13.98C Vancouver 13.98C VancouverJun 14, 2022 6:21 PM - The Canadian Press
ਕੈਨੇਡਾ ਦੇ ਲੱਖਾਂ ਅਨਵੈਕਸਿਨੇਟਿਡ ਲੋਕਾਂ ਲਈ ਜਲਦੀ ਹੀ ਵਧੇਰੇ ਟਰੈਵਲ ਆਪਸ਼ਨਸ ਉਪਲਬਧ ਹੋਣਗੀਆਂ।
ਅੱਜ ਫੈਡਰਲ ਸਰਕਾਰ ਨੇ ਯਾਤਰਾ ਸੰਬੰਧੀ ਕੋਵਿਡ-19 ਵੈਕਸੀਨ ਮੈਂਡੇਟਸ ਨੂੰ ਹਟਾਉਣ ਸੰਬੰਧੀ ਐਲਾਨ ਕੀਤਾ ਹੈ।
20 ਜੂਨ ਤੋਂ ਯਾਤਰਾ ਸੰਬੰਧੀ ਵੈਕਸੀਨ ਮੈਂਡੇਟ ਰੱਦ ਕੀਤੇ ਜਾ ਰਹੇ ਹਨ।
ਹਵਾਈ ਜਹਾਜਾਂ ਅਤੇ ਟਰੇਨਸ 'ਤੇ ਡੋਮੈਸਟਿਕ ਯਾਤਰਾ ਸੰਬੰਧੀ ਵੈਕਸੀਨ ਮੈਂਡੇਟ ਹਟਾਉਣ ਦਾ ਐਲਾਨ ਕੀਤਾ ਗਿਆ ਹੈ।
ਇਸ ਤੋਂ ਇਲਾਵਾ ਆਊਟਬਾਊਂਡ ਅੰਤਰਰਾਸ਼ਟਰੀ ਫਲਾਈਟਸ 'ਤੇ ਵੀ ਵੈਕਸੀਨ ਮੈਂਡੇਟਸ ਨੂੰ ਹਟਾਇਆ ਜਾ ਰਿਹਾ ਹੈ।
ਹਾਲਾਂਕਿ ਯਾਤਰੀਆਂ ਲਈ ਜਰੂਰੀ ਹੋਵੇਗਾ ਕਿ ਅੰਤਰਰਾਸ਼ਟਰੀ ਯਾਤਰਾ ਤੋਂ ਪਹਿਲਾਂ ਪੁਖਤਾ ਕਰ ਲਿਆ ਜਾਵੇ ਕਿ ਜਿਹੜੇ ਦੇਸ਼ ਦੀ ਯਾਤਰਾ ਕੀਤੀ ਜਾ ਰਹੀ ਹੈ ਉਨ੍ਹਾਂ ਦੀ ਵੈਕਸੀਨ ਨੀਤੀ ਕਿਸ ਪ੍ਰਕਾਰ ਦੀ ਹੈ।
ਇਸ ਦੇ ਨਾਲ ਹੀ ਫੈਡਰਲ ਪੱਧਰ 'ਤੇ ਰੈਗੂਲੇਟਿਡ ਟਰਾਂਸਪੋਰਟੇਸ਼ਨ ਸੈਕਟਰ 'ਚ ਐਂਪਲਾਇਰਸ ਨੂੰ ਵੀ ਆਪਣੇ ਕਰਮਚਾਰੀਆਂ ਦੇ ਵੈਕਸੀਨੇਸ਼ਨ ਸਟੈਟਸ ਵੇਖਣ ਦੀ ਲੋੜ ਨਹੀਂ ਹੋਵੇਗੀ।
ਕਰੂਜ਼ ਸ਼ਿਪਸ 'ਤੇ ਵੈਕਸੀਨੇਸ਼ਨ ਸੰਬੰਧੀ ਪਬੰਧੀਆਂ ਜਾਰੀ ਰਹਿਣਗੀਆਂ।
ਹਵਾਈ ਯਾਤਰਾ ਆਸਰੇ ਕੈਨੇਡਾ ਦਾਖਿਲ ਹੁੰਦੇ ਯਾਤਰੀਆਂ ਲਈ ਵੈਕਸੀਨ ਸੰਬੰਧੀ ਨੀਤੀਆਂ 'ਚ ਬਦਲਾਅ ਨਹੀਂ ਕੀਤਾ ਜਾ ਰਿਹਾ।
ਇਸ ਤੋਂ ਇਲਾਵਾ ਹਵਾਈ ਜਹਾਜਾਂ ਅਤੇ ਰੇਲਾਂ 'ਤੇ ਮਾਸਕ ਪਹਿਨਣ ਸੰਬੰਧੀ ਮੈਂਡੇਟ ਜਾਰੀ ਰਹਿਣਗੇ।
ਇੰਟਰਗਵਰਨਮੈਂਟਲ ਅਫੇਅਰਸ ਮੰਤਰੀ, ਡੌਮਿਨਿਕ ਲੈਬਲਾਂਕ ਨੇ ਦੱਸਿਆ ਕਿ ਵੈਕਸੀਨ ਮੈਂਡੇਟਸ ਨੂੰ ਹਟਾਉਣ ਦਾ ਫੈਸਲਾ ਇਸ 'ਤੇ ਨਿਰਧਾਰਿਤ ਨਹੀਂ ਹੈ ਕਿ ਹਵਾਈ ਅੱਡਿਆਂ 'ਤੇ ਹੋ ਰਹੀ ਦੇਰੀ ਨੂੰ ਰੋਕਿਆ ਜਾ ਸਕੇ।
ਉਨ੍ਹਾਂ ਕਿਹਾ ਕਿ ਇਹ ਫੈਸਲਾ ਸਾਇੰਸ ਦੇ ਆਧਾਰ 'ਤੇ ਲਿਆ ਜਾ ਰਿਹਾ ਹੈ।
ਟਰਾਂਸਪੋਰਟ ਮੰਤਰੀ ਉਮਰ ਅਲਘਾਬਰਾ ਨੇ ਕਿਹਾ ਕਿ ਸਪਸ਼ਟ ਹੈ ਕਿ ਕੋਵਿਡ-19 ਸੰਬੰਧੀ ਸਥਿਤੀ ਬਦਲ ਰਹੀ ਹੈ।
ਉਨ੍ਹਾਂ ਕਿਹਾ ਕਿ ਵੈਕਸੀਨ ਮੈਂਡੇਟ ਸੰਬੰਧੀ ਸਸਪੈਂਸ਼ਨ ਦੇਸ਼ 'ਚ ਵੈਕਸੀਨ ਦੇ ਬੇਹੱਦ ਚੰਗੇ ਪੱਧਰ ਕਾਰਨ ਹੀ ਮੁਮਕਿਨ ਹੋ ਸਕੀ ਹੈ।
ਯਾਦ ਰਹੇ ਇਹ ਮੈਂਡੇਟਸ ਬੀਤੇ ਸਾਲ 30 ਅਕਤੂਬਰ ਤੋਂ ਲਾਗੂ ਹੋ ਗਏ ਸਨ।
