7.3C Vancouver 7.3C VancouverFeb 6, 2026 5:47 PM - Connect Newsroom - Ramandeep Kaur with files from The Canadian Press
ਪ੍ਰਧਾਨ ਮੰਤਰੀ ਮਾਰਕ ਕਾਰਨੀ ਦੀ ਸਰਕਾਰ ਵਲੋਂ ਸੰਘੀ ਕਰਮਚਾਰੀਆਂ ਲਈ ਬੈਕ-ਟੂ-ਔਫਿਸ ਹੁਕਮ ਜਾਰੀ ਕਰ ਦਿੱਤੇ ਗਏ ਹਨ। ਸਰਕਾਰ ਦੇ ਨਿਰਦੇਸ਼ਾਂ ਅਨੁਸਾਰ, ਫੈਡਰਲ ਮੁਲਾਜ਼ਮਾਂ ਨੂੰ ਹਫ਼ਤੇ ਵਿਚ ਘੱਟੋ-ਘੱਟ 4 ਦਿਨ ਹੁਣ ਦਫ਼ਤਰੋਂ ਕੰਮ ਕਰਨਾ ਹੋਵੇਗਾ।
ਖਜ਼ਾਨਾ ਬੋਰਡ ਵੱਲੋਂ ਜਾਰੀ ਨੋਟਿਸ ਅਨੁਸਾਰ, ਬੈਕ-ਟੂ-ਔਫਿਸ ਨਿਯਮ ਪੜਾਅਵਾਰ ਲਾਗੂ ਕੀਤੇ ਜਾ ਰਹੇ ਹਨ, ਕਾਰਜਕਾਰੀ ਪੱਧਰ ਦੇ ਕਰਮਚਾਰੀਆਂ ਲਈ 4 ਮਈ ਤੋਂ ਹਫ਼ਤੇ ਦੇ ਸਾਰੀ ਕੰਮਕਾਜੀ ਦਿਨ ਯਾਨੀ 5 ਦਿਨ ਦਫ਼ਤਰ ਆਉਣਾ ਹੋਵੇਗਾ, ਜਦੋਂ ਕਿ ਬਾਕੀ ਸਾਰੇ ਕਰਮਚਾਰੀਆਂ ਨੂੰ 6 ਜੁਲਾਈ ਤੋਂ ਹਫ਼ਤੇ ਵਿਚ ਘੱਟੋ-ਘੱਟ 4 ਦਿਨ ਦਫ਼ਤਰ ਵਿਚ ਹਾਜ਼ਰੀ ਭਰਨੀ ਹੋਵੇਗੀ।
ਇਹ ਕਦਮ ਓਨਟਾਰੀਓ ਅਤੇ ਐਲਬਰਟਾ ਸਰਕਾਰ ਵਲੋਂ ਆਪਣੇ ਕਰਮਚਾਰੀਆਂ ਲਈ ਫੁਲ-ਟਾਈਮ ਔਫਿਸ ਵਿਚ ਆਉਣਾ ਲਾਜ਼ਮੀ ਕਰਨ ਤੋਂ ਬਾਅਦ ਆਇਆ ਹੈ। ਔਟਵਾ ਸਿਟੀ ਵਲੋਂ ਇਸੇ ਤਰ੍ਹਾਂ ਦੇ ਕਦਮ ਉਠਾਏ ਗਏ ਹਨ।
ਫੈਡਰਲ ਮੁਲਾਜ਼ਮਾਂ ਨੂੰ ਮੌਜੂਦਾ ਸਮੇਂ ਹਫ਼ਤੇ ਵਿਚ ਸਿਰਫ਼ ਤਿੰਨ ਦਿਨ ਦਫ਼ਤਰ ਆਉਣਾ ਪੈਂਦਾ ਹੈ, ਇਹ ਹਾਈਬ੍ਰਿਡ ਵਰਕ ਪਾਲਿਸੀ ਸਤੰਬਰ 2024 ਵਿਚ ਲਾਗੂ ਕੀਤਾ ਗਈ ਸੀ ਕਿਉਂਕਿ ਜ਼ਿਆਦਾਤਰ ਸਰਕਾਰੀ ਕਰਮਚਾਰੀ ਕੋਵਿਡ ਮਹਾਮਾਰੀ ਦੇ ਮੱਦੇਨਜ਼ਰ ਦੂਰੋਂ ਕੰਮ ਕਰ ਰਹੇ ਸਨ। ਯੂਨੀਅਨ ਨੇ ਸਰਕਾਰ ਦੇ ਨਵੇਂ ਕਦਮ ਦਾ ਵਿਰੋਧ ਕੀਤਾ ਹੈ, ਉਹਨਾਂ ਦਾ ਦੋਸ਼ ਹੈ ਕਿ ਉਨ੍ਹਾਂ ਨਾਲ ਸਹੀ ਢੰਗ ਨਾਲ ਸਲਾਹ ਨਹੀਂ ਕੀਤੀ ਗਈ।
