21.21C Vancouver 21.21C VancouverApr 22, 2021 5:30 PM -
ਕੰਜ਼ਰਵੇਟਿਵ ਲੀਡਰ, ਐਰਿਨ ਓ'ਟੂਲ ਨੇ ਫੈਡਰਲ ਸਰਕਾਰ ਤੋਂ ਮੰਗ ਕੀਤੀ ਹੈ ਕਿ ਭਾਰਤ ਅਤੇ ਬ੍ਰਾਜ਼ੀਲ ਜਿਹੇ ਦੇਸ਼ਾਂ ਤੋਂ ਆਉਂਦੀਆਂ ਫਲਾਈਟਸ 'ਤੇ ਤੁਰੰਤ ਰੋਕ ਲਗਾਈ ਜਾਵੇ।
ਉਨ੍ਹਾਂ ਕਿਹਾ ਕਿ ਦੋਵੇਂ ਦੇਸ਼ ਕੋਵਿਡ-19 ਦੇ ਹੌਟ-ਸਪੌਟ ਬਣੇ ਹੋਏ ਹਨ। ਉਨ੍ਹਾਂ ਕਿਹਾ ਕਿ ਅਜਿਹਾ ਕਰਨ ਦੇ ਨਾਲ ਸਰਕਾਰ ਨੂੰ ਵਧੇਰੇ ਸਮਾਂ ਮਿਲ ਸਕੇਗਾ ਕਿ ਬਿਹਤਰ ਪਲੈਨਿੰਗ ਕੀਤੀ ਜਾ ਸਕੇ ਅਤੇ ਵਾਇਰਸ ਵੇਰੀਐਂਟਸ ਨੂੰ ਦੇਸ਼ 'ਚ ਦਾਖਿਲ ਹੋਣ ਤੋਂ ਰੋਕਿਆ ਜਾ ਸਕੇ।
ਓ'ਟੂਲ ਨੇ ਅਜਿਹੇ ਕੋਈ ਵੇਰਵੇ ਸਾਂਝੇ ਨਹੀਂ ਕੀਤੇ ਕਿ ਬਾਰਡਰ 'ਤੇ ਸੁਰੱਖਿਆ ਨੂੰ ਕਿਵੇਂ ਵਧਾਇਆ ਜਾਵੇ ਅਤੇ ਫਲਾਈਟਸ ਨੂੰ ਰੋਕਣ ਤੋਂ ਇਲਾਵਾ ਹੋਰ ਕਿਹੜੇ ਤਰੀਕਿਆਂ ਨਾਲ ਵਾਇਰਸ ਵੇਰੀਐਂਟਸ ਦੇ ਦਾਖਲੇ 'ਤੇ ਕਾਬੂ ਪਾਇਆ ਜਾਵੇ।
ਬਲੌਕ ਕਿਊਬੈਕੁਆ ਲੀਡਰ, ਈਵ ਫ੍ਰਾਂਸੂਆ ਬਲਾਨਸ਼ੇ ਨੇ ਕਿਹਾ ਹੈ ਕਿ ਉਹ ਵੀ ਕੰਜ਼ਰਵੇਟਿਵਸ ਦੀ ਮੰਗ ਦੇ ਹੱਕ ਵਿੱਚ ਹਨ।
ਉਨ੍ਹਾਂ ਕਿਹਾ ਕਿ ਕੋਵਿਡ-19 ਦੇ ਵੱਡੇ ਆਊਟਬ੍ਰੇਕ ਦਾ ਸਾਹਮਣਾ ਕਰ ਰਹੇ ਭਾਰਤ ਅਤੇ ਬ੍ਰਾਜ਼ੀਲ ਜਿਹੇ ਦੇਸ਼ਾਂ ਤੋਂ ਆਉਂਦੀਆਂ ਫਲਾਈਟਸ ਨੂੰ ਰੋਕਣਾ ਜ਼ਰੂਰੀ ਹੈ।
ਬਲਾਨਸ਼ੇ ਨੇ ਕਿਹਾ ਕਿ ਅਜਿਹਾ ਤੁਰੰਤ ਅਤੇ ਸਖਤੀ ਨਾਲ ਕਰਨ ਦੀ ਲੋੜ ਹੈ।
ਹਾਲਾਂਕਿ ਉਨ੍ਹਾਂ ਕਿਹਾ ਕਿ ਜ਼ਰੂਰੀ ਸੇਵਾਵਾਂ ਨਾਲ ਸੰਬੰਧਤ ਕੋਈ ਨਿਵੇਕਲੇ ਮਾਮਲਿਆਂ 'ਚ ਇਜਾਜ਼ਤ ਦੇਣੀ ਹੋਵੇ ਤਾਂ ਅਜਿਹੇ ਫੈਸਲੇ ਵੀ ਲਏ ਜਾ ਸਕਦੇ ਹਨ।
ਹੈਲਥ ਕੈਨੇਡਾ ਦਾ ਕਹਿਣਾ ਹੈ ਕਿ ਕਰੀਬ 1% ਆਉਂਦੀਆਂ ਸਵਾਰੀਆਂ ਕੋਵਿਡ-19 ਤੋਂ ਪੀੜਤ ਪਾਈਆਂ ਜਾ ਰਹੀਆਂ ਹਨ।
