15.28C Vancouver 15.28C VancouverMar 4, 2021 6:40 PM -
ਮਾਹਿਰਾਂ ਦੇ ਇੱਕ ਪੈਨਲ ਦਾ ਕਹਿਣਾ ਹੈ ਕਿ ਕੈਨੇਡਾ ਦੇ 16 ਸਾਲ ਤੋਂ ਵਧੇਰੀ ਉਮਰ ਦੇ 80% ਲੋਕਾਂ ਨੂੰ ਕੋਵਿਡ-19 ਦੀ ਪਹਿਲੀ ਖੁਰਾਕ ਨਾਲ ਜੂਨ ਦੇ ਅੰਤ ਤਕ ਹੀ ਵੈਕਸੀਨੇਟ ਕੀਤਾ ਜਾ ਸਕਦਾ ਹੈ।
ਅਜਿਹਾ ਉਸ ਵੇਲੇ ਕੀਤਾ ਜਾ ਸਕਦਾ ਹੈ ਜੇਕਰ ਸੂਬਾ ਸਰਕਾਰਾਂ ਦੋਵਾਂ ਖੁਰਾਕਾਂ ਵਿਚਾਲੇ ਦੇ ਫਰਕ ਨੂੰ 4 ਮਹੀਨੇ ਤਕ ਵਧਾ ਦਿੰਦਿਆਂ ਹਨ।
ਕੈਨੇਡਾ ਦੇ ਡਿਪਟੀ ਪਬਲਿਕ ਹੈਲਥ ਅਫ਼ਸਰ, ਡਾ. ਹੌਵਰਡ ਨਿਊ ਦਾ ਕਹਿਣਾ ਹੈ ਕਿ ਇਹ ਫੈਸਲਾ ਹਾਲ ਦੇ ਡਾਟਾ 'ਤੇ ਨਿਰਧਾਰਿਤ ਹੈ, ਜੋ ਦਰਸ਼ਾਉਂਦਾ ਹੈ ਕਿ ਵੈਕਸੀਨ ਖੁਰਾਕਾਂ ਕਿਸ ਪ੍ਰਕਾਰ ਨਾਲ ਕੰਮ ਕਰ ਰਹੀਆਂ ਹਨ।
ਕੈਨੇਡਾ ਕੋਲ ਇਸ ਮਹੀਨੇ ਦੇ ਅੰਤ ਤਕ 6.5 ਮਿਲੀਅਨ ਵੈਕਸੀਨ ਖੁਰਾਕਾਂ ਪਹੁੰਚ ਰਹੀਆਂ ਹਨ, ਜੋ ਕਿ ਪਹਿਲਾਂ ਦੇ ਅਨੁਮਾਨ ਤੋਂ 5,00,000 ਖੁਰਾਕਾਂ ਦਾ ਵਾਧਾ ਹੈ।
ਬੀ.ਸੀ., ਐਲਬਰਟਾ ਅਤੇ ਨਿਊਫਿਨਲੈਂਡ ਅਤੇ ਲੈਬਰੇਡੌਰ 'ਚ ਦੋਵਾਂ ਖੁਰਾਕਾਂ ਵਿਚਾਲੇ ਦੇ ਫਰਕ ਨੂੰ 4 ਮਹੀਨੇ ਤਕ ਵਧਾਇਆ ਜਾ ਰਿਹਾ ਹੈ।
ਯਾਦ ਰਹੇ ਐਸਟ੍ਰਾਜ਼ੈਨਕਾ ਵੈਕਸੀਨ ਦੀ ਪਹਿਲੀ ਸ਼ਿਪਮੈਂਟ 'ਚ 500,000 ਖੁਰਾਕਾਂ ਕੱਲ ਕੈਨੇਡਾ ਪਹੁੰਚ ਚੁੱਕੀਆਂ ਹਨ।
