20.35C Vancouver 20.35C VancouverJul 30, 2026 4:23 PM - Connect Newsroom - Ramanpreet kaur with files from The Canadian Press
ਸਰੀ ਦੀ ਸਰਹੱਦ ਰਾਹੀਂ ਅਮਰੀਕਾ ਤੋਂ ਗੈਰ-ਕਾਨੂੰਨੀ ਤਰੀਕੇ ਨਾਲ loaded firearm ਦੀ ਤਸਕਰੀ ਕਰਨ ਦੇ ਮਾਮਲੇ ਵਿਚ ਇੱਕ ਪੰਜਾਬੀ ਨੂੰ ਆਰ.ਸੀ.ਐਮ.ਪੀ. ਦੀ ਜਾਂਚ ਤੋਂ ਬਾਅਦ ਢਾਈ ਸਾਲ ਦੀ ਕੈਦ ਅਤੇ 10 ਸਾਲ ਹਥਿਆਰ ਰੱਖਣ 'ਤੇ ਪਾਬੰਦੀ ਦੀ ਸਜ਼ਾ ਸੁਣਾਈ ਗਈ ਹੈ। ਮੁਲਜ਼ਮ ਦੀ ਪਛਾਣ ਜਸਕਰਨ Banth ਵਜੋਂ ਸਾਹਮਣੇ ਆਈ ਹੈ।
ਆਰ.ਸੀ.ਐਮ.ਪੀ. ਦੀ Federal Pacific Region ਯੂਨਿਟ ਦੇ ਮੀਡੀਆ ਰਿਲੇਸ਼ਨ ਅਫਸਰ ਕਾਰਪੋਰਲ ਪਰਮਬੀਰ ਕਾਹਲੋਂ ਮੁਤਾਬਕ, ਇਹ ਮਾਮਲਾ ਉਦੋਂ ਸ਼ੁਰੂ ਹੋਇਆ ਜਦੋਂ 11 ਸਤੰਬਰ 2025 ਨੂੰ ਯੂਨਾਈਟੇਡ ਸਟੇਟ ਬਾਰਡਰ ਪੈਟਰੋਲ ਨੇ ਸੂਚਨਾ ਦਿੱਤੀ ਕਿ ਇੱਕ ਵਿਅਕਤੀ ਸਰੀ ਵਿਚ 183 ਸਟ੍ਰੀਟ ਅਤੇ 0 ਐਵੇਨਿਊ ਨੇੜਿਓਂ ਗੈਰ-ਕਾਨੂੰਨੀ ਤੌਰ 'ਤੇ ਕੈਨੇਡਾ ਦੀ ਸਰਹੱਦ ਪਾਰ ਕਰ ਰਿਹਾ ਹੈ।
ਇਸ 'ਤੇ IBET ਯਾਨੀ ਇੰਟੈਗ੍ਰੇਟਿਡ ਬਾਰਡਰ ਇਨਫੋਰਸਮੈਂਟ ਨੇ ਤੁਰੰਤ ਕਾਰਵਾਈ ਕਰਦਿਆਂ Banth ਨੂੰ ਕਸਟਮ ਐਕਟ ਤਹਿਤ ਗ੍ਰਿਫ਼ਤਾਰ ਕੀਤਾ ਤੇ ਉਸ ਕੋਲੋਂ ਲੋਡਿਡ ਹੈਂਡਗੰਨ ਬਰਾਮਦ ਹੋਈ, ਜੋ ਅਮਰੀਕਾ ਦੀ Nevada ਸਟੇਟ ਤੋਂ ਚੋਰੀ ਕੀਤੀ ਗਈ ਸੀ। ਜਸਕਰਨ Banth ਨੇ 1 ਮਈ 2026 ਨੂੰ ਅਦਾਲਤ ਵਿਚ ਦੋਸ਼ਾਂ ਨੂੰ ਕਬੂਲ ਕੀਤਾ, ਜਿਸ 'ਤੇ 3 ਜੁਲਾਈ ਨੂੰ ਅਦਾਲਤ ਵਲੋਂ ਸਖ਼ਤ ਸਜ਼ਾ ਸੁਣਾਈ ਗਈ ਹੈ।
