19.74C Vancouver 19.74C VancouverOct 30, 2023 6:53 PM - The Canadian Press
ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ਵੱਲੋਂ ਹਥਿਆਰਾਂ 'ਤੇ ਲਗਾਈ ਗਈ ਪਾਬੰਦੀ ਖਿਲਾਫ਼ ਕੈਨੇਡੀਅਨ ਕੋਲੀਸ਼ਨ ਫਾਰ ਫਾਇਰਆਰਮ ਰਾਈਟਸ ਅਤੇ ਹੋਰ ਬੰਦੂਕ ਸੰਸਥਾਵਾਂ ਵੱਲੋਂ ਅਦਾਲਤ ਵਿੱਚ ਚੁਣੌਤੀ ਦਿੱਤੀ ਗਈ ਸੀ, ਜਿਸਨੂੰ ਫੈਡਰਲ ਕੋਰਟ ਨੇ ਖਾਰਜ ਕਰ ਦਿੱਤਾ ਹੈ।
ਦਰਅਸਲ ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ਨੇ ਅਪ੍ਰੈਲ 2020 ਵਿੱਚ ਨੋਵਾ ਸਕੋਸ਼ੀਆ ਵਿੱਚ ਇੱਕ ਬੰਦੂਕਧਾਰੀ ਵੱਲੋਂ 22 ਲੋਕਾਂ ਦੀ ਹੱਤਿਆ ਕਰਨ ਦੇ ਕੁੱਝ ਹਫ਼ਤਿਆਂ ਬਾਅਦ ਘੋਸ਼ਣਾ ਕੀਤੀ ਸੀ ਕਿ ਲਿਬਰਲ ਸਰਕਾਰ ਨੇ ਅਸਾਲਟ ਸਟਾਇਲ ਦੇ ਹਥਿਆਰਾਂ ਦੇ 1500 ਮਾਡਲਾਂ 'ਤੇ ਪਾਬੰਦੀ ਲਗਾ ਰਹੀ ਹੈ ਜੋ ਸਮਾਜ ਲਈ ਬਹੁਤ ਖ਼ਤਰਨਾਕ ਹਨ।
ਜਸਟਿਸ ਕੈਥਰੀਨ ਕੇਨ ਨੇ ਅੱਜ ਜਾਰੀ ਕੀਤੇ ਇੱਕ ਫੈਸਲੇ ਵਿੱਚ ਕਿਹਾ ਕਿ ਬਿਨੈਕਾਰਾਂ ਨੇ ਬੰਦੂਕਾਂ ਅਤੇ ਜਨਤਕ ਸੁਰੱਖਿਆ ਦੇ ਮਾਮਲੇ ਦੇ ਆਲੇ-ਦੁਆਲੇ ਮੁੱਦੇ ਉਠਾਏ ਪਰ ਅਦਾਲਤ ਨੇ ਸਿਰਫ ਇਸ ਸਵਾਲ ਦੀ ਪੜਚੋਲ ਕੀਤੀ ਕਿ ਕੀ ਟਰੂਡੋ ਦੀ ਕੈਬਨਿਟ ਨੇ ਨਿਯਮਾਂ ਨੂੰ ਪਾਸ ਕਰਨ ਵਿੱਚ ਆਪਣੀਆਂ ਬਾਹਰੀ ਸ਼ਕਤੀਆਂ ਦੀ ਵਰਤੋਂ ਕੀਤੀ ਹੈ ਜਾਂ ਨਹੀਂ।
ਆਪਣੇ ਫੈਸਲੇ ਵਿੱਚ ਕੇਨ ਦਾ ਕਹਿਣਾ ਹੈ ਕਿ ਟਰੂਡੋ ਅਤੇ ਉਸਦੀ ਕੈਬਨਿਟ ਨੇ ਨਿਯਮਾਂ ਤੋਂ ਬਾਹਰ ਜਾ ਕੇ ਕੋਈ ਕੰਮ ਨਹੀਂ ਕੀਤਾ।
ਜ਼ਿਕਰਯੋਗ ਹੈ ਕਿ ਫੈਡਰਲ ਲਿਬਰਲ ਸਰਕਾਰ ਦਾ ਕਹਿਣਾ ਹੈ ਕਿ ਉਹ 2020 ਵਿੱਚ ਨੋਵਾ ਸਕੋਸ਼ੀਆ ਗੋਲੀਬਾਰੀ ਦੇ ਘਾਤਕ ਹਮਲੇ ਦੇ ਮੱਦੇਨਜ਼ਰ ਪਾਬੰਦੀਸ਼ੁਦਾ ਬੰਦੂਕਾਂ 'ਤੇ ਐਮਨੈਸਟੀ ਆਰਡਰ ਨੂੰ ਦੋ ਸਾਲਾਂ ਲਈ ਵਧਾਏਗੀ।
ਪਬਲਿਕ ਸੇਫਟੀ ਕੈਨੇਡਾ ਨੇ ਆਪਣੀ ਵੈੱਬਸਾਈਟ 'ਤੇ ਕਿਹਾ ਅਸਾਲਟ ਸਟਾਇਲ ਹਥਿਆਰਾਂ 'ਤੇ ਅਕਤੂਬਰ 2025 ਤੱਕ ਐਮਨੈਸਟੀ ਵਧਾਈ ਗਈ ਹੈ।
