31.12C Vancouver 31.12C VancouverJun 26, 2025 7:10 PM - The Canadian Press
ਬੀ.ਸੀ. ਫੈਰੀਜ਼ ਦੇ ਚੀਨ ਤੋਂ ਜਹਾਜ਼ ਖਰੀਦਣ ਦੇ ਵਿਵਾਦਤ ਫੈਸਲੇ ਵਿਚਕਾਰ ਫੈਡਰਲ ਸਰਕਾਰ ਦੇ ਕੈਨੇਡਾ ਇਨਫਰਾਸਟ੍ਰਕਚਰ ਬੈਂਕ ਨੇ ਕੰਪਨੀ ਨੂੰ 4 ਚੀਨ ਦੇ ਬਣੇ ਜਹਾਜ਼ ਖਰੀਦਣ ਵਿਚ ਮਦਦ ਲਈ $1-ਬਿਲੀਅਨ ਦਾ ਲੋਨ ਦੇ ਦਿੱਤਾ ਹੈ।
ਇਹ ਉਦੋਂ ਹੈ ਜਦੋਂ ਕਾਰਨੀ ਸਰਕਾਰ ਦੀ ਟਰਾਂਸਪੋਰਟ ਮੰਤਰੀ ਕ੍ਰਿਸਟੀਆ ਫ੍ਰੀਲੈਂਡ ਨੇ ਪਿਛਲੇ ਹਫ਼ਤੇ ਬੀ.ਸੀ. ਦੇ ਆਵਾਜਾਈ ਮੰਤਰੀ ਮਾਈਕ ਫਾਰਨਵਰਥ ਨੂੰ ਕੜੇ ਸ਼ਬਦਾਂ ਵਿਚ ਪੱਤਰ ਭੇਜਿਆ ਸੀ, ਜਿਸ ਵਿਚ ਬੀ.ਸੀ. ਫੈਰੀਜ਼ ਦੇ ਫੈਸਲੇ 'ਤੇ ਗਹਿਰੀ ਚਿੰਤਾ ਤੇ ਨਿਰਾਸ਼ਾ ਪ੍ਰਗਟ ਕੀਤੀ ਗਈ ਸੀ।
ਕੈਨੇਡਾ ਇਨਫਰਾਸਟ੍ਰਕਚਰ ਬੈਂਕ ਨੇ ਬੀ.ਸੀ. ਫੈਰੀਜ਼ ਨੂੰ ਦਿੱਤੀ ਵਿੱਤੀ ਦੀ ਵੀਰਵਾਰ ਨੂੰ ਪੁਸ਼ਟੀ ਕਰਦੇ ਕਿਹਾ ਕਿ $690 ਮਿਲੀਅਨ ਜਹਾਜ਼ ਖਰੀਦਣ ਲਈ ਹਨ, ਜਦੋਂ ਕਿ $310 ਮਿਲੀਅਨ ਇਨਫਰਾਸਟ੍ਰਕਚਰ ਨੂੰ ਬਿਜਲੀਕਰਨ ਕਰਨ ਨਾਲ ਸਬੰਧਤ ਹਨ।
ਗੌਰਤਲਬ ਹੈ ਕਿ ਬੀ.ਸੀ. ਫੈਰੀਜ਼ ਨੇ ਚੀਨ ਦੇ ਬਣੇ ਜਹਾਜ਼ 2029 ਤੇ 2031 ਵਿਚਕਾਰ ਸੇਵਾ ਵਿਚ ਆਉਣ ਦੀ ਉਮੀਦ ਜਤਾਈ ਹੈ।
