ਫੈਡਰਲ ਕੈਬਨਿਟ ਮੰਤਰੀ ਅੱਜ ਮਿਲਣਗੇ ਟਰੰਪ ਪ੍ਰਸ਼ਾਸਨ ਨਾਲ

ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ਵਲੋਂ ਟਰੰਪ ਪ੍ਰਸ਼ਾਸਨ ਵਿਚ ਕੈਨੇਡਾ-ਅਮਰੀਕਾ ਸਬੰਧਾਂ ’ਤੇ ਚਰਚਾ ਲਈ ਬਣਾਈ ਗਈ ਵਿਸ਼ੇਸ਼ ਕੈਬਨਿਟ ਕਮੇਟੀ ਦੀ ਅੱਜ ਪਾਰਲੀਮੈਂਟ ਹਿੱਲ ਵਿਖੇ ਮੀਟਿੰਗ ਹੋਈ। ਉਪ ਪ੍ਰਧਾਨ ਮੰਤਰੀ ਅਤੇ ਵਿੱਤ ਮੰਤਰੀ ਕ੍ਰਿਸਟੀਆ ਫਰੀਲੈਂਡ ਨੇ ਇਸ ਬੈਠਕ ਮਗਰੋਂ ਪੱਤਰਕਾਰਾਂ ਨਾਲ ਗੱਲ ਕਰਦੇ ਕਿਹਾ ਕਿ ਉਨ੍ਹਾਂ ਟਰੰਪ ਪ੍ਰਸ਼ਾਸਨ ਨਾਲ ਗੱਲਬਾਤ ਲਈ ਕੰਮ ਸ਼ੁਰੂ ਕਰ ਦਿੱਤਾ ਹੈ।

ਫਰੀਲੈਂਡ ਨੇ ਕਿਹਾ ਕਿ ਉਹ ਖੁਦ ਵੀ ਰਾਜਦੂਤ ਲਾਈਟਹੀਜ਼ਰ ਨਾਲ ਸੰਪਰਕ ਵਿਚ ਹਨ। ਉਪ ਪ੍ਰਧਾਨ ਮੰਤਰੀ ਨੇ ਕਿਹਾ ਕਿ ਸਾਡੇ ਅਮਰੀਕਾ ਨਾਲ ਮਜਬੂਤ ਵਪਾਰਕ ਰਿਸ਼ਤੇ ਹਨ ਅਤੇ ਕੈਨੇਡਾ ਅਮਰੀਕਾ ਲਈ ਮਹੱਤਵਪੂਰਨ ਅਤੇ ਵੱਡਾ ਨਿਰਯਾਤ ਮਾਰਕੀਟ ਹੈ। ਉਨ੍ਹਾਂ ਕਿਹਾ ਕਿ ਯੂ. ਕੇ., ਚੀਨ ਅਤੇ ਫਰਾਂਸ ਨੂੰ ਮਿਲਾ ਕੇ ਵੀ ਕੈਨੇਡਾ ਅਮਰੀਕਾ ਦੀ ਵੱਡੀ ਨਿਰਯਾਤ ਮਾਰਕੀਟ ਹੈ।

ਫਰੀਲੈਂਡ ਨੇ ਕਿਹਾ ਕਿ ਟਰੰਪ ਦੇ ਪਹਿਲੇ ਕਾਰਜਕਾਲ ਵਿਚ ਵੀ ਉਨ੍ਹਾਂ ਨੇ ਸਟੀਲ ਅਤੇ ਹੋਰ ਸਾਮਾਨ ’ਤੇ ਟੈਰਿਫ ਲਗਾਇਆ ਸੀ, ਬਦਲੇ ਵਿਚ ਕੈਨੇਡਾ ਨੇ ਵੀ ਇਹੀ ਕਦਮ ਚੁੱਕਿਆ ਸੀ ਪਰ ਅਖੀਰ ਅਮਰੀਕਾ ਨੂੰ ਅਹਿਸਾਸ ਹੋਇਆ ਤੇ ਸਭ ਠੀਕ ਹੋ ਗਿਆ ਸੀ। ਉਨ੍ਹਾਂ ਕਿਹਾ ਕਿ ਹੁਣ ਵੀ ਅਸੀਂ ਇਸ ’ਤੇ ਕੰਮ ਕਰ ਰਹੇ ਹਾਂ ਅਤੇ ਕੈਬਨਿਟ ਬੈਠਕ ਹੁੰਦੀ ਰਹੇਗੀ।