20.06C Vancouver 20.06C VancouverNov 1, 2023 6:12 PM - The Canadian Press
ਅੱਜ ਫੈਡਰਲ ਸਰਕਾਰ ਵੱਲੋਂ ਆਪਣੇ ਨਵੇਂ ਇਮੀਗ੍ਰੇਸ਼ਨ ਲੈਵਲ ਪਲੈਨਸ ਦਾ ਐਲਾਨ ਕੀਤਾ ਜਾਵੇਗਾ।
ਇਸ ਯੋਜਨਾ ਅਧੀਨ ਅਗਲੇ 3 ਸਾਲਾਂ ਦੌਰਾਨ ਕੈਨੇਡਾ ਕਿੰਨੇ ਪ੍ਰਵਾਸੀਆਂ ਨੂੰ ਦੇਸ਼ ਵਿੱਚ ਦਾਖਿਲ ਕਰਨਾ ਚਾਹੁੰਦਾ ਹੈ ਉਸ ਸੰਬੰਧੀ ਟੀਚੇ ਮਿੱਥੇ ਜਾਣਗੇ।
ਪਿਛਲੇ ਸਾਲ ਇਨ੍ਹਾਂ ਟੀਚਿਆਂ ਦਾ ਐਲਾਨ ਕਰਦੇ ਸਰਕਾਰ ਨੇ ਕਿਹਾ ਸੀ ਕਿ 2023 ਵਿੱਚ 465,000 ਨਵੇਂ ਪ੍ਰਵਾਸੀਆਂ, 2024 ਵਿੱਚ 485,000 ਅਤੇ 2025 ਵਿੱਚ 500,000 ਨਵੇਂ ਪ੍ਰਵਾਸੀਆਂ ਨੂੰ ਦੇਸ਼ ਵਿੱਚ ਦਾਖਲਾ ਦਿੱਤਾ ਜਾਵੇਗਾ।
ਇਨ੍ਹਾਂ ਟੀਚਿਆਂ ਨੂੰ ਮਿੱਥਣ ਦਾ ਕੰਮ ਸਾਲਾਨਾ ਤੌਰ 'ਤੇ ਕੀਤਾ ਜਾਂਦਾ ਹੈ।
ਆਮ ਤੌਰ 'ਤੇ ਇਨ੍ਹਾਂ ਟੀਚਿਆਂ ਨੂੰ ਲੈ ਕੇ ਬਹੁਤੀ ਬਹਿਸ ਨਹੀਂ ਹੁੰਦੀ, ਪਰ ਇਸ ਵਾਰ ਕੈਨੇਡਾ ਮਹਿੰਗਾਈ ਅਤੇ ਹਾਉਸਿੰਗ ਸੰਕਟ ਨਾਲ ਨਜਿੱਠ ਰਿਹਾ ਹੈ, ਜਿਸ ਕਰਕੇ ਨਵੇਂ ਪ੍ਰਵਾਸੀਆਂ ਦੀ ਗਿਣਤੀ ਲੈ ਕੇ ਚਿੰਤਾ ਪ੍ਰਗਟ ਕਰਦੀਆਂ ਰਿਪੋਰਟਸ ਅਤੇ ਸਰਵੇ ਹਾਲ ਹੀ ਦੇ ਦਿਨਾਂ ਵਿੱਚ ਸਾਹਮਣੇ ਆਏ ਹਨ।
ਜ਼ਿਕਰਯੋਗ ਹੈ ਕਿ ਪਿਛਲੇ ਸਾਲ 400,000 ਪਰਮਾਨੈਂਟ ਰੈਜ਼ੀਡੈਂਟਸ ਤੋਂ ਇਲਾਵਾ ਕੈਨੇਡਾ ਵਿੱਚ ਸਟੱਡੀ ਜਾਂ ਵਰਕ ਪਰਮਿਟ 'ਤੇ 700,000 ਦੇ ਕਰੀਬ ਅਸਥਾਈ ਨਿਵਾਸੀ ਅਤੇ ਸ਼ਰਨਾਰਥੀ ਵੀ ਆਏ ਹਨ।
ਇਮੀਗ੍ਰੇਸ਼ਨ ਮੰਤਰੀ ਮਾਰਕ ਮਿਲਰ ਵੱਲੋਂ ਅੱਜ ਇਨ੍ਹਾਂ ਟੀਚਿਆਂ ਦਾ ਐਲਾਨ ਕੀਤਾ ਜਾਵੇਗਾ।
