23.63C Vancouver 23.63C VancouverJul 18, 2025 7:06 PM - The Canadian Press
ਕੈਨੇਡਾ ਵਿਚ ਇਸ ਸਾਲ ਹੁਣ ਤੱਕ 5.5 ਮਿਲੀਅਨ ਹੈਕਟੇਅਰ ਤੋਂ ਵੱਧ ਜੰਗਲ ਅੱਗ ਕਾਰਨ ਤਬਾਹ ਹੋ ਚੁੱਕਾ ਹੈ। ਇਹ ਜਾਣਕਾਰੀ ਅੱਜ ਫੈਡਰਲ ਅਧਿਕਾਰੀ ਵਲੋਂ ਦਿੱਤੀ ਗਈ, ਉਨ੍ਹਾਂ ਇਹ ਵੀ ਕਿਹਾ ਕਿ 2025 ਦਾ ਜੰਗਲੀ ਅੱਗ ਦਾ ਸੀਜ਼ਨ ਕੈਨੇਡਾ ਲਈ ਹੁਣ ਤੱਕ ਦੇ ਸਭ ਤੋਂ ਖਰਾਬ ਸੀਜ਼ਨ ਵਿਚੋਂ ਇੱਕ ਹੋ ਸਕਦਾ ਹੈ, ਜਿਸ ਵਿਚ ਅਗਸਤ ਵਿਚ ਹੋਰ ਅੱਗ ਭੜਕਣ ਦਾ ਖ਼ਤਰਾ ਹੈ।
ਅਧਿਕਾਰੀਆਂ ਮੁਤਾਬਕ, ਕੈਨੇਡਾ ਭਰ ਵਿਚ ਇਸ ਸਮੇਂ 561 ਥਾਵਾਂ 'ਤੇ ਜੰਗਲੀ ਅੱਗਾਂ ਲੱਗੀਆਂ ਹੋਈਆਂ ਹਨ, ਜਿਨ੍ਹਾਂ ਵਿਚੋਂ 69 ਨੂੰ ਕਾਬੂ ਤੋਂ ਬਾਹਰ ਮੰਨਿਆ ਜਾਂਦਾ ਹੈ ਅਤੇ ਇਨ੍ਹਾਂ ਵਿਚੋਂ ਜ਼ਿਆਦਾਤਰ ਅੱਗ ਪ੍ਰੈਰੀਜ਼ ਵਿਚ ਹਨ।
ਉਨ੍ਹਾਂ ਕਿਹਾ ਕਿ ਅਗਸਤ ਵਿਚ ਕੈਨੇਡਾ ਦੇ ਵੱਡੇ ਹਿੱਸੇ ਵਿਚ ਤਾਪਮਾਨ ਆਮ ਤੋਂ ਵੱਧ ਰਹਿਣ ਦੀ ਸੰਭਾਵਨਾ ਹੈ, ਨਾਲ ਹੀ ਪ੍ਰੈਰੀਜ਼,ਬੀ.ਸੀ ਅਤੇ ਮੈਰੀਟਾਈਮਜ਼ ਵਿਚ ਨੌਰਮਲ ਤੋਂ ਘੱਟ ਬਾਰਸ਼ ਹੋਣ ਦਾ ਅਨੁਮਾਨ ਹੈ, ਜਿਸ ਨਾਲ ਅੱਗ ਵਧਣ ਦਾ ਖਤਰ ਵੱਧ ਜਾਂਦਾ ਹੈ। ਸਸਕੈਚਵਨ ਪਹਿਲਾਂ ਹੀ ਖਰਾਬ ਸੀਜ਼ਨ ਦਾ ਸਾਹਮਣਾ ਕਰ ਚੁੱਕਾ ਹੈ।
