13.6C Vancouver 13.6C VancouverJul 12, 2022 11:20 PM - The Canadian Press
ਬੀ.ਸੀ. 'ਚ 2 ਦਿਨ ਤਕ ਜਾਰੀ ਰਹੀ ਦੇਸ਼ ਭਰ ਦੇ ਸੂਬਿਆਂ ਅਤੇ ਟੈਰੀਟੋਰੀਸ ਦੇ ਪ੍ਰੀਮਿਅਰਸ ਦੀ ਬੈਠਕ ਅੱਜ ਸੰਪੰਨ ਹੋ ਗਈ ਹੈ।
ਬੈਠਕ ਦੇ ਸਮਾਪਨ ਤੋਂ ਬਾਅਦ ਪ੍ਰੀਮਿਅਰਸ ਨੇ ਸਾਂਝੇ ਤੌਰ 'ਤੇ ਪ੍ਰੈਸ ਕਾਨਫਰੰਸ ਕੀਤੀ।
ਵਿਕਟੋਰੀਆ 'ਚ 2 ਦਿਨਾਂ ਤਕ ਜਾਰੀ ਰਹੇ ਬੈਠਕਾਂ ਦੇ ਦੌਰ ਤੋਂ ਬਾਅਦ ਪ੍ਰੀਮਿਅਰਸ ਨੇ ਜੋਰ ਦਿੱਤਾ ਕਿ ਫੈਡਰਲ ਸਰਕਾਰ ਨੂੰ ਹੈਲਥ ਕੇਅਰ ਫੰਡਿੰਗ ਦੇ ਮਾਮਲੇ 'ਚ ਕਾਉਂਸਿਲ ਆਫ ਫੈਡਰੇਸ਼ਨ ਦੀ ਮੰਗ ਪ੍ਰਤੀ ਸਕਾਰਾਤਮਕ ਰਵਈਆ ਅਖਤਿਆਰ ਕਰਨਾ ਚਾਹੀਦਾ ਹੈ।
ਪ੍ਰੀਮਿਅਰਸ ਨੇ ਇਹ ਵੀ ਕਿਹਾ ਕਿ ਸੂਬਾ ਸਰਕਾਰਾਂ ਫੈਡਰਲ ਸਰਕਾਰ ਦੇ $2 ਬਿਲੀਅਨ ਦੀ ਵੀ ਉਡੀਕ ਕਰ ਰਹੀਆਂ ਹਨ ਜੋ ਪ੍ਰਦਾਨ ਕਰਨ ਦਾ ਵਾਅਦਾ ਕੀਤਾ ਗਿਆ ਸੀ ਅਤੇ ਜਿਸ ਨਾਲ ਸਰਜੀਕਲ ਅਤੇ ਡਾਇਗਨੌਸਟਿਕ ਬੈਕਲੌਗਸ ਨਾਲ ਨਜਿੱਠਿਆ ਜਾਣਾ ਸੀ।
ਇਸ ਸੰਬੰਧੀ ਐਲਾਨ 25 ਮਾਰਚ ਨੂੰ ਸਿਹਤ ਮੰਤਰੀ ਜੌਨ ਈਵ ਡੁਕਲੋਸ ਨੇ ਕੀਤਾ ਸੀ।
ਬੀ.ਸੀ. ਦੇ ਪ੍ਰੀਮਿਅਰ ਜੌਨ ਹੌਰਗਨ ਨੇ ਕਿਹਾ ਕਿ ਉਹ ਫੈਡਰਲ ਸਰਕਾਰ ਨਾਲ ਬੈਠਣਾ ਚਾਹੁੰਦੇ ਹਨ ਅਤੇ ਕੈਨੇਡਾ ਦੇ ਚੂਰ-ਚੂਰ ਹੁੰਦੇ ਹੈਲਥ ਕੇਅਰ ਸਿਸਟਮ ਨੂੰ ਬਚਾਉਣਾ ਚਾਹੁੰਦੇ ਹਨ।
ਉਨ੍ਹਾਂ ਕਿਹਾ ਕਿ ਸਾਰੇ ਸੂਬੇ ਇੱਕ-ਦੂਜੇ ਦੇ ਨਾਲ ਬੈਠ ਕੈਨੇਡਾ ਵਾਸੀਆਂ ਲਈ ਪੇਸ਼ ਆਉਂਦੀਆਂ ਪ੍ਰੇਸ਼ਾਨੀਆਂ ਦਾ ਹੱਲ ਕੱਢ ਸਕਦੇ ਹਨ ਅਤੇ ਅਜਿਹਾ ਕਿਸੇ ਸੂਬਾ ਸਰਕਾਰ ਜਾਂ ਫੈਡਰਲ ਸਰਕਾਰ ਲਈ ਨਹੀਂ ਬਲਕਿ ਕਨੇਡੀਅਨਸ ਲਈ ਕੀਤਾ ਜਾਵੇਗਾ।
