14.12C Vancouver 14.12C VancouverJun 20, 2025 10:07 PM -
ਫੈਡਰਲ ਕੋਰਟ ਆਫ ਅਪੀਲ ਨੇ ਬੀ.ਸੀ. ਦੇ ਇੱਕ ਫਾਰਮ 'ਤੇ ਸ਼ਤੁਰਮੁਰਗਾਂ ਦੇ ਕੱਲ (cull) ਜਾਣੀ ਕਿ ਉਨ੍ਹਾਂ ਨੂੰ ਖਤਮ ਕਰਨ ਦੀ ਸੰਭਾਵੀ ਪ੍ਰੀਕਿਰਿਆ 'ਤੇ ਫਿਲਹਾਲ ਰੋਕ ਲਗਾ ਦਿੱਤੀ ਹੈ। ਕੋਰਟ ਰਿਕਾਰਡ ਦਰਸਾਉਂਦੇ ਹਨ ਕਿ ਅੱਜ ਦੁਪਹਿਰ ਦੇ ਸਮੇਂ ਔਟਵਾ 'ਚ ਇਸ ਸੰਬਧੀ ਫੈਸਲਾ ਲਿਆ ਗਿਆ 400 ਸ਼ਤੁਰਮੁਰਗਾਂ ਦੇ ਕੱਲ ਨੂੰ ਅਪੀਲ ਦੇ ਪੈਂਡਿੰਗ ਹੋਣ ਤਕ ਰੋਕਿਆ ਜਾਵੇ।
ਮਾਮਲਾ ਬੀ.ਸੀ. ਦੇ ਐਜਵੂਡ ਇਲਾਕੇ 'ਤੇ ਸਥਿਤ ਯੂਨੀਵਰਸਲ ਔਸਟ੍ਰਿਚ ਫਾਰਮ ਨਾਲ ਸੰਬੰਧਤ ਹੈ, ਜਿਸ ਦੇ ਮਾਲਕ ਕਨੇਡੀਅਨ ਫੂਡ ਇੰਸਪੈਕਸ਼ਨ ਏਜੈਂਸੀ ਦੇ ਸ਼ਤੁਰਮੁਰਗਾਂ ਦੇ ਕੱਲ ਦੇ ਨਿਰਦੇਸ਼ਾਂ ਖਿਲਾਫ ਕੋਰਟ ਪਹੁੰਚੇ ਹਨ।
ਕਨੇਡੀਅਨ ਫੂਡ ਇੰਸਪੈਕਸ਼ਨ ਏਜੈਂਸੀ ਨੇ ਸ਼ਤੁਰਮੁਰਗਾਂ ਦੇ ਖਾਤਮੇ ਦਾ ਫੈਸਲਾ ਇਸ ਫਾਰਮ ਦੇ ਏਵੀਅਨ ਫਲੂ ਦੇ ਸੰਪਰਕ 'ਚ ਆਉਣ ਤੋਂ ਬਾਅਦ ਲਿਆ ਸੀ।
ਫਾਰਮ ਦੀ ਮਾਲਕ ਦੀ ਧੀ, ਕੇਟੀ ਪੈਸਿਟਨੀ ਦਾ ਕਹਿਣਾ ਸੀ ਕਿ ਉਹ ਸਹਿਯੋਗ ਕਰਨ ਵਾਲਿਆਂ ਦੀ ਧੰਨਵਾਦੀ ਹੈ ਅਤੇ ਉਨ੍ਹਾਂ ਆਖਿਆ ਕਿ ਹੁਣ ਲੜਾਈ ਦੇ ਅਗਲੇ ਫੇਜ਼ ਵਿੱਚ ਉਹ ਫੈਸਲੇ 'ਚ ਬਦਲਾਅ ਲਈ ਕੋਸ਼ਿਸ਼ ਕਰਨਗੇ।
ਫੂਡ ਇੰਸਪੈਕਸ਼ਨ ਏਜੈਂਸੀ ਦਾ ਕਹਿਣਾ ਹੈ ਕਿ ਜਿਸ ਪ੍ਰਕਾਰ ਦਾ ਏਵੀਅਨ ਫਲੂ ਇਸ ਫਾਰਮ 'ਤੇ ਵਿਖਾਈ ਦਿੱਤਾ ਹੈ, ਉਸ ਤਰ੍ਹਾਂ ਦੀ ਮਿਊਟੇਸ਼ਨ ਕੈਨੇਡਾ 'ਚ ਹੋਰ ਕਿਤੇ ਵਿਖਾਈ ਨਹੀਂ ਦਿੱਤੀ।
