14.25C Vancouver 14.25C VancouverJul 14, 2022 1:31 PM - THE CANADIAN PRESS
ਕੈਨੇਡਾ ਆ ਰਹੇ ਪੋਪ ਦੀ ਯਾਤਰਾ ਦੌਰਾਨ ਫੈਡਰਲ ਸਰਕਾਰ ਨੇ ਮਿਲੀਅਨ ਡਾਲਰ ਖ਼ਰਚ ਕਰਨ ਦਾ ਐਲਾਨ ਕੀਤਾ ਹੈ। ਫੈਡਰਲ ਸਰਕਾਰ ਨੇ ਕਿਹਾ ਹੈ ਕਿ ਉਹ ਇੰਡੀਜਨਸ ਕਮਿਊਨਿਟੀਜ਼, ਓਰਗੇਨਾਈਜ਼ੇਸ਼ਨ ਅਤੇ ਰੈਜ਼ੀਡੈਂਸ਼ਲ ਸਕੂਲਸ ਸਰਵਾਈਵਰਜ਼ ਦੀ ਸਪੋਰਟ ਲਈ 35 ਮਿਲੀਅਨ ਡਾਲਰ ਤੋਂ ਵੱਧ ਦੀ ਸਹਾਇਤਾ ਪ੍ਰਦਾਨ ਕਰੇਗੀ।
ਪੋਪ ਫਰਾਂਸਿਸ 24 ਜੁਲਾਈ ਨੂੰ ਐਡਮਿੰਟਨ ਦੌਰੇ ਨਾਲ ਕੈਨੇਡਾ ਦੀ ਯਾਤਰਾ 'ਤੇ ਆ ਰਹੇ ਹਨ ਅਤੇ 29 ਜੁਲਾਈ ਨੂੰ ਯਾਤਰਾ ਸਮਾਪਤ ਕਰਨ ਤੋਂ ਪਹਿਲਾਂ ਉਹ ਕਿਊਬਿਕ ਅਤੇ ਨੂਨਾਵਤ ਵੀ ਜਾਣਗੇ।
ਇੰਡੀਜਨਸ ਸਰਵਿਸਿਜ਼ ਕੈਨੇਡਾ ਅਤੇ ਕ੍ਰਾਊਨ-ਇੰਡੀਜਨਸ ਰਿਲੇਸ਼ਨਜ਼ ਐਂਡ ਨਾਰਦਰਨ ਅਫੇਅਰਜ਼ ਕੈਨੇਡਾ ਵੱਲੋਂ ਕਮਿਊਨਿਟੀ ਦੀ ਅਗਵਾਈ ਵਾਲੀਆਂ ਸਰਗਰਮੀਆਂ ਅਤੇ ਸਰਵਾਈਵਰਜ਼ ਦੀ ਯਾਤਰਾ ਲਈ 30.5 ਮਿਲੀਅਨ ਡਾਲਰ ਦਿੱਤੇ ਜਾ ਰਹੇ ਹਨ।
ਇਸ ਤੋਂ ਇਲਾਵਾ ਤਿੰਨ ਮਿਲੀਅਨ ਡਾਲਰ 3 ਖੇਤਰਾਂ ਵਿਚ ਇੰਡੀਜਨਸ ਗਰੁੱਪ ਦੀ ਸਪੋਰਟ ਲਈ ਰੱਖੇ ਗਏ ਹਨ, ਜਿੱਥੇ ਪੋਪ ਫਰਾਂਸਿਸ ਸਮਾਂ ਬਿਤਾਉਣਗੇ। ਉੱਥੇ ਹੀ, ਦੋ ਮਿਲੀਅਨ ਡਾਲਰ ਇਨ੍ਹਾਂ ਸਮਾਰੋਹਾਂ ਦੀ ਵਿਆਖਿਆ ਇੰਡੀਜਨਸ ਭਾਸ਼ਾ ਵਿਚ ਕਰਨ ਲਈ ਰੱਖੇ ਗਏ ਹਨ।
ਉਮੀਦ ਕੀਤੀ ਜਾ ਰਹੀ ਹੈ ਕਿ ਫਰਾਂਸਿਸ ਆਪਣੀ ਇਸ ਫੇਰੀ ਦੌਰਾਨ ਰੈਜ਼ੀਡੈਂਸ਼ਲ ਸਕੂਲਾਂ ਵਿਚ ਰੋਮਨ ਕੈਥੋਲਿਕ ਚਰਚ ਦੀ ਭੂਮਿਕਾ ਲਈ ਮੁਆਫ਼ੀ ਮੰਗ ਸਕਦੇ ਹਨ।
