26.41C Vancouver 26.41C VancouverJul 2, 2021 7:22 PM -
ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ਦਾ ਕਹਿਣਾ ਹੈ ਕਿ ਬੀ.ਸੀ. 'ਚ ਲੋਕਾਂ ਨੂੰ ਹਰ ਪ੍ਰਕਾਰ ਦੀ ਮਦਦ ਪ੍ਰਦਾਨ ਕਰਨ ਲਈ ਫੈਡਰਲ ਸਰਕਾਰ ਪੂਰੀ ਤਰ੍ਹਾਂ ਤਿਆਰ ਹੈ।
ਇਹ ਗੱਲ ਉਸ ਵੇਲੇ ਆਖੀ ਗਈ ਹੈ ਜਦ ਸੂਬੇ 'ਚ ਵਾਈਲਡਫਾਇਰਸ ਦਾ ਖਤਰਾ ਦਸਤਕ ਦੇ ਰਿਹਾ ਹੈ ਅਤੇ ਇੱਕ ਪਿੰਡ ਅੱਗ ਕਾਰਨ ਤਬਾਹ ਹੋ ਗਿਆ ਹੈ।
ਬੀ.ਸੀ. 'ਚ ਹੀਟ ਵੇਵ ਨੇ ਵੀ ਲੋਕਾਂ ਦੀ ਪ੍ਰੇਸ਼ਾਨੀ ਵਧਾਈ ਹੈ।
ਟਰੂਡੋ ਨੇ ਕਿਹਾ ਕਿ ਅੱਜ ਸਾਡੇ ਜਹਿਨ ਵਿੱਚ ਉਹ ਸਾਰੇ ਲੋਕ ਹਨ ਜੋ ਇਸ ਵੇਲੇ ਦੁੱਖ ਵਿੱਚੋਂ ਲੰਘ ਰਹੇ ਹਨ।
ਉਨ੍ਹਾਂ ਕਿਹਾ ਕਿ ਇਸ ਤੋਂ ਵੀ ਇਨਕਾਰ ਨਹੀਂ ਕੀਤਾ ਜਾ ਸਕਦਾ ਕਿ 'ਐਕਸਟਰੀਮ ਵੈਦਰ ਸਥਿਤੀਆਂ' ਲਗਾਤਾਰ ਦਸਤਕ ਦੇਣ ਲੱਗੀਆਂ ਹਨ ਅਤੇ ਮੌਸਮ ਤਬਦੀਲੀ ਦੇ ਪ੍ਰਭਾਵ ਸਪਸ਼ਟ ਵਿਖਾਈ ਦੇਣ ਲੱਗੇ ਹਨ।
ਉਨ੍ਹਾਂ ਦੱਸਿਆ ਕਿ ਬੀ.ਸੀ. 'ਚ ਹਾਲਾਤਾਂ ਬਾਰੇ ਉਨ੍ਹਾਂ ਦੀ ਪ੍ਰੀਮਿਅਰ ਜੌਨ ਹੌਰਗਨ ਨਾਲ ਗੱਲ ਹੋਈ ਹੈ ਅਤੇ ਰੱਖਿਆ ਮੰਤਰੀ ਹਰਜੀਤ ਸੱਜਣ ਅਤੇ ਪਬਲਿਕ ਸੇਫਟੀ ਮੰਤਰੀ ਬਿਲ ਬਲੇਅਰ ਨੇ ਵੀ ਸੂਬੇ ਦੇ ਮੰਤਰੀਆਂ ਨਾਲ ਗੱਲ ਕੀਤੀ ਹੈ।
