨੂੰ ਉਨ੍ਹਾਂ ਨੇ “C-14” ਕਿਹਾ - ਜਿਸ ਵਿੱਚ ਜਮਾਨਤ ਅਤੇ ਸਜ਼ਾਵਾਂ ਸਬੰਧੀ ਤਬਦੀਲੀਆਂ, ਐਕਸਟੌਰਸ਼ਨ, ਹਥਿਆਰਾਂ ਦੀ ਵਰਤੋਂ, ਅਰਸਨ ਅਤੇ ਗੈਂਗ ਨਾਲ ਜੁੜੇ ਅਪਰਾਧਾਂ ਨਾਲ ਸਬੰਧਤ ਉਪਾਵਾਂ ਦੀ ਗੱਲ ਕੀਤੀ ਗਈ।

ਉਨ੍ਹਾਂ ਨੇ ਹੋਰ ਓਪਰੇਸ਼ਨਲ ਸਰੋਤਾਂ ਦਾ ਵੀ ਜ਼ਿਕਰ ਕੀਤਾ - ਜਿਵੇਂ “ਹਜ਼ਾਰ ਹੋਰ ਬਾਰਡਰ ਸੁਰੱਖਿਆ ਅਫ਼ਸਰ” ਅਤੇ “ਹਜ਼ਾਰ ਹੋਰ RCMP ਕਰਮਚਾਰੀ,” ਨਾਲ ਹੀ ਟਾਸਕ ਫੋਰਸ ਲਈ ਸਰੋਤ ਅਤੇ ਲੋਕਲ ਕਾਨੂੰਨ-ਵਿਵਸਥਾ ਏਜੰਸੀਆਂ ਨਾਲ ਮਿਲਕੇ ਹੈਲੀਕਾਪਟਰ ਸਹਾਇਤਾ। ਕਾਰਨੀ ਨੇ ਕਿਹਾ ਕਿ ਫੈਡਰਲ ਕੋਸ਼ਿਸ਼ਾਂ ਵਿੱਚ ਐਕਸਟੌਰਸ਼ਨ ਲਈ ਵਰਤੀ ਜਾ ਰਹੀ ਆਨਲਾਈਨ ਮੈਸੇਜਿੰਗ ਨੂੰ “ਕਾਨੂੰਨੀ ਤਰੀਕੇ ਨਾਲ” ਹਾਸਲ ਕਰਨਾ ਅਤੇ “ਪੈਸੇ ਦੀ ਲਕੀਰ” (follow the money) ਨੂੰ ਵਿੱਤੀ ਤਕਨੀਕਾਂ ਅਤੇ ਮਾਹਿਰਾਂ ਰਾਹੀਂ ਟ੍ਰੈਕ ਕਰਨਾ ਵੀ ਸ਼ਾਮਲ ਹੈ।

ਇੰਟਰਵਿਊ ਦੌਰਾਨ ਵਿਦੇਸ਼ੀ ਦਖ਼ਲਅੰਦਾਜ਼ੀ ਅਤੇ “transnational repression” ਬਾਰੇ ਸਵਾਲ ਦੇ ਜਵਾਬ ਵਿੱਚ ਕਾਰਨੀ ਨੇ ਕਿਹਾ ਕਿ ਕੈਨੇਡਾ ਵਿਦੇਸ਼ੀ ਦਖ਼ਲ ਦੇ ਖਿਲਾਫ਼ “zero tolerance” ਰਖਦਾ ਹੈ ਅਤੇ ਉਨ੍ਹਾਂ ਨੇ ਕਿਹਾ ਕਿ ਉਨ੍ਹਾਂ ਦੀ ਸਰਕਾਰ “Hogue Commission” ਦੀਆਂ ਸਿਫ਼ਾਰਸ਼ਾਂ ਲਾਗੂ ਕਰ ਰਹੀ ਹੈ।

ਵਿਜੇ ਸੈਨੀ ਵੱਲੋਂ ਇਹ ਵੀ ਪੁੱਛਿਆ ਗਿਆ ਕਿ ਐਕਸਟੌਰਸ਼ਨ ਮਾਮਲਿਆਂ ਨੂੰ ਲੈ ਕੇ ਸਰੀ ਦੇ ਲੋਕਾਂ ਨਾਲ ਉਹ ਪਹਿਲਾਂ ਜਨਤਕ ਤੌਰ ‘ਤੇ ਕਿਉਂ ਨਹੀਂ ਬੋਲੇ। ਕਾਰਨੀ ਨੇ ਕਿਹਾ ਕਿ ਉਨ੍ਹਾਂ ਦੀ ਸਰਕਾਰ ਦਫ਼ਤਰ ਸੰਭਾਲਣ ਤੋਂ ਬਾਅਦ ਲਗਾਤਾਰ ਕਦਮ ਚੁੱਕ ਰਹੀ ਹੈ - ਜਿਸ ਵਿੱਚ ਮਾਇਨੌਰਿਟੀ ਪਾਰਲਿਮੈਂਟ ਵਿੱਚ ਕਾਨੂੰਨੀ ਕਾਰਵਾਈਆਂ, ਬਜਟ ਰਿਸੋਰਸਜ਼ ਅਤੇ ਲੋਕਲ MPs, ਮੰਤਰੀਆਂ ਅਤੇ ਕਾਨੂੰਨ-ਵਿਵਸਥਾ ਨਾਲ ਨਿਰੰਤਰ ਸੰਪਰਕ ਸ਼ਾਮਲ ਹੈ।

ਪੂਰਾ ਇੰਟਰਵਿਊ ਵੇਖਣ ਲਈ ਕਲਿਕ ਕਰੋ: