25.12C Vancouver 25.12C VancouverNov 4, 2025 11:02 PM - Connect Newsroom - Pervez Sandhu
ਸਰਕਾਰ 'ਚ ਆਉਣ ਦੇ ਤਕਰੀਬਨ 7 ਮਹੀਨੇ ਬਾਅਦ ਕਾਰਨੀ ਸਰਕਾਰ ਨੇ ਅੱਜ ਆਪਣਾ ਪਹਿਲਾ ਬਜਟ ਪੇਸ਼ ਕੀਤਾ।
406 ਪੰਨਿਆਂ ਦੇ ਇਸ ਬਜਟ 'ਚ ਕੈਨੇਡਾ ਨੂੰ ਮਜਬੂਤ ਬਣਾਉਣ ਦਾ ਵਾਅਦਾ ਕੀਤਾ ਗਿਆ ਹੈ।
ਇਸ 'ਚ ਸਪਸ਼ਟ ਕੀਤਾ ਗਿਆ ਕਿ ਇਸ ਸਾਲ ਦਾ ਕੈਨੇਡਾ ਦਾ ਡੈਫੀਸਿਟ 78.3ਬਿਲੀਅਨ ਡਾਲਰ ਰਹਿ ਸਕਦਾ ਹੈ।
ਹਾਲਾਂਕਿ ਬਜਟ ਘਾਟੇ ਦੇ 2029-2030 ਤੱਕ $56.6ਬਿਲੀਅਨ ਤੱਕ ਆਉਣ ਦਾ ਅਨੁਮਾਨ ਪੇਸ਼ ਕੀਤਾ ਗਿਆ ਹੈ।
ਵਿੱਤ ਮੰਤਰੀ ਫ੍ਰਾਂਸੂਆ ਫਿਲਿਪ ਸ਼ੈਂਪੇਨ ਦਾ ਕਹਿਣਾ ਸੀ ਕਿ ਇਹ ਬਜਟ ਦੇਸ਼ ਦੀ ਪ੍ਰਭੂਸੱਤਾ ਦਾ ਬਚਾਅ ਵਾਲੇ ਕਦਮ ਪੇਸ਼ ਕਰਦਾ ਹੈ।
ਇਹ ਬਜਟ ਆਉਂਦੇ 5 ਸਾਲਾਂ 'ਚ ਨਿਊ ਮੈਜ਼ਰਸ ਵਿੱਚ 141 ਬਿਲੀਅਨ ਡਾਲਰ ਦੇ ਨਵੇਂ ਸਪੈਂਡਿੰਗਸ ਦਾ ਵਾਅਦਾ ਕਰ ਰਿਹਾ ਹੈ ਅਤੇ ਆਖਿਆ ਗਿਆ ਹੈ ਕਿ ਇਨ੍ਹਾਂ ਖਰਚਿਆਂ ਨਾਲ 51.2ਬਿਲੀਅਨ ਡਾਲਰ ਦੀ ਬੱਚਤ ਵੀ ਹੋਵੇਗੀ।
ਸਰਕਾਰ ਦੇ ਸਭ ਤੋਂ ਵੱਡੇ ਖਰਚਿਆਂ ਵਿੱਚ ਡਿਫੈਂਸ 'ਤੇ ਆਉਣ ਵਾਲਾ ਖਰਚਾ ਸ਼ਾਮਿਲ ਹੈ ਜਿੱਥੇ 20.4 ਬਿਲੀਅਨ ਡਾਲਰ ਦਾ ਮਿਲਟਰੀ ਰਿਕਰੂਟਮੈਂਟ ਅਤੇ ਰਿਟੈਂਸ਼ਨ ਦਾ ਖਰਚਾ ਸ਼ਾਮਿਲ ਹੈ।
