25.09C Vancouver 25.09C VancouverMay 19, 2020 5:35 PM -
ਫੈਡਰਲ ਕੰਪੀਟੀਸ਼ਨ ਬਿਊਰੋ ਮੁਤਾਬਕ ਕਨੇਡੀਅਨਾਂ ਦੀ ਨਿੱਜੀ ਜਾਣਕਾਰੀ ਨਾਲ ਸਬੰਧਤ ਗਲਤ ਅਤੇ ਗੁੰਮਰਾਹ ਕਰ ਦੇਣ ਵਾਲੇ ਦਾਅਵੇ ਕਰਨ ਵਾਸਤੇ ਫੇਸਬੁੱਕ ਨੂੰ $9 ਮਿਲੀਅਨ ਦਾ ਜੁਰਮਾਨਾ ਭਰਨਾ ਪਵੇਗਾ।
ਇਸ ਤੋਂ ਇਲਾਵਾ ਸੋਸ਼ਲ ਮੀਡੀਆ ਕੰਪਨੀ ਬਿਊਰੋ ਦੀ ਜਾਂਚ ਦਾ $500,000 ਖਰਚਾ ਵੀ ਭਰੇਗੀ।
ਅੱਜ ਰਜਿਸਟਰ ਕੀਤੀ ਗਈ ਇੱਕ ਸੈਟਲਮੈਂਟ ਅਨੁਸਾਰ ਕੰਪਨੀ ਇਸ ਗੱਲ ਉੱਤੇ ਸਹਿਮਤ ਹੈ ਕਿ ਫੇਸਬੁੱਕ ਅਤੇ ਮੈਸੇਂਜਰ ਐਪ ਦੀ ਵਰਤੋਂ ਕਰਨ ਵਾਲੇ ਵਿਅਕਤੀਆਂ ਨੂੰ ਇਸ ਸੰਬੰਧ ਵਿਚ ਗੁੰਮਰਾਹ ਕਰਨ ਵਾਲੀ ਜਾਣਕਾਰੀ ਨਹੀਂ ਦਿੱਤੀ ਜਾਵੇਗੀ ਕਿ ਉਹ ਆਪਣੇ ਨਿੱਜੀ ਡਾਟਾ ਨੂੰ ਕਿੰਨਾ ਕੰਟਰੋਲ ਕਰ ਸਕਦੇ ਹਨ।
ਅਗਸਤ 2012 ਤੋਂ ਜੂਨ 2018 ਵਿਚਕਾਰ ਫੇਸਬੁੱਕ ਦੀਆਂ ਗਤੀਵਿਧੀਆਂ ਤੇ ਕੀਤੀ ਗਈ ਇਸ ਜਾਂਚ ਮੁਤਾਬਕ ਕੰਪਨੀ ਨੇ ਆਪਣੇ ਸੋਸ਼ਲ ਮੀਡੀਆ ਪਲੈਟਫਾਰਮ ਦੀ ਵਰਤੋਂ ਕਰਨ ਵਾਲਿਆਂ ਨੂੰ ਇਹ ਪ੍ਰਤੀਤ ਕਰਵਾਇਆ ਕਿ ਆਪਣੀ ਨਿੱਜੀ ਜਾਣਕਾਰੀ ਪ੍ਰਾਇਵੇਸੀ ਫੀਚਰ ਅਤੇ ਸੈਟਿੰਗ ਰਾਹੀਂ ਕੰਟਰੋਲ ਕਰਨਾ ਉਨ੍ਹਾਂ ਦੇ ਹੱਥ ਵਿੱਚ ਹੈ।
ਬਿਊਰੋ ਮੁਤਾਬਕ ਫੇਸਬੁੱਕ ਵੱਲੋਂ ਇਸ ਦੀ ਵਰਤੋਂ ਕਰਨ ਵਾਲਿਆਂ ਦੀ ਨਿੱਜੀ ਜਾਣਕਾਰੀ ਥਰਡ ਪਾਰਟੀ ਡਿਵੈੱਲਪਰਾਂ ਨਾਲ ਸਾਂਝੀ ਕੀਤੀ ਗਈ ਸੀ।
ਫੇਸਬੁੱਕ ਵੱਲੋਂ ਜਾਰੀ ਕੀਤੀ ਗਈ ਇੱਕ ਸਟੇਟਮੈਂਟ ਵਿੱਚ ਉਨ੍ਹਾਂ ਕਿਹਾ ਕਿ ਹਾਲਾਂਕਿ ਉਹ ਇਸ ਫ਼ੈਸਲੇ ਦਾ ਸਮਰਥਨ ਨਹੀਂ ਕਰਦੇ ਪਰ ਮਾਮਲੇ ਨੂੰ ਇੱਕ ਸਮਝੌਤੇ ਰਾਹੀਂ ਸੁਲਝਾਉਣ ਦੀ ਕੋਸ਼ਿਸ਼ ਕਰ ਰਹੇ ਹਨ।
