16.45C Vancouver 16.45C VancouverApr 24, 2026 4:16 PM - Connect Newsroom - Ramandeep Kaur with files from The Canadian Press
ਕੈਨੇਡਾ ਦੀ ਫੈਡਰਲ ਸਰਕਾਰ ਨੇ ਵਿੱਤੀ ਸਾਲ 2025-26 ਦੇ ਪਹਿਲੇ 11 ਮਹੀਨਿਆਂ ਯਾਨੀ ਅਪ੍ਰੈਲ ਤੋਂ ਫਰਵਰੀ ਦੌਰਾਨ $25.5 ਬਿਲੀਅਨ ਦਾ ਘਾਟਾ ਦਰਜ ਕੀਤਾ ਹੈ। ਵਿੱਤੀ ਵਿਭਾਗ ਵੱਲੋਂ ਜਾਰੀ ਤਾਜ਼ਾ ਅੰਕੜਿਆਂ ਮੁਤਾਬਕ, ਇਹ ਘਾਟਾ ਪਿਛਲੇ ਸਾਲ ਦੇ ਇਸੇ ਸਮੇਂ ਦੌਰਾਨ ਰਹੇ $19.3ਬਿਲੀਅਨ ਦੇ ਮੁਕਾਬਲੇ ਕਾਫੀ ਜ਼ਿਆਦਾ ਹੈ।
ਰਿਪੋਰਟ ਮੁਤਾਬਕ, ਭਾਵੇਂ ਸਰਕਾਰ ਦੀ ਕੁੱਲ ਆਮਦਨ 0.8 ਫੀਸਦੀ ਵਾਧੇ ਨਾਲ $453 ਬਿਲੀਅਨ ਰਹੀ ਪਰ ਖਰਚਿਆਂ ਵਿਚ ਹੋਇਆ ਵਾਧਾ ਇਸ ਤੋਂ ਕਿਤੇ ਵੱਧ ਸੀ। ਹਾਲਾਂਕਿ, ਮੌਜੂਦਾ ਘਾਟਾ $25.5 ਬਿਲੀਅਨ ਹੈ ਪਰ ਸਰਕਾਰ ਨੇ ਪੂਰੇ ਸਾਲ ਲਈ $78.3 ਬਿਲੀਅਨ ਦੇ ਘਾਟੇ ਦੀ ਭਵਿੱਖਬਾਣੀ ਕੀਤੀ ਹੋਈ ਹੈ।
ਮਾਹਰਾਂ ਦਾ ਮੰਨਣਾ ਹੈ ਕਿ ਮਾਰਚ ਮਹੀਨੇ ਵਿਚ ਹੋਣ ਵਾਲੀਆਂ ਫਿਸਕਲ ਤਬਦੀਲੀਆਂ ਕਾਰਨ ਅੰਤਿਮ ਅੰਕੜਾ ਬਦਲ ਸਕਦਾ ਹੈ। ਗੌਰਤਲਬ ਹੈ ਕਿ ਖਰਚਿਆਂ ਨੂੰ ਬੈਲੰਸ ਕਰਨ ਲਈ ਸਰਕਾਰ ਨੇ ਅਗਲੇ ਪੰਜ ਸਾਲਾਂ ਵਿਚ $60 ਬਿਲੀਅਨ ਦੀ ਬਚਤ ਕਰਨ ਦਾ ਟੀਚਾ ਰੱਖਿਆ ਹੈ, ਜਿਸ ਵਿਚ ਸਿਵਲ ਸਰਵਿਸਿਜ਼ ਵਿਚੋਂ 40,000 ਨੌਕਰੀਆਂ ਘਟਾਉਣਾ ਵੀ ਸ਼ਾਮਲ ਹੈ।