ਇਸ ਦੇ ਨਾਲ ਹੀ ਡਿਫੈਂਸ ਅਪਗ੍ਰੇਡਸ ਲਈ $10.9 ਬਿਲੀਅਨ ਅਤੇ ਨਵੀਆਂ ਮਿਲਟਰੀ ਕੇਪੇਬੀਲੀਟੀਸ ਨੂੰ ਐਕਸਪੈਂਡ ਕਰਨ ਲਈ 19.9 ਬਿਲੀਅਨ ਡਾਲਰ ਦਾ ਖਰਚਾ ਕਰਨ ਦੀ ਗੱਲ ਆਖੀ ਗਈ ਹੈ।
ਹੋਰ ਖਰਚੇ ਦੀਆਂ ਕਮਿਟਮੈਂਟਸ ਵਿੱਚ ਅਗਲੇ 10 ਸਾਲਾਂ 'ਚ 'ਬਿਲਡ ਕਮਿਊਨਿਟੀਸ ਸਟਰੌਂਗ ਫੰਡ' ਲਈ 51ਬਿਲੀਅਨ ਡਾਲਰ ਰੱਖਣ ਦੀ ਗੱਲ ਆਖੀ ਗਈ ਹੈ।
ਇਸ ਦੇ ਨਾਲ ਹੀ ਇੰਟਰਨੈਸ਼ਨਲ ਟੇਲੈਂਟ ਐਟਰੈਕਸ਼ਨ ਸਟ੍ਰੇਟਜੀ ਲਈ $1.7 ਬਿਲੀਅਨ ਦਾ ਖਰਚਾ ਅਤੇ ਅਗਲੇ 5 ਸਾਲਾਂ 'ਚ 'ਬਿਲਡ ਕੈਨੇਡਾ ਹੋਮਸ' ਲਈ $13ਬਿਲੀਅਨ ਦੇ ਖਰਚੇ ਦੀ ਜਾਣਕਾਰੀ ਦਿੱਤੀ ਗਈ ਹੈ।
ਇਸ ਤੋਂ ਇਲਾਵਾ ਪਬਲਿਕ ਸਰਵਿਸ ਡਾਊਨਸਾਈਜਿੰਗ ਦੀ ਵੀ ਜਾਣਕਾਰੀ ਦਿੱਤੀ ਗਈ ਹੈ ਜਿੱਥੇ ਸਰਕਾਰ ਅਨੁਸਾਰ ਅਗਲੇ 3 ਸਾਲਾਂ 'ਚ 28,000 ਨੌਕਰੀਆਂ ਘਟਾਈਆਂ ਜਾਣਗੀਆਂ।
ਕੁਝ ਮਾਹਿਰਾਂ ਦਾ ਕਹਿਣਾ ਹੈ ਕਿ ਇਹ ਬਜਟ ਕੈਪੀਟਲ ਇਨਵੈਸਟਮੈਂਟ ਅਤੇ ਆਪ੍ਰੇਸ਼ਨਲ ਸਪੈਂਡਿੰਗ ਦੀ ਤਸਵੀਰ ਪੇਸ਼ ਕਰਦਾ ਹੈ ਅਤੇ ਮਾਹਿਰਾਂ ਅਨੁਸਾਰ ਇਹ ਬਜਟ ਅਫੋਰਡੇਬਿਲਿਟੀ ਨੂੰ ਐਡਰੈਸ ਨਹੀਂ ਕਰਦਾ ਅਤੇ ਇਸ ਨਾਲ ਹਾਊਸਿੰਗ ਕੀਮਤਾਂ ਨਾਲ ਨਹੀਂ ਨਜਿਠਿਆ ਜਾ ਸਕਦਾ ਅਤੇ ਆਮ ਕਨੇਡੀਅਨ ਸੋਚੇਗਾ ਕਿ ਆਖਿਰ ਉਸ ਦੀਆਂ ਚੁਣੌਤੀਆਂ ਅਤੇ ਦਿਨ ਪ੍ਰਤੀ ਦਿਨ ਦੇ ਜੀਵਨ ਵਿੱਚ ਇਸ ਬਜਟ ਨਾਲ ਕੀ ਤਬਦੀਲੀ ਆਵੇਗੀ।
