9.96C Vancouver 9.96C VancouverNov 17, 2021 10:15 PM - The Canadian Press
ਕੰਜ਼ਰਵੇਟਿਵ ਲੀਡਰ ਐਰਿਨ ਓ'ਟੂਲ ਨੇ ਜੋਰ ਦਿੱਤਾ ਹੈ ਕਿ ਪਾਰਟੀ ਕੌਕਸ ਇੱਕਜੁਟ ਹੈ।
ਉਨ੍ਹਾਂ ਕਿਹਾ ਕਿ ਪਾਰਟੀ ਵੱਲੋਂ ਪੂਰਾ ਸਹਿਯੋਗ ਮਿਲ ਰਿਹਾ ਹੈ ਅਤੇ ਜਿਹੜੇ ਮੈਂਬਰਾਂ ਵੱਲੋਂ ਮਾਯੂਸੀ ਵਿਖਾਈ ਜਾ ਰਹੀ ਹੈ ਅਤੇ ਨਿੱਜੀ ਅਜੈਂਡਾ ਕਾਰਨ ਨਿਰਾਸ਼ਾ ਜਾਹਿਰ ਕੀਤੀ ਜਾ ਰਹੀ ਹੈ ਉਨ੍ਹਾਂ ਨੂੰ ਟੀਮ ਦਾ ਹਿੱਸਾ ਨਹੀਂ ਰੱਖਿਆ ਜਾਵੇਗਾ।
ਐਰਿਨ ਓ'ਟੂਲ ਨੇ ਇਹ ਟਿੱਪਣੀ ਉਸ ਵੇਲੇ ਕੀਤੀ ਹੈ ਜਦ ਉਨ੍ਹਾਂ ਵੱਲੋਂ ਸਸਕੈਚਵਿਨ ਦੀ ਸੈਨੇਟਰ ਡਿਨੀਜ ਬੈਟਰਸ ਨੂੰ ਕੌਕਸ ਤੋਂ ਬਾਹਰ ਦਾ ਰਸਤਾ ਵਿਖਾ ਦਿੱਤਾ ਗਿਆ ਹੈ।
ਇਹ ਫੈਸਲਾ ਮੰਗਲਵਾਰ ਸ਼ਾਮ ਲਿਆ ਗਿਆ।
ਡਿਨੀਜ ਬੈਟਰਸ ਨੇ ਓ'ਟੂਲ ਦੀ ਲੀਡਰਸ਼ਿਪ ਦੇ ਜਲਦੀ ਰੀਵਿਊ ਦੀ ਮੰਗ ਕੀਤੀ ਸੀ।
ਹਾਲਾਂਕਿ ਬੈਟਰਸ ਦਾ ਕਹਿਣਾ ਹੈ ਕਿ ਉਹ ਜਾਣਨਾ ਚਾਹੁੰਦੀ ਹੈ ਕਿ ਉਸ ਨੂੰ ਕੌਕਸ ਤੋਂ ਬਾਹਰ ਦਾ ਰਸਤਾ ਕਿਉਂ ਵਿਖਾਇਆ ਗਿਆ।
ਉਨ੍ਹਾਂ ਇਹ ਵੀ ਪੁੱਛਿਆ ਕਿ ਕੰਜ਼ਰਵੇਟਿਵ ਸੈਨੇਟਰ ਮਾਈਕਲ ਮੈਕਡੌਨਲਡ ਨੇ ਵੀ ਅਜਿਹੀ ਮੰਗ ਕੀਤੀ ਸੀ, ਫਿਰ ਉਨ੍ਹਾਂ ਖਿਲਾਫ ਅਜਿਹਾ ਵਿਵਹਾਰ ਕਿਉਂ ਨਹੀਂ ਕੀਤਾ ਗਿਆ।
