11.73C Vancouver 11.73C VancouverNov 8, 2022 1:19 AM - The Canadian Press
ਫੈਡਰਲ ਸਿਹਤ ਮੰਤਰੀ ਜੌਨ ਈਵ ਡੁਕਲੋ ਦਾ ਕਹਿਣਾ ਹੈ ਕਿ ਹੈਲਥ ਕੇਅਰ ਦੇ ਵਿੱਚ ਫੈਡਰਲ ਸਰਕਾਰ ਵੱਲੋਂ ਵਧੇਰੇ ਪੈਸਾ ਨਿਵੇਸ਼ ਕੀਤਾ ਜਾਵੇਗਾ।
ਹਾਲਾਂਕਿ ਉਨ੍ਹਾਂ ਕਿਹਾ ਕਿ ਵਧੇਰੇ ਪੈਸਾ ਉਸ ਵੇਲੇ ਪ੍ਰਦਾਨ ਕੀਤਾ ਜਾ ਸਕਦਾ ਹੈ, ਜਦ ਸੂਬੇ ਅਤੇ ਟੈਰੀਟੋਰੀਸ ਹੈਲਥ ਇਨਫਰਮੇਸ਼ਨ ਸੰਬੰਧੀ ਨੈਸ਼ਨਲ ਡਾਟਾਬੇਸ 'ਚ ਜਾਣਕਾਰੀ ਪ੍ਰਦਾਨ ਕਰਨ।
ਯਾਦ ਰਹੇ ਸਿਹਤ ਮੰਤਰੀ ਦਾ ਇਹ ਬਿਆਨ ਉਸ ਵੇਲੇ ਆਇਆ ਹੈ ਜਦ ਦੇਸ਼ ਦੇ ਸੂਬਿਆਂ ਅਤੇ ਟੈਰੀਟੋਰੀਸ ਦੇ ਸਿਹਤ ਮੰਤਰੀ ਵੈਨਕੂਵਰ 'ਚ ਬੈਠਕ ਲਈ ਇਕੱਤਰ ਹੋਏ ਹਨ।
ਮੰਗਲਵਾਰ ਨੂੰ ਫੈਡਰਲ ਸਿਹਤ ਮੰਤਰੀ ਦੀ ਆਪਣੇ ਸੂਬਿਆਂ ਦੇ ਹਮਰੁਤਬਾ ਮੰਤਰੀਆਂ ਨਾਲ ਬੈਠਕ ਹੋਣੀ ਹੈ।
ਬੀ.ਸੀ. ਦੇ ਸਿਹਤ ਮੰਤਰੀ ਐਡਰੀਅਨ ਡਿਕਸ ਨੇ ਕਿਹਾ ਕਿ ਚੰਗੀ ਗੱਲ ਹੈ ਕਿ ਫੈਡਰਲ ਸਰਕਾਰ ਨੇ ਵਧੇਰੇ ਫੰਡਿੰਗ ਸੰਬੰਧੀ ਨਰਮ ਰੁਖ ਅਖਤਿਆਰ ਕੀਤਾ ਹੈ।
ਉਨ੍ਹਾਂ ਕਿਹਾ ਕਿ ਮੰਗ ਸਪਸ਼ਟ ਹੈ ਕਿ ਫੈਡਰਲ ਸਰਕਾਰ ਹੈਲਥ ਟਰਾਂਸਫਰਸ ਵਿੱਚ ਵਾਧਾ ਕਰ ਇਸ ਨੂੰ 35% ਤਕ ਪਹੁੰਚਾਏ ਜੋ ਕਿ ਹਾਲ ਦੀ ਘੜੀ ਸਿਰਫ 22% ਹੈ।
