10.69C Vancouver 10.69C VancouverOct 22, 2021 12:09 AM - The Canadian Press
ਅਮਰੀਕਾ 'ਚ ਬ੍ਰਾਇਨ ਲੌਂਡਰੀ ਦੀ ਭਾਲ ਦੇ ਮਾਮਲੇ 'ਚ ਅੱਜ ਐਫ.ਬੀ.ਆਈ. ਦੀ ਡੈਨਵਰ ਡਿਵੀਜਨ ਨੇ ਅਹਿਮ ਖੁਲਾਸਾ ਕੀਤਾ ਹੈ।
ਬੁੱਧਵਾਰ ਨੂੰ ਮਿਲੇ ਮਨੁੱਖੀ ਅਵਸ਼ੇਸ਼ਾਂ ਬਾਰੇ ਦੱਸਿਆ ਗਿਆ ਹੈ ਕਿ ਇਹ ਬ੍ਰਾਇਨ ਲੌਂਡਰੀ ਦੇ ਹੀ ਹਨ।
ਇਸ ਦੇ ਨਾਲ 23 ਸਾਲਾ ਬ੍ਰਾਇਨ ਲੌਂਡਰੀ ਦੀ ਮੌਤ ਦੀ ਪੁਸ਼ਟੀ ਕਰ ਦਿੱਤੀ ਗਈ ਹੈ।
ਉਸ ਦੀ ਗਰਲਫਰੈਂਡ ਦੇ ਕਤਲ ਦੇ ਮਾਮਲੇ 'ਚ ਭਾਲ ਕੀਤੀ ਜਾ ਰਹੀ ਹੈ।
ਪੁਲਿਸ ਨੇ ਬੀਤੇ ਕੱਲ ਜਾਣਕਾਰੀ ਦਿੱਤੀ ਸੀ ਕਿ ਫਲੋਰੀਡਾ ਪਾਰਕ ਦੇ ਇਲਾਕੇ 'ਚ ਪਾਣੀ 'ਚ ਮਨੁੱਖੀ ਅਵਸ਼ੇਸ਼ ਮਿਲੇ ਹਨ।
ਇਸੇ ਦੌਰਾਨ ਕੁਝ ਅਜਿਹੇ ਆਈਟਮ ਵੀ ਮਿਲੇ ਜੋ ਕਿ ਬ੍ਰਾਇਨ ਲੌਂਡਰੀ ਨਾਲ ਸੰਬੰਧਤ ਦੱਸੇ ਗਏ ਸਨ।
ਇਸ ਵਿਅਕਤੀ ਦੀ ਭਾਲ ਕਰੀਬ ਇੱਕ ਮਹੀਨੇ ਤੋਂ ਕੀਤੀ ਜਾ ਰਹੀ ਸੀ।
ਉਸ ਨੂੰ ਆਪਣੀ ਗਰਲਫਰੈਂਡ ਗੈਬੀ ਪੈਟੀਟੋ ਦੀ ਮੌਤ ਦੇ ਮਾਮਲੇ 'ਚ ਪਰਸਨ ਆਫ ਇੰਟ੍ਰਸਟ ਦੱਸਿਆ ਗਿਆ ਸੀ।
ਗੈਬੀ ਪੈਟੀਟੋ ਦਾ ਮ੍ਰਿਤ ਸ਼ਰੀਰ 19 ਸਿਤੰਬਰ ਨੂੰ ਵਿਓਮਿੰਗ ਦੇ ਗ੍ਰੈਂਡ ਟੈਂਟਨ ਇਲਾਕੇ 'ਚ ਮਿਲਿਆ ਸੀ।
ਗੈਬੀ ਪੈਟੀਟੋ ਦਾ ਕਤਲ ਉਸ ਦਾ ਦਮ ਘੁੱਟ ਕੇ ਕੀਤਾ ਗਿਆ ਸੀ।
ਸਟ੍ਰੈਂਗੂਲੇਸ਼ਨ ਨੂੰ ਮੌਤ ਦਾ ਕਾਰਨ ਦੱਸਿਆ ਗਿਆ ਸੀ।
22 ਸਾਲਾ ਗੈਬੀ ਪੈਟੀਟੋ ਦਾ ਮ੍ਰਿਤ ਸ਼ਰੀਰ ਉੱਤਰੀ ਵਿਓਮਿੰਗ 'ਚ ਬੀਤੇ ਮਹੀਨੇ ਇੱਕ ਅੰਡਰਡਿਵੈਲਪਡ ਕੈਂਪਿੰਗ ਇਲਾਕੇ 'ਚ ਮਿਲਿਆ ਸੀ।
