7.59C Vancouver 7.59C VancouverJul 15, 2025 5:04 PM - The Canadian Press
ਬੀ.ਸੀ. ਦੇ ਸੁਰਖੀਆਂ ਵਿਚ ਚੱਲ ਰਹੇ ਸ਼ੁਤਰਮੁਰਗ ਫਾਰਮ ਨੇ ਆਪਣੇ 400 ਦੇ ਕਰੀਬ ਸ਼ੁਤਰਮੁਰਗਾਂ ਨੂੰ ਬਚਾਉਣ ਲਈ ਔਟਵਾ ਵਿਚ ਫੈਡਰਲ ਕੋਰਟ ਆਫ਼ ਅਪੀਲ ਦਾ ਦਰਵਾਜ਼ਾ ਖੜਕਾਇਆ ਹੈ।
ਯੂਨੀਵਰਸਲ ਸ਼ੁਤਰਮੁਰਗ ਫਾਰਮ-ਕੈਨੇਡੀਅਨ ਫੂਡ ਇੰਸਪੈਕਸ਼ਨ ਏਜੰਸੀ ਦੇ ਆਦੇਸ਼ ਖਿਲਾਫ ਕਈ ਕਾਨੂੰਨੀ ਲੜਾਈ ਲੜ ਚੁੱਕਾ ਹੈ। ਐਡਜਵੁੱਡ ਸਥਿਤ ਇਸ ਫਾਰਮ ਨੂੰ ਪਿਛਲੇ ਸਾਲ ਦਸੰਬਰ ਵਿਚ ਇੱਥੇ ਏਵੀਅਨ ਫਲੂ ਦੇ ਕੇਸ ਮਿਲਣ ਮਗਰੋਂ 400 ਤੋਂ ਵੱਧ ਸ਼ੁਤਰਮੁਰਗਾਂ ਨੂੰ 1 ਫਰਵਰੀ ਤੱਕ ਮਾਰਨ ਦਾ ਆਦੇਸ਼ ਦਿੱਤਾ ਗਿਆ ਸੀ।
ਸੀ.ਐੱਫ.ਆਈ.ਏ. ਨੇ ਤਰਕ ਦਿੱਤਾ ਸੀ ਕਿ ਇਨ੍ਹਾਂ ਨਾਲ ਵਾਇਰਸ ਫੈਲਣ ਦਾ ਖ਼ਤਰਾ ਹੈ, ਜਿਸ ਨਾਲ ਕੈਨੇਡਾ ਦੀ ਫੂਡ ਸਕਿਓਰਟੀ ਪ੍ਰਭਾਵਿਤ ਹੋ ਸਕਦੀ ਹੈ। ਫਾਰਮ ਨੇ ਦਲੀਲ ਦਿੱਤੀ ਹੈ ਕਿ ਕਈ ਮਹੀਨਿਆਂ ਤੋਂ ਉਸ ਦੇ ਫਾਰਮ ਵਿਚ ਕੋਈ ਮਾਮਲਾ ਸਾਹਮਣੇ ਨਹੀਂ ਆਇਆ ਹੈ ਅਤੇ ਸ਼ਤਰਮੁਰਗਾਂ ਦੀ ਅੱਗੇ ਦੇ ਸੰਕਰਮਣ ਨਾਲ ਲੜਨ ਦੀ ਸਮਰਥਾ ਦੀ ਟੈਸਟਿੰਗ ਕੀਤੀ ਜਾਣੀ ਚਾਹੀਦੀ ਹੈ। ਪਿਛਲੀ ਵਾਰ ਕੋਰਟ ਨੇ ਹੋਰ ਟੈਸਟਿੰਗ ਦੀ ਇਜਾਜ਼ਤ ਦੇਣ ਤੋਂ ਇਨਕਾਰ ਕਰ ਦਿੱਤਾ ਸੀ।
