17.31C Vancouver 17.31C VancouverJul 21, 2025 3:56 PM - The Associated Press
ਕੈਨੇਡਾ ਦੇ ਇੱਕ ਪਿਤਾ ਨੂੰ ਨਿਊਯਾਰਕ ਵਿੱਚ 9 ਸਾਲਾ ਬੱਚੀ ਦੇ ਕਤਲ ਦੇ ਸ਼ੱਕ ਵਿੱਚ ਅੱਜ ਸਵੇਰੇ ਹਿਰਾਸਤ ਵਿੱਚ ਲੈ ਲਿਆ ਗਿਆ ਸੀ। ਇਸ ਮਾਮਲੇ ਵਿੱਚ ਹੁਣ ਮਿਲੀ ਤਾਜ਼ਾ ਜਾਣਕਾਰੀ ਮੁਤਾਬਕ ਆਪਣੀ ਬੱਚੀ ਦੇ ਕਤਲ ਲਈ ਪਿਤਾ ਨੂੰ ਸੈਕਿੰਡ ਡਿਗਰੀ ਕਤਲ ਦੇ ਦੋਸ਼ ਵਿੱਚ ਚਾਰਜ ਕੀਤਾ ਗਿਆ ਹੈ। ਮਾਮਲਾ 9 ਸਾਲਾ ਬੱਚੀ ਦੀ ਮੌਤ ਨਾਲ ਸੰਬੰਧਤ ਹੈ।
ਬੱਚੀ ਦੀ ਪਛਾਣ ਕੈਨੇਡਾ ਦੇ ਮਾਂਟਰੀਅਲ ਵਾਸੀ ਮੇਲਿਨਾ ਫਰੈਟੋਲਿਨ ਅਤੇ ਪਿਤਾ 45 ਸਾਲਾ ਲੂਸੀਆਨੋ ਫਰੈਟੋਲਿਨ ਵਜੋਂ ਹੋਈ ਹੈ। ਪੁਲਿਸ ਦਾ ਕਹਿਣਾ ਹੈ ਕਿ ਮਾਮਲੇ ਦੀ ਜਾਂਚ ਦੌਰਾਨ ਪਿਤਾ ਦੇ ਬਿਆਨ ਅਤੇ ਬੱਚੀ ਦੇ ਲਾਪਤਾ ਹੋਣ ਦਾ ਸਮਾਂ ਅਤੇ ਘਟਨਾਵਾਂ ਮੇਲ ਨਹੀਂ ਖਾਦੀਆਂ ਸਨ।
ਐਤਵਾਰ ਨੂੰ ਬੱਚੀ ਦੀ ਲਾਸ਼ ਨਿਊਯਾਰਕ-ਵਰਮੋਂਟ ਸਰਹੱਦ ਦੇ ਨੇੜੇ ਲੇਕ ਜਾਰਜ ਤੋਂ ਲਗਭਗ 50 ਕਿਲੋਮੀਟਰ ਪੂਰਬ ਵੱਲ ਮਿਲੀ। ਪੁਲਿਸ ਵੱਲੋਂ ਇਸ ਮਾਮਲੇ ਦੀ ਜਾਂਚ ਚੱਲ ਰਹੀ ਹੈ। ਪੁਲਿਸ ਵੱਲੋਂ ਫਿਲਹਾਲ ਇਸ ਸੰਬੰਧੀ ਹੋਰ ਵੇਰਵੇ ਸਾਂਝੇ ਨਹੀਂ ਕੀਤੇ ਹਨ।
