9.6C Vancouver 9.6C VancouverJun 17, 2020 3:37 PM -
ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ਨੇ ਆਪਣੇ ਰੋਜ਼ਾਨਾ ਸੰਬੋਧਨ ਦੌਰਾਨ ਅੱਜ ਇਹ ਵਾਅਦਾ ਕੀਤਾ ਕਿ ਫੈਡਰਲ ਸਰਕਾਰ ਵੱਲੋਂ 8 ਜੁਲਾਈ ਨੂੰ ਵਿੱਤੀ ਅਤੇ ਆਰਥਕ ਅਪਡੇਟ ਹਾਊਸ ਆਫ ਕਾਮਨਜ਼ ਵਿੱਚ ਸਾਂਝੀ ਕੀਤੀ ਜਾਵੇਗੀ।
ਲਿਬਰਲ ਸਰਕਾਰ ਵੱਲੋਂ 2020 ਦਾ ਪੂਰਾ ਬਜਟ ਮਾਰਚ ਵਿੱਚ ਪੇਸ਼ ਕੀਤਾ ਜਾਣਾ ਸੀ ਪਰ ਇਸ ਨੂੰ ਕੋਵਿਡ-19 ਮਹਾਂਮਾਰੀ ਕਾਰਨ ਅਣਮਿੱਥੇ ਸਮੇਂ ਲਈ ਮੁਲਤਵੀ ਕਰ ਦਿੱਤਾ ਗਿਆ ਸੀ।
ਟਰੂਡੋ ਮੁਤਾਬਕ ਮਹਾਂਮਾਰੀ ਦੀ ਅਨਿਸ਼ਚਿਤਤਾ ਸਾਰਥਕ ਭਵਿੱਖਬਾਣੀ ਨੂੰ ਅਸੰਭਵ ਬਣਾ ਦਿੰਦੀ ਹੈ।
ਕੰਮ ਦੀਆਂ ਥਾਵਾਂ ਬੰਦ ਹੋ ਜਾਣ ਕਾਰਨ ਕਈ ਮਿਲੀਅਨ ਕਾਮਿਆਂ ਦੀ ਕਮਾਈ ਬੰਦ ਹੋ ਗਈ ਅਤੇ ਉਨ੍ਹਾਂ ਨੇ ਸਰਕਾਰ ਵੱਲੋਂ ਮੁਹੱਈਆ ਕਰਵਾਏ ਜਾ ਰਹੇ ਵਿੱਤੀ ਸਹਿਯੋਗ ਦਾ ਸਹਾਰਾ ਲਿਆ ਜਿਸ ਕਾਰਨ ਆਮਦਨੀ ਘੱਟ ਗਈ ਪਰ ਖਰਚੇ ਵੱਧ ਗਏ।
ਟਰੂਡੋ ਅਨੁਸਾਰ ਇਸ ਸਥਿਤੀ ਨੇ ਸਾਡੀ ਜ਼ਿੰਦਗੀ ਦੇ ਸਮੇਂ ਵਿੱਚ ਸਭ ਤੋਂ ਵੱਡੇ ਸਰਕਾਰੀ ਪ੍ਰਤੀਕਰਮ ਦੀ ਮੰਗ ਕੀਤੀ ਹੈ।
ਜਿਸ ਕਾਰਨ ਫੈਡਰਲ ਸਰਕਾਰ ਨੂੰ $250 ਬਿਲੀਅਨ ਜਾਂ ਵੱਧ ਦਾ ਘਾਟਾ ਸਹਿਣਾ ਪਿਆ ਹੈ।
