ਫੈਡਰਲ ਸਰਕਾਰ ਵਲੋਂ ਜੈਸਪਰ ਦੇ ਕਾਰੋਬਾਰੀ ਮਾਲਕਾਂ ਨੂੰ ਦਿੱਤੀ ਜਾਵੇਗੀ ਫੰਡਿੰਗ

ਫੈਡਰਲ ਸਰਕਾਰ ਵਲੋਂ ਜੈਸਪਰ ਦੇ ਕਾਰੋਬਾਰੀ ਮਾਲਕਾਂ ਨੂੰ ਮੁੜ ਆਪਣਾ ਬਿਜ਼ਨਸ ਖੜ੍ਹਾ ਕਰਨ ਲਈ ਵਿੱਤੀ ਮਦਦ ਦਿੱਤੀ ਜਾ ਰਹੀ ਹੈ। ਸਰਕਾਰ ਦਾ ਕਹਿਣਾ ਹੈ ਕਿ ਉਹ $4 ਮਿਲੀਅਨ ਦੀ ਗ੍ਰਾਂਟ ਭੇਜਣਗੇ, ਜਿਸ ਨਾਲ ਲੋਕਲ ਆਰਥਿਕਤਾ ਮਜ਼ਬੂਤ ਹੋਵੇਗੀ ਅਤੇ ਸੈਲਾਨੀਆਂ ਨੂੰ ਮੁੜ ਲਿਆਂਦਾ ਜਾ ਸਕੇਗਾ। ਫੈਡਰਲ ਰੁਜ਼ਗਾਰ ਮੰਤਰੀ ਰੈਂਡੀ ਬੋਇਸਨੌਲਟ ਨੇ ਕਿਹਾ ਕਿ $3.5 ਮਿਲੀਅਨ ਦੀ ਗ੍ਰਾਂਟ ਛੋਟੇ ਕਾਰੋਬਾਰੀ ਮਾਲਕਾਂ ਲਈ ਪ੍ਰਦਾਨ ਕੀਤੀ ਜਾ ਰਹੀ ਹੈ।

ਇਹ ਪੈਸਾ ਜੈਸਪਰ ਟਾਊਨ ਜਾਂ ਜੈਸਪਰ ਨੈਸ਼ਨਲ ਪਾਰਕ ਵਿਚ ਲਾਈਸੈਂਸ ਪ੍ਰਾਪਤ 50 ਜਾਂ ਇਸ ਤੋਂ ਘੱਟ ਕਰਮਚਾਰੀਆਂ ਵਾਲੇ ਬਿਜ਼ਨਸ ਨੂੰ ਦਿੱਤਾ ਜਾਂਦਾ ਹੈ ਅਤੇ ਵਾਪਸ ਨਹੀਂ ਕਰਨਾ ਪੈਂਦਾ। ਜੈਸਪਰ ਦੇ ਟੂਰਿਸਟਸ ਨੂੰ ਵਾਪਸ ਬੁਲਾਉਣ ਲਈ ਅੱਧਾ ਮਿਲੀਅਨ ਡੌਲਰਜ਼ ਖਰਚੇ ਜਾਣਗੇ।

ਗੌਰਤਲਬ ਹੈ ਕਿ ਜੁਲਾਈ ਮਹੀਨੇ ਜੰਗਲੀ ਇਲਾਕੇ ਵਿਚ ਲੱਗੀ ਅੱਗ ਕਾਰਨ ਜੈਸਪਰ ਦੇ ਸਾਰੇ ਨਿਵਾਸੀਆਂ ਅਤੇ ਟੂਰਿਸਟਸ ਨੂੰ ਬਾਹਰ ਕੱਢਿਆ ਗਿਆ ਸੀ। ਅੱਗ ਕਾਰਨ ਜੈਸਪਰ ਟਾਊਨ ਦੀਆਂ ਇਕ-ਤਿਹਾਈ ਇਮਾਰਤਾਂ ਤਬਾਹ ਹੋ ਗਈਆਂ ਸਨ।